ஸ்டாலின் எனும் பேரழிவுத் தடுப்பான்! பாஜகவை ஓட ஓட விரட்டும் கேடயம் ; விழுப்புரத்தில் லட்சுமணன் முழக்கம்!
மத்தியில் உள்ள சர்வாதிகார பாஜக ஆட்சியை ஓட ஓட விரட்டும் கேடயமாக ஸ்டாலின் திகழ்கிறார் - எம்எல்ஏ லட்சுமணன் !
விழுப்புரம்: மத்திய பாஜக அரசு பல்வேறு நெருக்கடிகளைக் கொடுத்தாலும், தன்னுடைய அயராத உழைப்பால் தமிழகத்தில் முதல்வர் மு.க.ஸ்டாலின் மிகச்சிறந்த மக்கள் ஆட்சியை வழங்கி வருவதாக விழுப்புரம் சட்டமன்ற உறுப்பினர் லட்சுமணன் தெரிவித்துள்ளார்.
விழுப்புரம் புதிய பேருந்து நிலையம் அருகேயுள்ள கலைஞர் அறிவாலயத்தில், விழுப்புரம் மத்திய மாவட்ட திமுக சார்பில் அக்கட்சியின் தலைவரும், தமிழக முதலமைச்சருமான மு.க. ஸ்டாலினின் 73-வது பிறந்தநாளை முன்னிட்டு செயல்வீரர்கள் ஆலோசனைக் கூட்டம் நடைபெற்றது. விழுப்புரம் மத்திய மாவட்டப் பொறுப்பாளரும், சட்டமன்ற உறுப்பினருமான லட்சுமணன் தலைமையில் நடைபெற்ற இந்த நிகழ்வில், ஏராளமான கட்சி நிர்வாகிகள் மற்றும் தொண்டர்கள் உற்சாகத்துடன் கலந்து கொண்டனர்.
"பேரழிவிலிருந்து காத்த கேடயம் ஸ்டாலின்"
கூட்டத்தில் தொண்டர்களிடையே பேசிய எம்.எல்.ஏ லட்சுமணன், முதல்வர் ஸ்டாலினை இந்திய அரசியலின் "ஆச்சரியக்குறி" என வர்ணித்தார். அவர் பேசியதாவது:
சவால்களை முறியடித்தவர்:
"மு.க.ஸ்டாலின் தமிழக முதல்வராக முடியாது என்றும், அப்படியே ஆனாலும் அந்த ஆட்சி நீடிக்காது என்றும் அரசியல் விமர்சகர்கள் கூறினார்கள். ஆனால், இன்று இந்திய அரசியலுக்கே அவர் ஒரு வழிகாட்டியாகத் திகழ்கிறார்."
மத்திய அரசின் நெருக்கடிகள்:
"மத்திய பாஜக அரசு திமுக அரசுக்கு ஓராயிரம் தொந்தரவுகளைக் கொடுத்தாலும், அனைத்தையும் முறியடித்து தனது உழைப்பால் வீறுநடை போட்டு வருகிறார். அரசு என்பது மக்களுக்கானது என்பதை உணர்ந்து முதல்வர் செயல்படுகிறார்."
சர்வாதிகாரத்திற்கு எதிரான போர்:
மத்தியில் உள்ள சர்வாதிகார பாஜக ஆட்சியை ஓட ஓட விரட்டும் கேடயமாக ஸ்டாலின் திகழ்கிறார். 'ஸ்டாலின்' என்ற பெயர்தான் தமிழகத்தைப் பல்வேறு பேரழிவுகளிலிருந்து காப்பாற்றி உள்ளது."
திராவிட மாடல் 2.0 - பிறந்தநாள் பரிசு
தமிழக சட்டமன்றத் தேர்தல் இன்னும் சில மாதங்களில் நடைபெறவுள்ள நிலையில், நிர்வாகிகள் மற்றும் தொண்டர்களுக்கு அவர் முக்கிய வேண்டுகோள் விடுத்தார்.
"வருகின்ற சட்டமன்றத் தேர்தலில் விழுப்புரம் மற்றும் வானூர் தொகுதிகளில் திமுக அமோக வெற்றி பெற வேண்டும். நிர்வாகிகள் இரவு பகல் பாராமல் உழைத்து, 7-வது முறையாக திமுக ஆட்சியை அரியணையில் அமர்த்த வேண்டும். அதுவே நாம் முதல்வருக்கு அளிக்கும் மிகச்சிறந்த பிறந்தநாள் பரிசாக இருக்கும். திராவிட மாடல் 2.0 ஆட்சியைத் தொடர நாம் இப்போதே களப்பணியைத் தொடங்க வேண்டும்." இந்த ஆலோசனைக் கூட்டத்தின் மூலம் விழுப்புரம் மாவட்ட திமுகவினர் தேர்தல் பணிகளுக்கான உற்சாகத்தைப் பெற்றுள்ளனர்.
தலைப்பு செய்திகள்
ட்ரெண்டிங் செய்திகள்
