vellore

ஆபாசப் பேச்சில் மயங்கி ராணுவ ரகசியங்களை கசிய விட்ட முன்னாள் அதிகாரி கைது - யார் அந்த பெண்?

ராஜேஷ். எஸ் — Mon, 26 Oct 2026 15:53:49 +0530

வேலூர்: ராணுவ ரகசியம் மற்றும் தகவலை அடையாளம் தெரியாத பெண் வாட்ஸ்ஆப் எண்ணிற்கு பகிர்ந்து ரகசியத்தை கசிய விட்டதாக வேலூரில் முன்னாள் ஓய்வு பெற்ற ராணுவ அதிகாரி கைது செய்யப்பட்டுள்ளார்.

வேலூர் மாவட்டம் கணியம்பாடி அடுத்த கீழ்வல்லம் பகுதியை சேர்ந்தவர் பாபு (52). இவர் கடந்த 28 ஆண்டுகளாக இந்திய ராணுவத்தில் பல்வேறு பிரிவுகளின் கீழ் பணியாற்றி கடந்த ஆண்டு ராணுவ தளவாட பிரிவில் கேப்டனாக இருந்து ஓய்வு பெற்றுள்ளார். இதனை அடுத்து சொந்த ஊரான கீழ்வல்லம் பகுதியில் வசித்து வரும் இவரது செல்போன் whatsapp எண்ணிற்கு ஓராண்டுக்கு முன் அடையாளம் தெரியாத பெண் ஒருவர் அறிமுகம் ஆகி உள்ளதாகவும், அந்த பெண் முதலில் (ஆபாசமாக) பழகி பின்னர் இந்திய ராணுவம் தொடர்பான தகவலை கேட்டுள்ளார். அந்த பெண் கேட்ட தகவல் அனைத்தையும் பகிர்ந்த அவர், தனக்கு தெரியாத தகவல்களை இராணுவ அலுவலகத்திற்கு போன் செய்து கேட்டுள்ளார்.

கசியவிட்ட ராணுவ ரகசியங்கள்

தொடர்ந்து அந்த பெண்ணிடம் ராணுவ ரகசியங்கள், தளவாட தகவல்களளை கசிய விட்டுள்ளார். சந்தேகம் அடைந்த ராணுவ அதிகாரிகள் மத்திய உளவுத்துறை மூலம் நேரில் விசாரித்துள்ளனர். விசாரணையில் பல தகவல்களை அடையாளம் தெரியாத அந்த பெண்ணிடம் கடந்த ஓராண்டாக தெரிவித்து வந்தது தெரியவந்துள்ளது. மத்திய உளவுத்துறையினர் பாபுவை பிடித்து விசாரணை மேற்கொண்டு வேலூர் கிராமிய காவல் நிலையத்தில் ஒப்படைத்துள்ளனர். இதுதொடர்பாக வேலூர் கிராமிய காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.

மேலும், முன்னாள் ராணுவ அதிகாரி பாபுவிடம் தகவலை பெற்ற பெண் என்ற முகவரியில் தொடர்பு கொண்டவர் யார்? அந்த முகவரியை இயக்குபவர் யார்? வெளிநாட்டவர் தொடர்பு உள்ளதா உள்ளிட்ட கோணங்களில் தீவிர விசாரணை மேற்கொண்டு வருகின்றனர்.

விஐடி பல்கலைக்கழகத்தில் 2027-ஆம் கல்வியாண்டு பி.டெக். மாணவர் சேர்க்கைக்கான ஆன்லைன் விண்ணப்பப் பதிவு தொடக்கம்!

ராஜேஷ். எஸ் — Tue, 20 Oct 2026 18:38:55 +0530

வேலூர்: விஐடி பல்கலைக்கழகத்தின் வேலூர், சென்னை, அமராவதி மற்றும் போபால் வளாகங்களில் 2027-ஆம் கல்வியாண்டிற்கான பி.டெக். பொறியியல் பட்டப்படிப்புகளில் சேருவதற்கான நுழைவுத் தேர்வு (VITEEE) ஆன்லைன் விண்ணப்பப் பதிவு இன்று (அக்டோபர் 20) தொடங்கியுள்ளது.

இதுகுறித்து விஐடி பல்கலைக்கழக வேந்தர் டாக்டர் கோ. விசுவநாதன் வெளியிட்டுள்ள செய்திக்குறிப்பில் தெரிவித்திருப்பதாவது:

விஐடி பல்கலைக்கழகத்தின் நான்கு வளாகங்களிலும் பி.டெக். பொறியியல் படிப்புகளில் சேர விரும்பும் மாணவர்கள், https://viteee.vit.ac.in என்ற அதிகாரப்பூர்வ இணையதளம் வாயிலாக ஆன்லைனில் விண்ணப்பிக்கலாம்.

VITEEE நுழைவுத் தேர்வு 2027-ஆம் ஆண்டு ஏப்ரல் 28-ஆம் தேதி தொடங்கி மே 2-ஆம் தேதி வரை நடைபெற உள்ளது. இந்தியா முழுவதும் 133 நகரங்களிலும், வெளிநாடுகளில் 9 தேர்வு மையங்களிலும் இத்தேர்வு நடத்தப்பட உள்ளது.
மாணவர்கள் தங்களது வசதிக்கேற்ப, தாங்கள் கல்வி பயின்ற இடம் அல்லது சொந்த ஊருக்கு அருகிலுள்ள தேர்வு மையங்களைத் தேர்ந்தெடுத்து நுழைவுத் தேர்வை எழுதலாம். எனவே, விஐடி பல்கலைக்கழகத்தில் பி.டெக். பொறியியல் படிப்புகளில் சேர விரும்பும் மாணவர்கள், அதிகாரப்பூர்வ இணையதளத்தில் விண்ணப்ப விவரங்களை அறிந்து, ஆன்லைன் விண்ணப்பப் பதிவை மேற்கொள்ளுமாறு கேட்டுக்கொள்ளப்படுகிறார்கள்.

