தமிழ்நாட்டின் 6 மாவட்டங்களில் பலத்த காற்றுடன் கூடிய கனமழை பெய்ய வாய்ப்புள்ளதாக வானிலை ஆய்வு மையம் அறிவித்துள்ளது.
எந்தெந்த மாவட்டங்களில் மழைக்கு வாய்ப்பு?
வானிலை ஆய்வு மையம் வெளியிட்டுள்ள அறிக்கையில் தேனி, திண்டுக்கல், மதுரை, தூத்துக்குடி, ராமநாதபுரம், புதுக்கோட்டை மற்றும் சிவகங்கை ஆகிய மாவட்டங்களில் இடி, மின்னல் மற்றும் பலத்த காற்றுடன் கூடிய கனமழை பெய்யக்கூடுமென வானிலை ஆய்வு மையம் தெரிவித்துள்ளது. மேலும் விழுப்புரம், செங்கல்பட்டு, கடலூர், மயிலாடுதுறை, தஞ்சாவூர், நாகப்பட்டினம், திருவாரூர், விருதுநகர், தென்காசி, திருநெல்வேலி, கன்னியாகுமரி மாவட்டங்கள், புதுவை மற்றும் காரைக்கால் பகுதிகளிலும் இடி, மின்னலுடன் கூடிய மிதமான மழைக்கு வாய்ப்புள்ளதாகவும் தெரிவிக்கப்பப்பட்டுள்ளது.
அடுத்த புயலுக்கு தயாரா?
வருகிற 13-ஆம் தேதியன்று வங்கக்கடலில் குறைந்த காற்றழுத்த தாழ்வுப் பகுதி உருவாக வாய்ப்புள்ளதாக வானிலை ஆய்வு மையம் தெரிவித்துள்ளது. வளிமண்டல மேலடுக்கு சுழற்சியின் காரணமாக தென்கிழக்கு வங்கக்கடல் மற்றும் அதனை ஒட்டிய குறைந்த காற்றழுத்த தாழ்வுப்பகுதி உருவாகக்கூடும் எனவும் குறிப்பிட்டுள்ளது. இது காற்றழுத்த தாழ்வு மண்டலமாக வலுப்பெற்று அது மேலும் வலிமைபெற்றால் புயல் உருவாகும்.