TN Assembly Session Today LIVE: சட்டப்பேரவை விதிகளுக்கு உட்பட்டு எம்.எல்.ஏக்கள் பேசவேண்டும் - சபாநாயகர் அப்பாவு அறிவுறுத்தல்
TN Assembly Session Today LIVE Updates: சட்டப்பேரவையின் மூன்றாவது நாளான இன்று நடைபெற்ற நிகழ்வுகளை இதில் தெரிந்துகொள்ளலாம்
இந்த ஆண்டு சட்டமன்றத்தில் ஆளுநர் ஆற்றிய உரை மீது நன்றி கலந்த வருத்தம் தீர்மானத்தினை திமுக கம்பம் ராமகிருஷ்ணன் எம்.எல்.ஏ கொண்டுவந்துள்ளார்.
வேங்கைவயலில் நடைபெற்ற சம்பவம் கண்டிக்கத்தக்கது எனவும், இதுபோன்ற கீழ்தரமான செயலில் ஈடுபடுவோர் மீது இரும்புக்கரம் கொண்டு நடவடிக்கை எடுக்கப்படும் எனவும் முதலமைச்சர் பேசியுள்ளார்.
மதம் உன்னை மிருகமாக்கும், சாதி உன்னைச் சாக்கடையாக்கும் என பெரியாரின் சொல்படி நாம் அனைவரும் சகோதரத்துவத்துடன் வாழ வேண்டும் என முதலமைச்சர் கூறியுள்ளார்.
புதுக்கோட்டை வேங்கைவயல் கிராமத்தில் உயர்மட்ட குடிநீர் தொட்டியில் மனித கழிவு கலக்கப்பட்டதும், பாதிக்கப்பட்ட மக்களுக்கு, உரிய சிகிச்சை அளிக்கப்பட்டுள்ளது. மேலும், சிறப்பு புலனாய்வு குழு அமைத்து 70 பேரிடம் விசாரணை நடைபெற்றது.
ஆளுநர் உரையின் போது சட்டமன்ற உறுப்பினர்கள் கோஷமிட்டதை தவிர்த்து இருக்கலாம் என சபாநாயகர் அப்பாவு தெரிவித்துள்ளார்.
சட்டபேரவையின் மாண்பை காக்கும் வகையில் முதலமைச்சர் மதிநுட்பத்துடன் செயல்பட்டார் - சபாநாயகர் அப்பாவு
வெளிநடப்பு செய்த அதிமுகவினர் மக்கள் பணியாற்ற அவைக்கு வரவேண்டும் - சபாநாயகர்
சட்டம் ஒழுங்கு குறித்த கேள்விக்கு முதலமைச்சரின் பதிலைத் தொடர்ந்து அதிமுகவினர் சட்டமன்றத்தில் இருந்து வெளிநடப்பு செய்துள்ளனர்.
குற்றச்செயலில் ஈடுபட்ட இருவர் மீது வழக்கு பதிவு செய்யப்பட்டு, கைது செய்யப்பட்டு நீதிமன்ற காவலில் அடைக்கப்பட்டுள்ளனர் என முதலமைச்சர் பதில் அளித்துள்ளார்.
தமிழ்நாட்டில் சட்டம் ஒழுங்கு சரியில்லை என எதிர்கட்சித்தலைவர் எடப்பாடி பழனிச்சாமி குற்றம் சாட்டியதற்கு, பொத்தம் பொதுவாக சட்டம் ஒழுங்கு சரியில்லை என கூறவேண்டாம், குறிப்பிட்ட சம்பவத்தினை மையப்படுத்தி அரசின் கவனத்தினை ஈர்க்கும் வகையில் அவர் பேச வேண்டும் என முதலமைச்சர் பதில் அளித்துள்ளார்.
திண்டிவனம் - மரக்காணம் பகுதியில் சார் நிலைக்கருவூலம் அமைக்கப்படும் என அமைச்சர் பழனிவேல் தியாகராஜன் தெரிவித்துள்ளார்.