விண்ணப்ப இணையதளம்: https://viteee.vit.ac.in
நுழைவுத் தேர்வு தேதிகள்: ஏப்ரல் 28 – மே 2, 2027

Vellore Power Cut: வேலூரில் நாளை (17-10-2026) எங்கெல்லாம் மின் நிறுத்தம்? - மின் வாரியம் வெளியிட்ட லிஸ்ட்

ராஜேஷ். எஸ் — Fri, 16 Oct 2026 16:23:50 +0530

வேலூர் மாவட்டத்தில் பல்வேறு பகுதிகளில் (அக்டோபர் 17, 2026, சனிக்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மதியம் 2 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

தமிழ்நாட்டில் மாதாந்திர மின் பராமரிப்புப் பணிகள் காரணமாக மின்சாரம் நிறுத்தப்படும்போது, அது குறித்து முந்தைய நாள் அறிவிக்கப்படும். இந்த பராமரிப்புப் பணிகளின்போது, சிறிய பழுதுகளைச் சரிசெய்வது, மின்கம்பங்கள் மற்றும் மின்வழித்தடங்களில் உள்ள மரக்கிளைகளை அகற்றுவது போன்ற பல்வேறு பணிகளில் மின்சார வாரிய ஊழியர்கள் ஈடுபடுவார்கள். இந்நிலையில், வேலூர் மாவட்டத்தில் பல்வேறு பகுதிகளில் நாளை காலை 9 மணி முதல் மதியம் 2 மணி வரை மின்தடை செய்யப்படுவதாக அறிவிப்பு வெளியாகியுள்ளது.

மின் விநியோகம் தடைப்படும் பகுதிகள்

வேலூர் மாவட்டம்

விண்டர்பேட், எஸ்.ஆர். கேட், பெருமூச்சி, வெங்கடேசபுரம், அம்மனூர், தேவதகம், நவல், ரயில்வே, ராம்கோ, பொய்ப்பாக்கம் மற்றும் அரக்கோணம் விண்டர்பேட்டை சுற்றுவட்டார பகுதி, அரக்கோணம் டவுன், காந்திநகர், அசோக்நகர், பஜார் தெரு, ஸ்டூவர்ட்பேட்டை, ஹவுசிங் போர்டு, கலிவாரிகண்டிகை, அம்பேத்கர் நகர், நேருஜி நகர் மற்றும் அரக்கோணம் ஆர்.ஏ.பி.டி.ஆர்.பி., வளர்புரம், அரக்கோணம், திருவாலங்காடு, மோசூர் சுற்றுவட்டார பகுதிகள்.

மின்தடை நேரத்தில் செய்ய வேண்டியவை

மின்தடை காலங்களில் தகவல்களைப் பெறுவது மிகவும் முக்கியம். மின்சாரம் மீண்டும் வழங்கப்படும் நிலை மற்றும் அவசர அறிவிப்புகள் குறித்து தெரிந்துகொள்ள, குடியிருப்போர் பேட்டரி சக்தியில் இயங்கும் வானொலிகள் அல்லது முழுமையாக சார்ஜ் செய்யப்பட்ட மொபைல் போன்களை பயன்படுத்த வேண்டும். மொபைல் பேட்டரி ஆயுளை பாதுகாக்க, பவர் சேவிங் மோடினை இயக்கி, அவசர அழைப்புகள் மற்றும் குறுந்தகவல்கள் போன்ற தேவையான பயன்பாட்டிற்கு மட்டுமே போனைக் கொண்டு செயல்படுவது நல்லது.

பாதுகாப்பாக சமாளிக்க முடியும்

மின்தடை நேரத்தில் திடீர் மின்வெட்டு ஏற்படும் அபாயத்தைத் தவிர்க்க, லிப்டைப் பயன்படுத்தாமல் இருக்க வேண்டும். மேலும், அவசர தொடர்பு எண்கள் எளிதில் கிடைக்கும் வகையில் வைத்திருப்பதோடு, தண்ணீர், சிற்றுண்டி, மற்றும் முதலுதவி பெட்டி போன்ற அத்தியாவசிய பொருட்களையும் தயாராக வைத்திருக்க வேண்டும். இந்த முன்னெச்சரிக்கைகளைப் பின்பற்றுவதன் மூலம், குடியிருப்போர் மின்தடை நேரத்தை பாதுகாப்பாக சமாளிக்க முடியும்.

Vellore Power Cut: வேலூரில் நாளை (16-10-2026) எங்கெல்லாம் கரண்ட் கட்? - மின் வாரியம் வெளியிட்ட லிஸ்ட்

ராஜேஷ். எஸ் — Thu, 15 Oct 2026 14:36:35 +0530

வேலூர் மாவட்டத்தில் பல்வேறு பகுதிகளில் (அக்டோபர் 16, 2026, வெள்ளிக்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மதியம் 2 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

மின் விநியோகம் தடைப்படும் பகுதிகள்

வேலூர் மாவட்டம்

புன்னை துணை மின் நிலையம்

நெமிலி, மேல்களத்தூர், கீழ்களத்தூர், செல்வமந்தை, காட்டுப்பாக்கம், வேட்டகுளம், பல்லாவரம், பேரப்பேரி, கீழ்வீதி, கீழ்வேங்கடபுயம், கீழ துரை, மேலதுறை, புன்னை சுற்றுவட்டாரப் பகுதிகள்.

பள்ளூர் துணை மின் நிலையம்

சேந்தமங்கலம், அசநெல்லிக்குப்பம், திருமால்பூர், எஸ்.கொளத்தூர், கணபதிபுரம் மற்றும் பள்ளூர் சுற்றுவட்டார பகுதிகள்.

தக்கோலம் துணை மின் நிலையம்

அரிகில்பாடி, அனந்தபுரம், சேந்தமங்கலம் மற்றும் தக்கோலம் சுற்றுவட்டார பகுதிகள்.

