ஜாக்பாட் வேலை வாய்ப்பு... மத்திய அரசு பணி: முழு விபரங்கள் உங்களுக்காக!!!
14 பணியிடங்களை நிரப்பத் தகுதியானவர்களிடம் இருந்து விண்ணப்பங்கள் வரவேற்கப்படுகின்றன. 12ம் வகுப்பு தேர்ச்சி பெற்றவர்கள் முதல் பட்டப்படிப்பு முடித்தவர்கள் வரை இந்த வாய்ப்பைப் பயன்படுத்திக் கொள்ளலாம்.
தஞ்சாவூர்: இந்திய உள்நாட்டு நீர்வழி ஆணையத்தில் 14 காலிப் பணியிடங்களை நிரப்ப அறிவிப்பு வெளியாகி உள்ளது. 12ம் வகுப்பு, டிகிரி படித்தவர்கள் விண்ணப்பிக்கலாம். கடைசி நாள்: வரும் 5.11.2025 மத்திய அரசின் அட்டகாசமான வேலை வாய்ப்புங்க. மிஸ் பண்ணீடாதீங்க.
மத்திய அரசின் கீழ் செயல்படும் இந்திய உள்நாட்டு நீர்வழி ஆணையம் (Inland Waterways Authority of India - IWAI), தற்போது நாடு முழுவதும் உள்ள காலி பணியிடங்களை நிரப்ப புதிய அறிவிப்பை வெளியிட்டுள்ளது. 14 பணியிடங்களை நிரப்பத் தகுதியானவர்களிடம் இருந்து விண்ணப்பங்கள் வரவேற்கப்படுகின்றன. 12ம் வகுப்பு தேர்ச்சி பெற்றவர்கள் முதல் பட்டப்படிப்பு முடித்தவர்கள் வரை இந்த வாய்ப்பைப் பயன்படுத்திக் கொள்ளலாம்.
12ஆம் வகுப்பு தேர்ச்சி பெற்றவர்களுக்கு மிக முக்கியமான வாய்ப்பாக கீழ்நிலை எழுத்தர் பணி ( Lower Division Clerk) பதவி அறிவிக்கப்பட்டுள்ளது. மொத்தம் 4 காலியிடங்கள் உள்ளன. இதற்கு மாதம் ரூ.19,900 முதல் ரூ.63,200 வரை சம்பளம் நிர்ணயிக்கப்பட்டுள்ளது. இந்தப் பணிக்கு விண்ணப்பிக்க, அங்கீகரிக்கப்பட்ட வாரியம் அல்லது பல்கலைக்கழகத்தில் 12ம் வகுப்பு அல்லது அதற்கு சமமான படிப்பில் தேர்ச்சி பெற்றிருக்க வேண்டும். மேலும், கணினியில் ஆங்கிலத்தில் நிமிடத்திற்கு 35 வார்த்தைகள் அல்லது இந்தியில் நிமிடத்திற்கு 30 வார்த்தைகள் தட்டச்சு செய்யும் திறனும் தேவை. வயது வரம்பு 27-க்கு மேற்படாமல் இருக்க வேண்டும்.
இதை தவிர, அதிக சம்பளம் மற்றும் நிபுணத்துவம் தேவைப்படும் பதவிகளும் இதில் உள்ளன.
ஜூனியர் ஹைட்ரோகிராஃபிக் சர்வேயர் (Junior Hydrographic Surveyor) (9 காலியிடங்கள்): மாதம் ரூ. 35,400 – ரூ.1,12,400 வரை சம்பளம். சிவில் இன்ஜினியரிங் பட்டம் அல்லது டிப்ளமோவுடன் 3 வருட அனுபவம் தேவை. அதிகபட்ச வயது வரம்பு 30.
முதுநிலை கணக்கு அதிகாரி (Senior Accounts Officer) (1 காலியிடம்): மாதம் ரூ. 56,100 – ₹1,77,500 வரை சம்பளம். சார்ட்டர்டு அக்கவுண்ட்ஸ் அல்லது Costs and Works Accountants இறுதித் தேர்வில் தேர்ச்சி பெற்றிருக்க வேண்டும். மேலும், வணிகக் கணக்குகள் துறையில் மூன்று ஆண்டுகள் அனுபவம் அவசியம். அதிகபட்ச வயது வரம்பு 35.
இந்த பணியிடங்களுக்கு விண்ணப்பிக்கும் விண்ணப்பதாரர்கள், பதவிக்கு ஏற்ப வெவ்வேறு தேர்வு முறைகளை எதிர்கொள்வார்கள். LDC பதவிக்கு CBT (கணினி அடிப்படையிலான தேர்வு) மற்றும் திறனறிவு தேர்வு மூலம் தேர்வு செய்யப்படுவார்கள். Junior Hydrographic Surveyor பதவிக்கு CBT மட்டுமே. Senior Accounts Officer பதவிக்கு CBT மற்றும் நேர்காணல் மூலம் தேர்வு நடைபெறும். எஸ்.சி., எஸ்.டி., எக்ஸ் சர்வீஸ்மேன், பிடபிள்யூபிடி பிரிவினருக்குக் கட்டணம் கிடையாது. மற்றவர்கள் ரூ. 500/- விண்ணப்பக் கட்டணமாக செலுத்த வேண்டும். எஸ்.சி.,/எஸ்.டி., பிரிவினருக்கு 5 வருடங்களும், ஓபிசி பிரிவினருக்கு 3 வருடங்களும் வயது தளர்வு வழங்கப்படுகிறது. ஆர்வமுள்ளவர்கள் https://iwai.nic.in/ என்ற இணையதளம் மூலம் ஆன்லைனில் விண்ணப்பிக்கலாம்.
விண்ணப்பிக்க கடைசி நாள்: வரும் 5.11.2025. காலம் தாழ்த்தாமல் தகுதியும், விருப்பமும் உள்ளவர்கள் உடனே உங்களின் விண்ணப்பத்தை அனுப்பிடுங்கள். மத்திய அரசு பணியில் சேர வேண்டும் என்று விருப்பம் உள்ளவர்கள் இதை சரியாக பயன்படுத்தி கொள்ளலாம். அருமையான வேலை வாய்ப்பு மற்றும் சிறந்த சம்பளம் என்பதால் மிஸ் பண்ணீடாதீங்க.
தலைப்பு செய்திகள்
ட்ரெண்டிங் செய்திகள்