பண்ணாரி அம்மன் கோவிலுக்கு ராஜகோபுரம் எப்போது அமைக்கப்படும் என கோபிச்செட்டி பாளையம் தொகுதி எம்.எல்.ஏ செங்கோட்டையன் கேள்வி எழுப்பியதற்கு, ராஜகோபுரம் அமைக்கும் பணிக்கான டெண்டர் கோர யாரும் முன்வரவில்லை என அமைச்சர் சேகர் பாபு பதில் அளித்துள்ளார்.
ஜெயம்கொண்டம் தொகுதியில் சோலார் மின்சார திட்டம் அமைக்க கண்ணன் எம்.எல்.ஏ கோரிக்கை வைத்ததில், தமிழ்நாடு முழுவதும் உள்ள 234 தொகுதிகளும் சோலார் திட்டம் அமைக்கப்படவுள்ளது என மின்சாரத்துறை அமைச்சர் செந்தில்பாலஜி தெரிவித்துள்ளார்.
ராமேஸ்வரத்தில் ஆதரவற்று வாழும் குழந்தைகள், பெரியவர்கள் தங்கும் வகையில் ஒருங்கிணைந்த வளாகம் அமைக்க முத்துராமலிங்கம் எம்.எல்.ஏ கோரியதற்கு, ஏற்கனவே ராமநாதபுரம் மாவட்டத்தில் அரசு மற்றும் தனியாரால் 6 முதியோர் இல்லம் செயல்பட்டு வருவதால், தொண்டு நிறுவனங்கள் முன்வரும்போது அரசு மானியம் வழங்க முன்வரும் என சமூக நலத்துறை அமைச்சர் கீதா ஜீவன் கூறியுள்ளார்.
நாதஸ்வர வித்துவான் காரைக்குறிச்சி அருணாச்சலம் மற்றும் இந்திய துணைக் கண்டத்தின் கடைசி ஜமீன் சிங்கம்பட்டி ஜமீனுக்கு மணிமண்டபம் அமைப்பது குறித்து அரசின் நிதிநிலையைப் பொறுத்து எதிர்காலத்தில் முடுவு எடுக்கப்படும் என செய்தித்துறை அமைச்சர் சாமிநாதன் கூறியுள்ளார்.
தமிழ்நாட்டில் இரண்டாம் கட்ட நகரங்களில் ஐ.டி ஹப்கள் நிறுவ அரசு நடவடிக்கை எடுத்து வருகிறது என தொழில் துறை அமைச்சர் பொன்முடி கூறியுள்ளார்.
கந்தர்வகோட்டை தொகுதியில் முந்தரி தோப்பு அமைக்க சின்னத்துரை கோரிக்கை வைத்த நிலையில், அரசிடம் தற்போது இந்தமாதிரி திட்டம் அரசிடம் இல்லை, தனியார் நிறுவனங்கள் முன்வந்தால் அரசு அதற்கு துணை நிற்கும் என தொழில்த்துறை அமைச்சர் தங்கம் தென்னரசு தெரிவித்துள்ளார்.
தேசிய நெடுஞ்சாலை என்பதால், தேசிய நெடுஞ்சாலை ஆணையத்து கடிதம் எழுதப்பட்டுள்ளது, பதில் கிடைத்ததும் நடவடிக்கை எடுக்கப்படும் என அமைச்சர் ஏ.வ.வேலு பதில் அளித்துள்ளார்.
நாகப்பட்டினம் செல்லூர் அரசு கல்லூரிக்கு அடிப்படை வசதிகள் செய்து தரப்படுமா என ஷாநவாஸ் எம்.எல்.ஏ கேள்வி எழுப்பியதற்கு விரைவில் நடவடிக்கை எடுக்கப்படும் எனவும், மற்ற கல்லூரிகள் அனைத்திற்கும் அடிப்படை வசதிகள் அமைத்து தரப்படும் எனவும் உயர்கல்வித் துறை அமைச்சர் பொன்முடி பதில் அளித்துள்ளார்.