மின்தடை நேரத்தில் செய்ய வேண்டியவை

பாதுகாப்பாக சமாளிக்க முடியும்

Vellore Power Cut: வேலூரில் நாளை (15-10-2026) எங்கெல்லாம் மின் தடை? - மின் வாரியம் வெளியிட்ட லிஸ்ட்

ராஜேஷ். எஸ் — Wed, 14 Oct 2026 13:36:50 +0530

வேலூர் மாவட்டத்தில் பல்வேறு பகுதிகளில் (அக்டோபர் 15, 2026, வியாழக்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மதியம் 2 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

மின் விநியோகம் தடைப்படும் பகுதிகள்

வேலூர் மாவட்டம்

சாலை துணை மின் நிலையம்

ஜி.ஆர் பேட்டை, பரஞ்சி, கும்னிப்பேட்டை, மின்னல் மற்றும் சாலை சுற்றியுள்ள பகுதிகள்

கீழ்ப்பள்ளிபேட்டை துணை மின் நிலையம்

கண்ணமங்கலம், வரகூர்புதூர், அம்மாபாளையம், வல்லம், கிளரசம்பேட்டை சுற்றுவட்டார பகுதிகள்.

மாம்பாக்கம் துணை மின் நிலையம்

வளப்பந்தல், வேம்பி, தோணிமேடு, செங்கணவரன் மற்றும் மாம்பாக்கம் சுற்றுவட்டார பகுதிகள்.

மின்தடை நேரத்தில் செய்ய வேண்டியவை

பாதுகாப்பாக சமாளிக்க முடியும்

Vellore power cut: வேலூரில் நாளை (06-10-2026) எங்கெல்லாம் கரண்ட் இருக்காது? - மின்வாரியம் வெளியிட்ட லிஸ்ட்

ராஜேஷ். எஸ் — Mon, 5 Oct 2026 13:39:36 +0530

வேலூர் மாவட்டத்தில் பல்வேறு பகுதிகளில் (அக்டோபர் 06, 2026, செவ்வாய்க்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மதியம் 2 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

மின் விநியோகம் தடைப்படும் பகுதிகள்

வேலூர் மாவட்டம்

சத்துவாச்சாரி துணை மின் நிலையம்

சைதாப்பேட்டை, சிஎம்சி காலனி, ரங்காபுரம், வல்லார், காகிதப்பட்டறை மற்றும் சத்துவாச்சாரி சுற்றுவட்டாரப் பகுதிகள்.

திருவலம் துணை மின் நிலையம்

திருவலம், சிவஞானம் நகர், ஆர்.கே.தங்கல், கம்மராஜபுரம், இல்லையநல்லூர், தென்பள்ளி, வெங்கடாபுரம், ராமநாதபுரம், குப்பத்தமோட்டூர் மற்றும் திருவலம் சுற்றுவட்டாரப் பகுதி

ஆற்காடு துணை மின் நிலையம்

உப்புப்பேட்டை, முப்பத்துவெட்டி, லட்சுமிபுரம், தாஜ்புரா, மேலக்குப்பம், தூப்புகானா, தேவி நகர், அம்மா நகர், விசாரம், நந்தியாலம், ரத்தினகிரி, மேலக்குப்பம் மற்றும் ஆற்காடு சுற்றுவட்டாரப் பகுதிகள்.

கர்னம்பூட் துணை மின் நிலையம்

மேல்பாடி, மிட்டூர், வள்ளிமலை, திருவலம், பிரம்மபுரம், பூதுதாக்கு, கீழ்மின்னல், அரப்பாக்கம், பெருமுகை, சேவூர், காரணம்புட் சுற்றுவட்டாரப் பகுதிகள்.

சேர்கடு துணை மின் நிலையம்

சேர்காடு, மிட்டூர், கண்டிப்பேடு, முத்தரசிக்குப்பம், மகிமண்டலம், விண்ணம்பள்ளி, மேல்போடிநத்தம், அம்மாவார்பள்ளி, காட்டூர், ஓடந்தாங்கல், உள்ளிபுதூர், தாதிரெட்டிப்பள்ளி மற்றும் சேர்காடு சுற்றுவட்டாரப் பகுதி.

பூட்டுதாக்கு துணை மின் நிலையம்

மேலப்புலம், நெடும்புளி, தண்டலம், பொய்கைநல்லூர், பிள்ளைப்பாக்கம், ஜாகீர் தண்டலம், மேல்வெண்பாக்கம் மற்றும் பணப்பாக்கம் சுற்றுவட்டாரப் பகுதி.

ராணிப்பேட்டை துணை மின் நிலையம்

நாவல்பூர், புலியக்கண்ணு, சாந்தமேடு, வி.சி. மோட்டார், பிஞ்சி, எம்.பி.டி சாலை, பைபாஸ் ராடு, ரஃபிக் நகர், மேல்புதுப்பேட்டை, காந்திநகர், பாரி காலனி, முத்துக்கடை ஒத்தவாடை தெரு மற்றும் ராணிப்பேட்டை சுற்றுப்புற பகுதி.

கத்தியவாடி துணை மின் நிலையம்

தாழனூர், ஆயிலம், ஆயிலம் புதூர், ராமநாதபுரம், கீழ்குப்பம், அருங்குன்றம், ராமாபுரம், வேப்பூர், விஷாரம் மற்றும் கத்தியவாடி சுற்றுவட்டாரப் பகுதி.

மின்தடை நேரத்தில் செய்ய வேண்டியவை

பாதுகாப்பாக சமாளிக்க முடியும்

Vellore Airport: சுற்றுலா தொடங்கி பொருளாதாரம் வரை - வேலூர் விமான நிலைய மேஜிக் நிகழ்த்துமா? அரசு கவனிக்குமா?

