EV Velu Case: எ.வ.வேலு மற்றும் அவரது மகன் மீதான வழக்கு.. அலறிய படி கோர்ட் கதவை தட்டிய முன்னாள் அமைச்சர்!

EV Velu Case: சட்டவிரோதமாக ஏரி மண் எடுத்தது தொடர்பான வழக்கை ரத்து செய்யக் கோரி எ.வ.வேலு, அவரது மகன் தாக்கல் செய்த மனுக்கள் விரைவில் விசாரணை.

Written By : வினோத்குமார் | Updated at : 03 Oct 2026 06:09 PM (IST)

எ.வ.வேலு

Source : twitter

கடந்த 2025-ம் ஆண்டு டிசம்பர் 14-ம் தேதி திமுக வடக்கு மண்டல இளைஞரணி மாநாடு திருவண்ணாமலையில் நடைபெற்றது. இந்த மாநாட்டு திடலை சமன் செய்வதற்காக அருகில் உள்ள மலப்பம்பாடி ஏரியில் இருந்து அனுமதிக்கப்பட்ட அளவை விட சட்டவிரோதமாக 12 ஏக்கர் பரப்பளவுக்கு, 10 முதல் 23 அடி ஆழத்துக்கு மண் எடுக்கப்பட்டுள்ளது. இதன்மூலம் அரசுக்கு 8 கோடி ரூபாய் அளவுக்கு இழப்பு ஏற்பட்டுள்ளதாக அறப்போர் இயக்கம் சார்பில் கடந்த ஆகஸ்ட் 13-ம் தேதி லஞ்ச ஒழிப்புத் துறையிடம் புகார் அளிக்கப்பட்டது.

லஞ்ச ஒழிப்புத்துறை வழக்குப் பதிவு

இந்த புகாரின் அடிப்படையில், முன்னாள் அமைச்சர் எ.வ.வேலு, அவரது மகன் எ.வ.குமரன் மீது லஞ்ச ஒழிப்புத்துறை வழக்குப் பதிவு செய்துள்ளனர். இந்த வழக்கை ரத்து செய்யக் கோரி முன்னாள் அமைச்சர் எ.வ.வேலு மற்றும் அவரது மகன் எ.வ.குமரன் தரப்பில் சென்னை உயர்நீதிமன்றத்தில் மனு தாக்கல் செய்யப்பட்டுள்ளது.

இதையும் படிங்க: TASMAC: குடிமகன்களுக்கு ஷாக்கிங் நியூஸ்! டாஸ்டாக் கடைகள் 4 நாட்கள் மூடல்! எந்தெந்த மாவட்டங்களுக்கு?

இந்நிலையில் முதல் தகவல் அறிக்கை இல்லாமல் வழக்கை ரத்து செய்யக் கோரிய மனுவை விசாரணைக்கு பட்டியலிடக் கோரி இருவர் தரப்பிலும் மனுக்கள் தாக்கல் செய்யப்பட்டிருந்தன. இந்த மனுக்களை விசாரித்த நீதிபதி வி.லட்சுமி நாராயணன், முதல் தகவல் அறிக்கை இல்லாமல், வழக்கை ரத்து செய்யக் கோரிய மனுவை எண்ணிட்டு, விசாரணைக்கு பட்டியலிட உத்தரவிட்டுள்ளார்.

விரைவில் விசாரணை

இதன் காரணமாக, சட்டவிரோதமாக ஏரி மண் எடுத்தது தொடர்பான வழக்கை ரத்து செய்யக் கோரி எ.வ.வேலு, அவரது மகன் தாக்கல் செய்த மனுக்கள் விரைவில் விசாரணைக்கு பட்டியலிடப்படும் என எதிர்பார்க்கப்படுகிறது.

ஏற்கனவே ஒப்பந்ததாரரிடம் இருந்து 1,131 கோடி ரூபாய் பண பரிமாற்றம் செய்யப்பட்டது தொடர்பான வழக்கில் முன்னாள் அமைச்சர் எ.வ.வேலுவிடம் விசாரணை செய்ய அனுமதி அளிக்க வேண்டும் என்று சென்னை உயர்நீதிமன்றத்தில் லஞ்ச ஒழிப்புத்துறை கோரிக்கை விடுத்தது. இதனை ரத்து செய்யக்கோரி முன்னாள் அமைச்சர் எ.வ வேலு சென்னை உயர்நீதிமன்றத்தில் மனு தாக்கல் செய்து குறிப்பிடத்தக்கது.

About the author வினோத்குமார்

வினோத்குமார் 12 ஆண்டுகளாக செய்தித்துறையில் பணியாற்றி வரும் இவர். கடந்த 8 ஆண்டுகளாக ஏசியாநெட் நியூஸ் தமிழில் சப்-எடிட்டராக பணியாற்றியவர். தற்போது ABP நாடுவில்சீனியர் சப் எடிட்டராக பணியாற்றி வருகிறார். டிஜிட்டல் மீடியா குறித்து நன்கு அனுபவம் கொண்டவர். தமிழ்நாடு, அரசியல், குற்றம் செய்திகளை எழுதுவதில் ஆர்வம் கொண்டவர்.