கொடைக்கானலுக்கு ஆண்கள் கலை அறிவியல் கல்லூரி வேண்டும் என கோரிக்கை வைத்த ஆளும் கட்சி எம்.எல்.ஏ ஐ.பி. செந்தில்குமாரின் கேள்விக்கு, ஏற்கனவே திண்டுக்கல் மாவட்டத்தில் அதிகப்படியான அரசு கல்லூரிகள் இருப்பதால், மேற்கொண்டு கல்லூரி அமைக்க தற்சமயம் வாய்ப்பு இல்லை எனவும், கொடைக்கானல் மாணவர்கள் பழனிக்கு வந்து படிக்க வேண்டும் எனவும் உயர்கல்வித்துறை அமைச்சர் பொன்முடி கூறியுள்ளார்.
திருமஙகலம் நகராட்சி உள்பட மதுரைக்கு ரூ. 500 கோடி செலவில் பாதாளச் சாக்கடைத் திட்டம் நடைமுறை படுத்தப்படவுள்ளது.
2023ஆம் ஆண்டின் முதல் சட்டமன்ற கூட்டத்தொடரின் மூன்றாவது நாளான இன்று அதிமுக சட்டமன்ற உறுப்பினர்கள் பலர் கருப்புச் சட்டை அணிந்து வந்துள்ளனர்.
மதுரை திருமங்கலம் நகராட்சிக்கு பாதாளச் சாக்கடை திட்டத்தினை விரைவில் நடைமுறை படுத்தக்கோரி கேள்வி எழுப்பியுள்ளார்.
மறைந்த கால்பந்து ஜாம்பவான் பீலே, திரைக்கலைஞர் ஆரூர் தாஸ் ஆகியோரது மரணத்தினையடுத்து சபாநாயகர் இரங்கல் தீர்மானம் வாசிக்க சட்டமன்ற உறுப்பினர்கள் மௌன அஞ்சலி செலுத்தினர்.
அண்மையில் மறைந்த முனைவர் க. நெடுஞ்செழியனுக்கு சபாநாயகர் இரங்கல் தீர்மானம் வாசிக்க சட்டமன்ற உறுப்பினர்கள் மௌன அஞ்சலி செலுத்தினர்.
அண்மையில் மறைந்த முன்னாள் மாநிலங்களவை உறுப்பினர் மஸ்தானுக்கு இரங்கல் தீர்மானத்தினை சபாநாயகர் வாசிக்க சட்டமன்ற உறுப்பினர்கள் அனைவரும் மௌன அஞ்சலி செலுத்தினர்.
அண்மையில் மறைந்த ஈரோடு கிழக்கு சட்டமன்ற உறுப்பினர் ஈ.வெ.ரா. திருமகனுக்கு இரங்கல் தீர்மானத்தின்பை சபாநாயகர் வாசிக்க, சட்டமன்ற உறுப்பினர்கள் அனைவரும் மௌன அஞ்சலி செலுத்தினர்.
சட்டமன்ற எதிர்க்கட்சித் துணைத்தலைவராக ஆர்.பி. உதயகுமாரை நியமிக்ககோரி வேலுமணி தலைமையில் சபாநாயகரை சந்தித்துள்ளனர். இதுபற்றி ஆலோசிப்பதாக சபாநாயகர் தெரிவித்துள்ளதாக அதிமுக தரப்பில் தெரிவித்துள்ளனர்.
"நீங்க இப்படி பண்ணலாமா ஆளுநர்?" பாயிண்ட்டுகளை அடுக்கிய தங்கம் தென்னரசு...
உச்சக்கட்ட அதிகார போட்டி... ஆளுநருக்கு உள்ள அதிகாரங்கள்தான் என்னென்ன?