குலசேகரன் முனிரத்தினம் — Thu, 1 Oct 2026 15:45:57 +0530

Vellore Airport: நீண்டகால காத்திருப்புக்குப் பிறகு வேலூர் விமான நிலையத்தை, வரும் அக்டோபர் 11ம் தேதி பிரதமர் மோடி பொதுமக்கள் பயன்பாட்டிற்காக திறந்து வைக்க உள்ளார்.

நுற்றாண்டு காணும் வேலூர் ஏர்போர்ட்:

வேலூரில் அப்துல்லாபுரம் பகுதியில் அமைந்துள்ள விமான நிலையமானது கிட்டத்தட்ட நூற்றாண்டு வரலாறு கொண்டதாகும். 1934ம் ஆண்டு ஆங்கிலேயர் ஆட்சி காலத்திலேயே சிறிய ஓடுபாதையுடன் தொடங்கப்பட்டு, தென்னிந்தியாவின் மிகப்பழமையான விமான நிலையங்களில் ஒன்றாக உள்ளது. இரண்டாம் உலகப்போரின் போது அவசர தரையிறக்க மையமாகவும், ஆயுத விநியோக மையாகவும் செயல்பட்டது. சுதந்திரத்திற்குப் பிறகு 2011ம் ஆண்டு வரை இந்த விமான நிலையம் பயன்பாட்டில் இல்லாமலேயே இருந்தது. 2016ம் ஆண்டு மத்திய அரசின் உதான் திட்டத்தின் கீழ் மறுசீரமைப்புக்கு உட்படுத்தப்பட்டு ரூ.59 கோடி செலவில், விமான ஓடுபாதை அதன் வரலாற்று எல்லைகளிலிருந்து 97 ஏக்கர் பரப்பளவிற்கு விரிவுபடுத்தப்பட்டது. புதியதாக அமைக்கப்பட்ட 850 மீட்டர் நீள ஓடுபாதை , வான்வழிப் போக்குவரத்துக் கட்டுப்பாட்டு கோபுரம் மற்றும் அனைத்து வசதிகளுடன் கூடிய பயணிகள் முனையக் கட்டிடம் ஆகியவை இடம்பெற்றுள்ளன. 2022-23 காலகட்டத்திலேயே பெரும்பாலான பணிகள் முடிவுற்ற நிலையில், 3 ஆண்டுகால காத்திருப்பிற்குப் பிறகு வரும் அக்டோபர் 11ம் வேலூர் விமான நிலையத்தை பிரதமர் மோடி திறந்துவைக்க உள்ளார்.

பொருளாதார வளர்ச்சிக்கான மையம்:

இந்த மேம்படுத்தப்பட்ட விமான நிலையமானது வேலூருக்கு மட்டுமின்றி சுற்றுவட்டார மாவட்டங்களுக்கும், பொருளாதாரத்தில் சாதகமான தாக்கத்தை ஏற்படுத்தும் என எதிர்பார்க்கப்படுகிறது. காரணம் இந்த விமான நிலையம் வேலூர் நகரம் மற்றும் அதன் சுற்றுவட்டாரப் பகுதிகளுடன் சாலை மற்றும் ரயில் மூலம் வசதியான அணுகலை கொண்டுள்ளது. இதனால் பயணிகள் விமான நிலையத்தை அடைவது மற்றும் அப்பகுதியில் உள்ள பல்வேறு சுற்றுலாத் தலங்கள் மற்றும் வணிக மையங்களை அணுகுவது எளிதாகிறது. இதனால் இந்த பிராந்தியத்தில் விமானப் போக்குவரத்து மற்றும் விருந்தோம்பல் துறைகளில் புதிய வேலைவாய்ப்புகளை உருவாவதோடு, சுற்றுலா மற்றும் வணிக நடவடிக்கைகளும் பெருகும். உள்ளூர் வணிகங்களுக்கு சிறந்த இணைப்பு வசதியை வழங்கும். உள்ளூர் வியாபரிகள் வணிக எல்லையை விரிவுபடுத்தவும், தங்களது தயாரிப்புகள் மற்றும் சேவைகளை பரந்த பார்வையாளர்களிடம் கொண்டு சென்று சந்தைப்படுத்தவும் வாய்ப்புகள் உருவாகும்.

இதையும் படியுங்கள்: Baththa Review: கேங்ஸ்டராக அசத்தினாரா விஜய் சேதுபதி? எப்படி இருக்கு அட்லீயின் பத்தா? திரைப்பட விமர்சனம்

கலாச்சார சுற்றுலா போக்குவரத்து

வேலூர் ஒரு வளமான கலாச்சார பாரம்பரியம் கொண்ட நகரமாகும். அங்கு வேலூர் கோட்டை, ஸ்ரீ லட்சுமி நாராயண கோயில், ஜாமியா மசூதி உள்ளிட்ட நகரின் பல வரலாற்றுச் சின்னங்களை சுற்றுலாப் பயணிகள் பார்வையிட இந்த விமான நிலையம் ஒரு வசதியான வழியை வழங்கும். அதுபோக திருவண்ணாமலை மற்றும் காஞ்சிபுரம் போன்ற கோயில்கள் நிறைந்த அண்டை மாவட்டங்களுக்கான போக்குவரத்தும் மேம்படும். கூடுதலாக வேலூரில் உள்ள சிஎம்சி மருத்துவமனை தேசிய அளவில் பிரபலமாக இருப்பதால்,மருத்துவ பயணம் மேற்கொள்பவர்களுக்கும் இந்த விமான நிலையம் ஒரு நல்ல வாய்ப்பை வழங்கும்.

சேவைகளை விரிவுபடுத்த கோரிக்கை

தற்போதைய சூழலில் சிறிய ஓடுபாதையை கொண்டிருப்பதால் பெரிய விமானங்களை இங்கிருந்து இயக்க முடியாது எனவும், சார்டட் ஃப்ளைட் போன்ற சிறிய விமானங்களை மட்டுமே வணிக ரீதியாக இயக்க முடியும் என கூறப்படுகிறது. ஆனால் உட்கட்டமைப்பை கருத்தில் கொண்டு பயன்பாட்டை விரிவாக்கினால் பொருளாதார வளர்ச்சிக்கு மிகப்பெரிய வழிவகை உருவாகும் என துறைசார் வல்லுநர்களால் வலியுறுத்தப்படுகிறது.

