Donald Trump: நண்பனா இருந்தாலும்... வரி வரி தான்! இந்தியாவுக்கு பாரபட்சம் கட்டாத டிரம்ப்

அமெரிக்கப் பொருட்கள் மீதான அதிக வரிகளைக் காரணம் காட்டி, அமெரிக்க அதிபர் டொனால்ட் டிரம்ப் இந்தியா மீது 26% " பரஸ்பர வரியை" அறிவித்தார்.

டொனால்ட் டிரம்ப்

Source : twitter

அமெரிக்க அதிபராக டிரம்ப் பொறுப்பெற்றதில் இருந்து பல அதிரடி அறிவிப்புகளை வெளியிட்டு வருகிறார், அதன் ஒரு பகுதியாக இந்தியா உட்பட  உலக நாடுகள் மீது பரஸ்பர விதிகளை விதிப்பதாக அவர் அறிவித்துள்ளார். 

வரி விதித்த டிரம்ப்:

இந்தியா உள்ளிட்ட பல உலக நாடுகள்  மீது ரெசிப்ரோக்கல் வரிகளை அறிவித்தார். அதன்படி இந்தியாவுக்கு 26% இறக்குமதி வரி வசூலிக்கப்படும் என டிரம்ப் அறிவித்தார். இது குறித்து டிரம்ப் பேசுகையில்  அமெரிக்கப் பொருட்களுக்கு வரி விதிக்கும் நாடுகள் மீது உன்னிப்பாகக் கண்காணிக்கப்படும் என  பரஸ்பர வரிகளை விதிக்கும் அறிவித்தார்  "அமெரிக்கா மற்ற நாடுகளுக்கு மோட்டார் சைக்கிள்களுக்கு 2.4 சதவீத வரியை மட்டுமே வசூலிக்கிறது. இதற்கிடையில், தாய்லாந்து மற்றும் பிற நாடுகள் 60 சதவீதம் போன்ற மிக அதிக கட்டணங்களை வசூலிக்கின்றன. இந்தியா 70 சதவீதத்தையும், வியட்நாம் 75 சதவீதத்தையும், மற்றவை இன்னும் அதிக கட்டணங்களையும் வசூலிக்கின்றன,"

2.5% வரி விதிப்பு:

"அதேபோல், இன்று வரை, அமெரிக்கா பல ஆண்டுகளாக 2.5 சதவீத வரியை வசூலித்து வருகிறது. வெளிநாட்டு ஆட்டோமொபைல்களுக்கு அந்த 2.5 சதவீதத்தை நினைத்துப் பாருங்கள். ஐரோப்பிய ஒன்றியம் நம்மிடம் 10 சதவீதத்திற்கும் அதிகமான வரிகளை வசூலிக்கிறது, மேலும் அவர்கள் 20 சதவீத VAT வரியை மிக அதிகமாக வசூலிக்கிறார்கள். இந்தியா 70 சதவீதத்தை வசூலிக்கிறது, மேலும் இந்த மிகப்பெரிய வர்த்தக தடைகளின் விளைவாக தென் கொரியா, ஜப்பான் மற்றும் பல நாடுகளால் விதிக்கப்பட்ட பணமற்ற கட்டுப்பாடுகள் எல்லாவற்றையும் விட மோசமானவை."

அவர் வரிக்கான கட்டணங்களை அறிவித்தபோது, ​​இந்தியா, சீனா, இங்கிலாந்து மற்றும் ஐரோப்பிய ஒன்றியம் போன்ற நாடுகள் வசூலிக்கும் கட்டணங்களையும், இந்த நாடுகள் இப்போது செலுத்த வேண்டிய பரஸ்பர கட்டணங்களையும் காட்டும் ஒரு விளக்கப்படத்தை அவர் விளக்கினார்.

நண்பனாக இருந்தாலும் வரி:

இந்தியா "நாணய கையாளுதல் மற்றும் வர்த்தக தடைகள் உட்பட" 52 சதவீத வரிகளை விதித்ததாகவும், அமெரிக்கா இப்போது இந்தியாவிடம் 26 சதவீத "தள்ளுபடி பரஸ்பர கட்டணத்தை" வசூலிக்கும் என்றும் விளக்கப்படம் சுட்டிக்காட்டியது. "இந்தியா, மிக கடினனான வரிகளை விதிக்கிறது. பிரதமர் மோடி இப்போதுதான் இங்கு வந்து சென்றார். ஆனால் அவர் என்னுடைய ஒரு சிறந்த நண்பர், ஆனால் நான் சொன்னேன், 'நீங்கள் என்னுடையநண்பர், ஆனால் நீங்கள் எங்களை சரியாக நடத்தவில்லை. அவர்கள் எங்களிடம் 52% கட்டணம் வசூலிக்கிறார்கள். நீங்கள் புரிந்து கொள்ள வேண்டும், நாங்கள் பல ஆண்டுகளாக அவர்களிடம் கிட்டத்தட்ட எதுவும் வசூலிக்கவில்லை, ஏழு ஆண்டுகளுக்கு முன்பு, நான் வந்தபோதுதான், நாங்கள் சீனாவுடன் தொடங்கினோம்." என்றார்

இதையும் படிக்க

Waqf Bill: 12 மணி நேர விவாதம்! நிறைவேறிய வக்ஃப் மசோதா.. எதிர்க்கட்சிகள் கடும் எதிர்ப்பு