'பெரியார், அண்ணா பெயரை படிக்காத ஆளுநர் தேவையே இல்லை ' - தி.மு.க. கடும் கண்டனம்
மாநில அரசு தயாரித்த அறிக்கையை மாற்றுவதற்கோ திருத்துவதற்கோ ஆளுநருக்கு எந்த அதிகாரமும் இல்லை - பாலகிருஷ்ணன்
இப்படிப்பட்ட ஆளுநரை தமிழ்நாடு இதுவரை கண்டதில்லை: ராமதாஸ் கண்டனம்.
”ஆளுநர் குறித்து முதல்வர் பேச்சு அநாகரிகம்..” ஈபிஎஸ் அதிரடி!
ஆளுநர் ஆர்.என்.ரவி தமிழ்நாடு என்று உச்சரிக்க மறுத்ததன் மூலம் காஷ்மீர் போல தமிழ்நாட்டையும் இந்துத்துவா சனாதன சக்திகள் குறிவைத்துள்ளன என்பது புலனாகிறது - வைகோ
ஆளுநர் சர்ச்சை விவகாரம்; அடுத்த கட்ட நடவடிக்கை என்ன..? முதலமைச்சர் அவசர ஆலோசனை..!
“எதிர்க்கட்சிகளை மட்டுமல்ல ஆளுநரையும் ஓடவிட்டு இருக்கிறார் முதலமைச்சர்” - உதயநிதி
“எதிர்க்கட்சிகளை மட்டுமல்ல ஆளுநரையும் ஓடவிட்டு இருக்கிறார் முதலமைச்சர்” - உதயநிதி
சட்டமன்ற பிரதான எதிர்க்கட்சியான அதிமுகவின் எடப்பாடி பழனிச்சாமி தரப்பினர் இன்று சபாநாயகர் அப்பாவை சந்தித்து, ஓ.பன்னீர் செல்வத்திற்கு வேறு இடம் வழங்க வேண்டும் என முறையிடவுள்ளதாக கூறப்படுகிறது. இது குறித்து எடப்பாடி பழனிச்சாமி தரப்பில் இருந்து ஏற்கனவே சபாநயகருக்கு கடிதம் தரப்பட்டது குறிப்பிடத்தக்கது.
Background
ஆளுநரின் சட்டப்பேரவை உரைக்கு வருத்தமும், நன்றியும் பதிவு செய்ய கோரி அறிவிப்பு வரப்பெற்றுள்ளதாக எம்.எல்.ஏக்களுக்கு சட்டப்பேரவை செயலர் கடிதம் எழுதியுள்ளார். சில பகுதிகளை இணைத்தும் விடுத்தும் ஆளுநர் உரையாற்றியதற்கு பேரவை வருத்தத்தை பதிவு செய்கிறது எனவும் அந்த கடிதத்தில் குறிப்பிடப்பட்டுள்ளது.
பொங்கல் பெருவிழா அழைப்பிதழில் ஆளுநர் ஆர்.என்.ரவி தமிழ்நாடு என்ற பெயரை தவிர்த்துள்ளதால் சர்ச்சை எழுந்துள்ளது.
தமிழ்நாட்டில் பொங்கல் பண்டிகை ஜனவரி 15 ஆம் கொண்டாடப்படுகிறது. இதனை முன்னிட்டு ஜனவரி 12 ஆம் தேதி சென்னை கிண்டியில் உள்ள ஆளுநர் மாளிகையில் பொங்கல் விழாவுக்கு ஏற்பாடு செய்யப்பட்டுள்ளது.