1. மருத்துவ சுற்றுலா சேவை

வேலூர் விமான நிலையத்தை முறையாக பயன்படுத்தினால் பொருளாதார வளர்ச்சிக்கு அது மிக முக்கிய பங்கு வகிக்கக் கூடும் என உள்ளூர் மக்கள் கோரிக்கை விடுக்கின்றனர். குறிப்பாக தேசிய அளவில் பிரபலமான சிஎம்சி மருத்துவமனைக்கு கொல்கத்தா, கவுகாத்தி மற்றும் வடகிழக்கு மாநிலங்களில் இருந்து வருபவர்கள் சென்னைக்கு வந்து அங்கிருந்து வேலூருக்கு வரவேண்டி உள்ளது. எனவே அந்த பகுதிகளுக்கு மட்டுமின்றி கோவை, மதுரை மற்றும் திருவனந்தபுரம் பகுதிகளுக்கு நேரடி விமான சேவையை ஏற்படுத்த வேண்டும் என்ற கோரிக்கை முன்வைக்கப்படுகிறது.

2. தொழில்துறை தாக்கம்:

ராணிப்பேட்டை — தொழில்துறை மையம்
ஸ்ரீபெரும்புதூர் — முக்கிய உற்பத்தி மையம்
ஆம்பூர் & வாணியம்பாடி — தோல் மற்றும் காலணி மையம்
திருவண்ணாமலை — முக்கிய ஆன்மீக மற்றும் சுற்றுலா மையம்
வேலூர் — மருத்துவம், கல்வி மற்றும் மண்டல மையம் 𝗖𝗔𝗥𝗚𝗢 & தளவாடங்கள்

என வேலூரைச் சுற்றி முக்கிய தொழில்துறை மற்றும் உற்பத்தி மையங்கள் இருப்பதால், இந்த விமான நிலையம் வான்வழி சரக்கு, தளவாடங்கள் மற்றும் காலக்கெடுவுக்குள் கொண்டு செல்லப்படும் சரக்குகள் ஆகியவற்றிற்கு குறிப்பிடத்தக்க முன்னேற்றத்தை வழங்கலாம்.

3. சரக்கு போக்குவரத்திற்கான எளிய அணுகல்

தேசிய நெடுஞ்சாலைகள்
சென்னை–பெங்களூரு விரைவுச்சாலை
நடைபெற்று வரும் சுற்றுச் சாலை மேம்பாடு
வலுவான ரயில் சேவை இணைப்பு
சென்னை, பெங்களூரு, திருப்பதி மற்றும் திருவண்ணாமலைக்கு வலுவான அணுகல்

என வலுவான உட்கட்டமைப்பை கொண்டிருப்பதால், எதிர்கால தேவைகளை கருத்தில் கொண்டு வேலூர் விமான நிலையத்தை வணிக பயன்பாட்டிற்கு ஏற்றவாறு விரிவுபடுத்துவது சரக்கு போக்குவரத்திலும் மிகப்பெரிய தாக்கத்தை ஏற்படுத்தும் என எதிர்பார்க்கப்படுகிறது.

18 ஆண்டுகளாக இழுபறி... ரூ.1,400 கோடி திண்டிவனம்-திருவண்ணாமலை ரயில் திட்டத்தில் புதிய எதிர்பார்ப்பு!

சிவரஞ்சித் — Mon, 28 Sep 2026 10:11:23 +0530

விழுப்புரம்: திண்டிவனம்–செஞ்சி–திருவண்ணாமலை இடையே புதிய ரயில் பாதை அமைக்கும் திட்டத்தை விரைவுபடுத்துவதற்காக, திட்டத்துக்குத் தேவையான நிலம் கையகப்படுத்தும் பணிகளை தமிழக அரசு துரிதப்படுத்த வேண்டும் என்ற கோரிக்கை வலுத்துள்ளது. இதற்காக திட்டம் செயல்படுத்தப்படும் பகுதிகளைச் சேர்ந்த எம்.பி., எம்.எல்.ஏ.,க்கள் ஒருங்கிணைந்து நடவடிக்கை எடுக்க வேண்டும் என பொதுமக்கள் மற்றும் ரயில் பயணிகள் வலியுறுத்தியுள்ளனர்.

2006-ல் அறிவிக்கப்பட்ட திட்டம்

திண்டிவனம்-செஞ்சி-திருவண்ணாமலை இடையே சுமார் 71 கி.மீ. தொலைவுக்கு புதிய ரயில் பாதை அமைக்கும் திட்டம் கடந்த 2006-07-ம் ஆண்டு ரயில்வே திட்டத்தில் சேர்க்கப்பட்டது. இதையடுத்து, 2008-ம் ஆண்டு செஞ்சியில் திட்டத்துக்கான அடிக்கல் நாட்டு விழாவும் நடைபெற்றது.

ஆனால், திட்டம் அறிவிக்கப்பட்டு பல ஆண்டுகள் கடந்தும் பணிகள் முழுமையாக தொடங்காததால், பொதுமக்களிடையே அதிருப்தி ஏற்பட்டது. குறிப்பாக, திட்டத்துக்குத் தேவையான நிலத்தை கையகப்படுத்தும் பணிகள் முழுமையாக நிறைவு பெறாதது முக்கிய காரணமாக கூறப்பட்டது.

