Vijay CM Oath Ceremony LIVE:தமிழக முதலமைச்சரானார் விஜய்.. தமிழ்நாடு முழுவதும் உற்சாக கொண்டாட்டம்!
Vijay Swearing In Ceremony LIVE Updates: தமிழ்நாட்டின் 9வது புதிய முதலமைச்சராக தமிழக வெற்றிக் கழக தலைவர் ஜோசப் விஜய் இன்று பதவியேற்கிறார். அவரது பதவியேற்பு தொடர்பான தகவல்களை இங்கு காணலாம்.
LIVE
Background
Vijay Swearing In Ceremony LIVE Updates
பெரும் எதிர்பார்ப்புகளுக்கிடையே தமிழ்நாட்டின் புதிய முதலமைச்சராக ஜோசப் விஜய் இன்று பதவியேற்கிறார். அவருக்கு ஆளுநர் ராஜேந்திர விஸ்வநாத் அர்லேகர் பதவிப்பிரமாணம் செய்து வைக்கிறார்.
நடந்து முடிந்த தமிழ்நாடு சட்டமன்ற தேர்தலில் தமிழக வெற்றிக் கழகம் 108 இடங்களில் வென்றது. அக்கட்சிக்கு பெரும்பான்மை இல்லாத நிலையில் காங்கிரஸ் கட்சி ஆட்சியில் பங்கெடுக்கும் வகையில் தனது ஆதரவை தெரிவித்தது. அதேசமயம் இந்திய கம்யூனிஸ்ட், மார்க்சிஸ்ட் கம்யூனிஸ்ட், விடுதலை சிறுத்தைகள் கட்சி மற்றும் இந்திய யூனியன் முஸ்லீம் லீக் கட்சி ஆகியவை வெளியில் இருந்து ஆதரிப்பதாக கூறியது. இதனைத் தொடர்ந்து 120 எம்.எல்.ஏ.,க்கள் ஆதரவுடன் விஜய் ஆட்சியமைக்கிறார்.
சென்னை நேரு உள்விளையாட்டரங்கில் இன்று காலை 10 மணிக்கு தமிழ்நாட்டின் புதிய முதலமைச்சராக அவர் பதவியேற்கவுள்ளதாக அறிவிக்கப்பட்டுள்ளது. விஜய் முதலமைச்சரானதை முன்னிட்டு தமிழ்நாடு முழுவதும் கொண்டாட்டங்கள் நடைபெற்று வருகிறது. விஜயுடன் சேர்த்து முதற்கட்டமாக 9 அமைச்சர்களும் பதவியேற்பார்கள் எனவும், தற்காலிக சபாநாயகர் இன்று அறிவிக்கப்படுவார் எனவும் தெரிவிக்கப்பட்டுள்ளது. சென்னை நேரு உள் விளையாட்டரங்கில் பாதுகாப்பு ஏற்பாடுகள் பலப்படுத்தப்பட்டிருக்கிறது. விஜய் பதவியேற்பு விழா தொடர்பான தகவல்களை நாம் இங்கு காணலாம்.
அமைச்சரானார் சிவகாசி கீர்த்தனா
விஜய் தலைமையிலான அமைச்சரவையில் ஒன்பதாவது நபராக சிவகாசியில் வெற்றி பெற்ற கீர்த்தனாவிற்கு, ஆளுநர் பதவி பிரமாணம் மற்றும் ரகசிய காப்பு பிரமாணம், செய்து வைத்தார்.
சீமானை வீழ்த்திய மருத்துவர் பிரபு அமைச்சரானார்
விஜய் தலைமையிலான அமைச்சரவையில் எட்டாவது நபராக மருத்துவர் டி.கே. பிரபுவிற்கு, ஆளுநர் பதவி பிரமாணம் மற்றும் ரகசிய காப்பு பிரமாணம், செய்து வைத்தார்.
தலைப்பு செய்திகள்
ட்ரெண்டிங் செய்திகள்