இந்த விழாவுக்காக அச்சிடப்பட்டுள்ள அழைப்பிதழில் தமிழ்நாடு ஆளுநர் என்ற வார்த்தைக்கு பதிலாக தமிழக ஆளுநர் என்ற வார்த்தை இடம் பெற்றுள்ளது. இதேபோல் தமிழ்நாடு அரசின் இலச்சினையும் (முத்திரை) இடம் பெறவில்லை கடந்தாண்டுக்கான பொங்கல் மற்றும் சித்திரை பெருவிழா அழைப்பிதழில் தமிழ்நாடு ஆளுநர் என்றே இடம் பெற்றிருந்தது குறிப்பிடத்தக்கது.
தமிழ்நாடு வார்த்தை புறக்கணிப்பு
கடந்த வாரம் சென்னை ஆளுநர் மாளிகையில் காசி தமிழ்ச் சங்கமம் ஒருங்கிணைப்பாளர்களை கௌரவிக்கும் நிகழ்ச்சி நடைபெற்றது. இதில் பேசிய ஆளுநர் ஆர்.என்.ரவி, மாநிலத்தை தமிழ்நாடு என்றழைக்கப்படாமல் தமிழகம் என்றே அழைக்கப்பட வேண்டும் என தெரிவித்தது பெரும் சர்ச்சைகளை கிளப்பியது.
இந்தியா முழுவதும் எந்த ஒரு விஷயத்தை முன்னெடுத்தாலும் அதற்கு தமிழ்நாடு மட்டும் மறுப்பு தெரிவிப்பது வாடிக்கையாகி விட்டது. தமிழர்கள் தங்களை திராவிடர்களாக உணருகின்றனர். தமிழ்நாட்டில் வித்தியாசமான அரசியல் சூழ்நிலை நிலவுகிறது என கூறினார். ஆளுநரின் இந்த பேச்சுக்கு கடும் எதிர்ப்பு கிளம்பியது.
சட்டப்பேரவையில் பரபரப்பு
நேற்றைய தினம் நடப்பாண்டின் தமிழ்நாடு அரசின் முதல் சட்டப்பேரவை கூட்டம் ஆளுநர் உரையுடன் தொடங்கியது. இதில் பேசிய ஆளுநர் ஆர்.என்.ரவி, தனது உரையில் இடம் பெற்றிருந்த தமிழ்நாடு அரசு என்ற வார்த்தைக்கு பதிலாக THIS Government (இந்த அரசு) என தெரிவித்திருந்தார்.
இந்நிலையில் பொங்கல் பெருவிழா அழைப்பிதழை தனது ட்விட்டர் பக்கத்தில் பதிவிட்டுள்ள மதுரை நாடாளுமன்ற தொகுதி எம்.பி., சு.வெங்கடேசன், கடந்த முறை வந்த அழைப்பிதழில் தமிழ்நாடு அரசின் இலட்சினை இருந்தது. இந்த முறை வந்துள்ள அழைப்பிதழில் மூன்று இடங்களிலும் இந்திய அரசின் இலட்சினை மட்டுமே இருக்கிறது. நமது இலட்சினையில் தமிழ்நாடு என்று எழுதப்பட்டுள்ளதால் அதனைப் பயன்படுத்த மறுத்துள்ளார்.இதேபோல தமிழ்நாட்டு மக்களின் வரிப்பணத்திலிருந்தும் வாடகை வீட்டிலிருந்தும் ரோசப்பட்டு வெளியேறுவார் என்று எதிர்பார்க்கலாமா?
மேலும் ஆளுநர் மாளிகையில் இருந்து சித்திரை விழாவுக்கு வந்த அழைப்பில் “தமிழ்நாடு ஆளுநர்” என்று இருந்தது. இப்பொழுது பொங்கல் விழாவுக்கு வந்துள்ள அழைப்பில் “தமிழக ஆளுநர்”என்று இருக்கிறது. நேற்று அவையிலிருந்து வெளியேறிய அதே வேகத்தோடு மாநிலத்தைவிட்டு இவர் வெளியேற்றப்பட வேண்டும் என குறிப்பிட்டுள்ளார்.
- - - - - - - - - Advertisement - - - - - - - - -