கைவிடப்படும் நிலைக்கு சென்ற திட்டம்

திட்டத்துக்கான நிலம் கையகப்படுத்தும் பணிகளில் ஏற்பட்ட தாமதம் காரணமாக, கடந்த சில ஆண்டுகளுக்கு முன்பு இந்த ரயில் பாதை திட்டத்தை கைவிடும் நிலைக்கு ரயில்வே சென்றதாக தெரிவிக்கப்பட்டது. இதனால் திண்டிவனம், செஞ்சி, திருவண்ணாமலை மற்றும் சுற்றுவட்டார பகுதிகளைச் சேர்ந்த மக்கள் ஏமாற்றமடைந்தனர்.

இந்நிலையில், நீண்ட காலமாக பொதுமக்கள் தொடர்ந்து வலியுறுத்தி வந்ததன் காரணமாக, திண்டிவனம்–செஞ்சி-திருவண்ணாமலை புதிய ரயில் பாதை திட்டத்தை மீண்டும் செயல்படுத்த ரயில்வே வாரியம் முடிவு செய்தது.

மீண்டும் உயிர்பெற்ற திட்டம்

இந்த திட்டத்தை மீண்டும் செயல்படுத்துவது தொடர்பான அறிவிப்பை ரயில்வே துறை அமைச்சர் கடந்த மார்ச் மாதம் நாடாளுமன்றத்தில் தெரிவித்ததாக கூறப்படுகிறது.

தற்போதைய மதிப்பீட்டின்படி, திட்டத்தை செயல்படுத்த சுமார் ரூ.1,400 கோடி செலவாகும் என மதிப்பிடப்பட்டுள்ளது. மேலும், திட்டத்தை 2028-ம் ஆண்டுக்குள் நிறைவு செய்ய மத்திய அரசு இலக்கு நிர்ணயித்துள்ளதாக தெரிவிக்கப்பட்டுள்ளது.

இதனால், பல ஆண்டுகளாக கிடப்பில் இருந்த திண்டிவனம்-செஞ்சி-திருவண்ணாமலை ரயில் பாதை திட்டம் மீண்டும் செயல்பாட்டுக்கு வரும் என்ற எதிர்பார்ப்பு பொதுமக்களிடையே ஏற்பட்டுள்ளது.

276 ஹெக்டேர் நிலம் தேவை

புதிய ரயில் பாதை அமைக்கும் பணிக்காக மொத்தம் 276 ஹெக்டேர் நிலம் தேவைப்படுவதாக ரயில்வே தரப்பில் தெரிவிக்கப்பட்டுள்ளது. இதில் இதுவரை 33 ஹெக்டேர் நிலம் மட்டுமே கையகப்படுத்தப்பட்டுள்ளதாகவும், இன்னும் 243 ஹெக்டேர் நிலம் கையகப்படுத்த வேண்டியுள்ளதாகவும் கூறப்படுகிறது.

திட்டத்தை 2028-ம் ஆண்டுக்குள் நிறைவேற்ற இலக்கு நிர்ணயிக்கப்பட்டுள்ள நிலையில், மீதமுள்ள நிலத்தை கையகப்படுத்தும் பணிகள் தாமதமானால், மீண்டும் திட்டம் காலதாமதமாகும் சூழல் ஏற்படலாம் என பொதுமக்கள் அச்சம் தெரிவித்துள்ளனர்.

மூன்று லோக்சபா தொகுதிகள்

திண்டிவனம் முதல் திருவண்ணாமலை வரையிலான பகுதிகளை உள்ளடக்கிய இந்த ரயில் பாதை திட்டத்தின் வழித்தடத்தில் விழுப்புரம், ஆரணி மற்றும் திருவண்ணாமலை ஆகிய மூன்று லோக்சபா தொகுதிகள் இடம்பெறுகின்றன.

தற்போது விழுப்புரம் தொகுதி எம்.பி.யாக வி.சி.க.வைச் சேர்ந்த ரவிக்குமார், ஆரணி தொகுதி எம்.பி.யாக தி.மு.க.வைச் சேர்ந்த தரணிவேந்தன், திருவண்ணாமலை தொகுதி எம்.பி.யாக தி.மு.க.வைச் சேர்ந்த அண்ணாதுரை ஆகியோர் உள்ளனர்.

ஐந்து சட்டசபை தொகுதிகள்

அதேபோல், இந்த ரயில் பாதை திட்டத்தின் வழித்தடத்தில் திண்டிவனம், மயிலம், செஞ்சி, கீழ்பெண்ணாத்தூர் மற்றும் திருவண்ணாமலை ஆகிய ஐந்து சட்டசபை தொகுதிகளும் இடம்பெறுகின்றன.

இந்த தொகுதிகளில் திண்டிவனம் தொகுதியில் வி.சி.க.வைச் சேர்ந்த அமைச்சர் வன்னி அரசு, மயிலம் தொகுதியில் அ.தி.மு.க.வைச் சேர்ந்த முன்னாள் அமைச்சர் சி.வி.சண்முகம், செஞ்சி தொகுதியில் பா.ம.க.வைச் சேர்ந்த கணேஷ்குமார், கீழ்பெண்ணாத்தூர் தொகுதியில் அ.தி.மு.க.வைச் சேர்ந்த ராமச்சந்திரன், திருவண்ணாமலை தொகுதியில் தி.மு.க.வைச் சேர்ந்த முன்னாள் அமைச்சர் வேலு ஆகியோர் எம்.எல்.ஏ.,க்களாக உள்ளனர்.

ஒருங்கிணைந்து நடவடிக்கை தேவை

நீண்ட காலமாக எதிர்பார்க்கப்பட்ட இந்த ரயில் பாதை திட்டம் தற்போது மீண்டும் செயல்படுத்தப்படும் சூழல் உருவாகியுள்ளதால், அதற்குத் தேவையான நிலம் கையகப்படுத்தும் பணியை விரைந்து முடிப்பது முக்கியமானதாக உள்ளது.

