TVK Government Formation: திமுக, அதிமுக இல்லாத புது ஆட்சி! முதலமைச்சர் ஆகும் விஜய் - தவெக தொண்டர்கள் குஷி

TVK Candidate: திமுக மற்றும் அதிமுக இல்லாத முதல் ஆட்சி அரைநூற்றாண்டுகளுக்கு பிறகு தமிழ்நாட்டில் அமைய உள்ளது.

முதலமைச்சர் பதவியேற்கப்போகும் விஜய்

Source : twitter

தமிழ்நாட்டின் சட்டமன்ற தேர்தல் முடிவுகள் வெளியாகி இந்தியா முழுவதும் பெரிய எதிர்பார்ப்புகளை உருவாக்கியுள்ளது. இந்த தேர்தலில் திமுகவே தனிப்பெரும்பான்மையாக ஆட்சியமைக்கும் என்று பலரும் கணித்த நிலையில், யாருமே எதிர்பார்க்காத வகையில் தமிழக வெற்றிக் கழகம் ஆட்சியைப் பிடித்தது. 

முதலமைச்சர் ஆகும் விஜய்:

தமிழ்நாட்டின் வரலாற்றில் சுமார் அரை நூற்றாண்டுகளாக திமுக மற்றும் அதிமுக ஆகிய கட்சிகளே மாறி, மாறி ஆட்சியமைத்து வந்த நிலையில் முதன்முறையாக இந்த இரண்டு கட்சிகளுக்கும் மாற்றாக புதிய கட்சியான தமிழக வெற்றிக் கழகம் ஆட்சி அமைய உள்ளது.

தவெக ஆட்சி:

108 தொகுதிகளே வெற்றி பெற்றிருந்த நிலையில், தனிப்பெரும்பான்மை கிடைக்காமல் விஜய் தவித்து வந்தார். காங்கிரஸ் ஆதரவு மட்டுமே கிடைத்திருந்த நிலையில், இந்திய கம்யூனிஸ்ட், மார்க்சிஸ்ட், விசிக, இந்திய யூனியன் முஸ்லீம் லீக் கட்சியினர் அடுத்தடுத்து இன்று ஆதரவை அளித்துள்ளனர். இதனால், 118 எம்எல்ஏ-க்களின் ஆதரவு என்ற தனிப்பெரும்பான்மையை விஜய் பெற்று ஆட்சியமைக்க உள்ளார்.

தனக்கு ஆதரவு அளித்த கட்சியின் தகவல்களை விஜய் நேரில் சென்று நன்றி தெரிவித்துள்ளார். இந்த சூழலில், விஜய் தலைமையிலான தவெக அரசு நாளை பதவியேற்க உள்ளதாகவும் தகவல்கள் வெளியாகியுள்ளது. தமிழ்நாட்டின் புதிய முதலமைச்சராக விஜய் சென்னையில் உள்ள நேரு உள்விளையாட்டு அரங்கத்தில் பதவியேற்க உள்ளதாகவும் தகவல்கள் வெளியாகியுள்ளது.

தொண்டர்கள் கொண்டாட்டம்:

விஜய் முதலமைச்சர் ஆவது உறுதியானதையடுத்தும், தமிழ்நாட்டில் தவெக ஆட்சி அமைய உள்ளதாலும் அக்கட்சியின் தொண்டர்கள் மிகுந்த உற்சாகத்துடன் உள்ளனர். அவர்கள் வழியெங்கிலும் பட்டாசுகள் வெடித்தும், மக்களுக்கு இனிப்புகள் வழங்கியும் கொண்டாடி வருகின்றனர்.

தமிழ்நாட்டின் வரலாற்றிலே எம்ஜிஆருக்கு பிறகு எத்தனையோ நடிகர்கள் கட்சி தொடங்கியிருந்தாலும், அவர்கள் யாருமே செய்யாத ஒரு வரலாற்றை விஜய் செய்துள்ளார். 34 சதவீத வாக்குகளை அதாவது 1.70 கோடி வாக்குகளைப் பெற்று அவர் முதலமைச்சராக பொறுப்பேற்கிறார்.

முதன்முறை போட்டியிட்டதிலே ஆட்சியைக் கைப்பற்றியுள்ள விஜய்யின் தவெக-வால் தமிழ்நாட்டில் புதிய முதலமைச்சர், புதிய அமைச்சரவை, புதிய செயல்பாடுகள் என்று மாறியுள்ளது. இதனால், அவரது ஆட்சியும்,அவரது ஆட்சி செயல்பாடும் எப்படி இருக்கப்போகிறது? என்ற கேள்வி எழுந்துள்ளது.