இதற்காக விழுப்புரம் மற்றும் திருவண்ணாமலை மாவட்ட நிர்வாகங்கள், தமிழக அரசு மற்றும் ரயில்வே துறை ஆகியவற்றுடன் சம்பந்தப்பட்ட எம்.பி., எம்.எல்.ஏ.,க்கள் ஒருங்கிணைந்து செயல்பட வேண்டும் என கோரிக்கை எழுந்துள்ளது.

குறிப்பாக, இன்னும் கையகப்படுத்தப்பட வேண்டிய 243 ஹெக்டேர் நிலத்துக்கான பணிகளை விரைவுபடுத்தி, நில உரிமையாளர்களுடன் பேச்சுவார்த்தை நடத்துதல், தேவையான நிர்வாக நடவடிக்கைகளை மேற்கொள்ளுதல் உள்ளிட்ட பணிகளை துரிதப்படுத்த வேண்டும் என பொதுமக்கள் வலியுறுத்துகின்றனர்.

பல ஆண்டுகளாக எதிர்பார்ப்பில் உள்ள இந்த ரயில் பாதை திட்டம் மீண்டும் கைவிடப்படாமல், நிர்ணயிக்கப்பட்ட காலக்கெடுவுக்குள் பணிகள் தொடங்கி நிறைவடைய வேண்டும் என்பதே திண்டிவனம், செஞ்சி, திருவண்ணாமலை மற்றும் சுற்றுவட்டார மக்களின் எதிர்பார்ப்பாக உள்ளது.

வேலூரில் 32-வது ஹோட்டலை திறந்த கிராண்ட் கான்டினென்ட்! மருத்துவம், கல்வி, வணிகப் பயணிகளுக்கு புதிய தங்குமிடம்

என்.நாகராஜன் — Sat, 26 Sep 2026 16:58:27 +0530

வேலூர்: தென்னிந்தியாவில் தனது விருந்தோம்பல் வலையமைப்பை விரிவுபடுத்தும் வகையில், கிராண்ட் கான்டினென்ட் ஹோட்டல்ஸ் லிமிடெட், வேலூரில் தனது 32-வது ஹோட்டலை திறந்துள்ளது. நியூ பைபாஸ் சாலையில் உள்ள கிரீன் சர்க்கிள் பகுதியில் அமைந்துள்ள ‘கிராண்ட் கான்டினென்ட் பிரீமியர் – வேலூர்’ ஹோட்டலில் மொத்தம் 50 அறைகள் இடம்பெற்றுள்ளன.

32-வது புதிய ஹோட்டல் திறப்பு

கிராண்ட் கான்டினென்ட் ஹோட்டல்ஸ் நிறுவனம் இந்தியாவின் பல்வேறு நகரங்களில் தனது விருந்தோம்பல் சேவைகளை விரிவுபடுத்தி வருகிறது. அந்த வகையில், வேலூரில் புதிய ஹோட்டல் தொடங்கப்பட்டுள்ளது.

வேலூர் நகரம் மருத்துவம், கல்வி, தொழில், ஆன்மிகம் மற்றும் சுற்றுலா உள்ளிட்ட பல்வேறு துறைகளில் முக்கியத்துவம் பெற்றுள்ளதால், இங்கு ஆண்டு முழுவதும் வெளிமாவட்டங்கள் மற்றும் வெளிமாநிலங்களில் இருந்து ஏராளமானோர் வந்து செல்கின்றனர்.

குறிப்பாக கிறிஸ்தவ மருத்துவக் கல்லூரி (CMC), வேலூர் தொழில்நுட்பக் கழகம் (VIT) போன்ற முக்கிய நிறுவனங்கள் இருப்பதால் மருத்துவச் சுற்றுலா மற்றும் கல்வி சார்ந்த பயணங்கள் அதிகளவில் நடைபெறுகின்றன. இதைக் கருத்தில் கொண்டு புதிய ஹோட்டல் அமைக்கப்பட்டுள்ளதாக நிறுவனம் தெரிவித்துள்ளது.

50 அறைகள் கொண்ட ஹோட்டல்

‘கிராண்ட் கான்டினென்ட் பிரீமியர் – வேலூர்’ ஹோட்டலில் டீலக்ஸ் ட்வின், டீலக்ஸ் கிங் மற்றும் குடும்ப அறைகள் உள்ளிட்ட பிரிவுகளில் 50 அறைகள் உள்ளன. தனியாக வரும் பயணிகள் முதல் குடும்பத்தினர், மாணவர்களின் பெற்றோர், மருத்துவச் சிகிச்சைக்காக வரும் நபர்கள், வணிகப் பயணிகள் மற்றும் சுற்றுலாப் பயணிகள் வரை பல்வேறு தரப்பினருக்கும் ஏற்ற வகையில் அறைகள் வடிவமைக்கப்பட்டுள்ளன.

ஹோட்டலில் 80 பேர் அமரக்கூடிய ‘ஃப்ளேவர்ஸ்’ என்ற பலவகை உணவகமும் அமைக்கப்பட்டுள்ளது. இதில் இந்திய மற்றும் சர்வதேச உணவு வகைகள் வழங்கப்படுகின்றன. மேலும், 80 பேர் அமரக்கூடிய ‘அன்வைண்ட் பார்’ வசதியும் இடம்பெற்றுள்ளது.

கூட்டங்கள் நடத்தவும் வசதி

விருந்தினர்களின் தங்குமிடத் தேவைகளுடன், நிறுவனக் கூட்டங்கள், மாநாடுகள் மற்றும் சமூக நிகழ்ச்சிகளை நடத்துவதற்கான வசதிகளும் ஹோட்டலில் ஏற்படுத்தப்பட்டுள்ளன. போர்டுரூமில் 15 முதல் 20 பேர் வரை அமரலாம். ‘பிளாசம் 1 மற்றும் 2’ அரங்குகளில் திரையரங்கு பாணியில் 200 பேர் வரை அமர முடியும். தேவைக்கேற்ப இந்த அரங்குகளை தனித்தனி பகுதிகளாகவும் பயன்படுத்தலாம்.

‘பிளாசம் 3’ அரங்கில் 60 பேர் வரை அமரக்கூடிய வசதி உள்ளது. இதனால் சிறிய அளவிலான வணிகக் கூட்டங்கள் மற்றும் சமூக நிகழ்ச்சிகளுக்கும் இந்த ஹோட்டலை பயன்படுத்த முடியும்.

பயணிகளுக்கு வசதியாக முக்கிய இடங்களுக்கு அருகில்

ஹோட்டலின் அமைவிடமும் பயணிகளுக்கு வசதியாக இருப்பதாக நிறுவனம் தெரிவித்துள்ளது. VIT மற்றும் CMC ஆகியவை சுமார் 4 கி.மீ தொலைவிலும், காட்பாடி ரயில் நிலையம் சுமார் 5 கி.மீ தொலைவிலும் உள்ளன. புகழ்பெற்ற ஸ்ரீபுரம் பொற்கோயில் சுமார் 12 கி.மீ தொலைவில் உள்ளது.

அமிர்தி விலங்கியல் பூங்கா மற்றும் ராணிப்பேட்டை பகுதிகள் சுமார் 25 கி.மீ தொலைவில் அமைந்துள்ளன. சென்னை விமான நிலையம் சுமார் 125 கி.மீ தொலைவில் உள்ளது.

‘முக்கிய சந்தை’ – நிறுவனர் ரமேஷ் சிவா

ஹோட்டல் திறப்பு குறித்து கிராண்ட் கான்டினென்ட் ஹோட்டல்ஸ் லிமிடெட் நிறுவனத்தின் நிறுவனர் மற்றும் நிர்வாக இயக்குனர் ரமேஷ் சிவா கூறுகையில், பல்வேறு வகையான பயணிகளை ஈர்க்கும் வேலூர் தங்களுக்கு முக்கியமான சந்தை என தெரிவித்தார்.

மருத்துவம், கல்வி, வணிகம் மற்றும் சுற்றுலா உள்ளிட்ட காரணங்களுக்காக மக்கள் தொடர்ந்து வேலூருக்கு வருவதால், பல்வேறு பிரிவினருக்கும் ஏற்ற வசதியான மற்றும் நம்பகமான தங்குமிடங்களுக்கான தேவை இருப்பதாக அவர் குறிப்பிட்டார்.

32-வது ஹோட்டல் மூலம் தென்னிந்தியாவில் நிறுவனத்தின் இருப்பை மேலும் வலுப்படுத்துவதுடன், நிலையான தேவை உள்ள சந்தைகளில் தொடர்ந்து விரிவாக்கம் செய்ய உள்ளதாகவும் அவர் தெரிவித்தார்.

20-க்கும் மேற்பட்ட நகரங்களில் விரிவாக்கம்

வேலூர் ஹோட்டலுடன் சேர்த்து கிராண்ட் கான்டினென்ட் ஹோட்டல்ஸ் நிறுவனம் தற்போது 20-க்கும் மேற்பட்ட நகரங்களில் 32-க்கும் மேற்பட்ட ஹோட்டல்கள் மற்றும் 2,000-க்கும் மேற்பட்ட அறைகளைக் கொண்டுள்ளதாக தெரிவித்துள்ளது.

2011-ல் பெங்களூருவில் ஒரே ஒரு ஹோட்டலுடன் தொடங்கிய நிறுவனம், தற்போது இந்தியாவின் பல்வேறு பகுதிகளிலும், அமெரிக்கா மற்றும் துபாய் உள்ளிட்ட சர்வதேச சந்தைகளிலும் தனது வலையமைப்பை விரிவுபடுத்தியுள்ளது.

பெங்களூரு, சென்னை, ஹைதராபாத், குர்கான், ஓசூர், செகந்திராபாத் உள்ளிட்ட வணிக நகரங்களிலும், துவாரகா, திருப்பதி, ராமேஸ்வரம் போன்ற ஆன்மிகத் தலங்களிலும், உதய்பூர், மகாபலிபுரம், மைசூர், கோவா போன்ற சுற்றுலாத் தலங்களிலும் நிறுவனத்தின் ஹோட்டல்கள் செயல்பட்டு வருகின்றன.

வணிகம், மருத்துவம், கல்வி, புனித யாத்திரை மற்றும் சுற்றுலா ஆகிய துறைகளில் அதிக பயணிகள் வந்து செல்லும் இடங்களை மையமாகக் கொண்டு தனது விருந்தோம்பல் வலையமைப்பை தொடர்ந்து விரிவுபடுத்த நிறுவனம் திட்டமிட்டுள்ளதாக தெரிவிக்கப்பட்டுள்ளது.

Vellore power cut: வேலூரில் நாளை (25-09-2026) எங்கெல்லாம் மின் தடை? - மின்வாரியம் வெளியிட்ட லிஸ்ட்

ராஜேஷ். எஸ் — Thu, 24 Sep 2026 10:48:28 +0530

வேலூர் மாவட்டத்தில் பல்வேறு பகுதிகளில் நாளை ( செப்டம்பர் 25, 2026, வெள்ளிக்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மதியம் 2 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

மின் விநியோகம் தடைப்படும் பகுதிகள்

வேலூர் மாவட்டம்

இச்சிபுதூர் துணை மின் நிலையம்

எம்ஆர்எஃப் நிறுவனம், தணிகைபோளூர், வடமாம்பாக்கம் மற்றும் இச்சிபுத்தூர் சுற்றுவட்டாரப் பகுதிகள்

புன்னை துணை மின் நிலையம்

நெமிலி, மேல்களத்தூர், கீழ்களத்தூர், செல்வமந்தை, காட்டுப்பாக்கம், வேட்டகுளம், பல்லாவரம், பேரப்பேரி, கீழ்வீதி, கீழ்வேங்கடபுயம், கீழ்துறை, மேலதுறை, புன்னை சுற்றுவட்டாரப் பகுதிகள்.