Tamilnadu Roundup: குறைந்த தங்கம் விலை.. மைத்ரேயனுக்கு புதிய பொறுப்பு.. இதுவரையிலான அப்டேட்கள்!

Tamilnadu Headlines: தமிழ்நாட்டில் காலை முதல் தற்போது வரை நடைபெற்ற பல்வேறு முக்கிய நிகழ்வுகளை கீழே காணலாம்.

தலைப்புச் செய்திகள்

Source : ABPLIVE AI

• அதிமுகவில் இருந்து விலகி திமுகவில் இணைந்த முன்னாள் எம்பி மைத்ரேயனுக்கு பதவி வழங்கப்பட்டுள்ளது. அவருக்கு திமுக கல்வியாளர் அணி துணைத் தலைவர்  பதவி அளிக்கப்பட்டுள்ளது. 
• கர்நாடகா அரசு காவிரியின் குறுக்கே மேகதாது அணை கட்டும் திட்டத்தை கைவிட வேண்டும் என கொங்குநாடு மக்கள் தேசிய கட்சியின் பொதுச்செயலாளர் ஈஸ்வரன் தெரிவித்துள்ளார். மேலும் தமிழ்நாடு அரசு அனைத்து கட்சி கூட்டத்தைக் கூட்டி நம்முடைய எதிர்ப்பை வலுவாக பதிவு செய்ய வேண்டும் எனவும் கூறியுள்ளார். 
• நீலகிரி மாவட்டம் கோத்தகிரி அருகே உள்ள கடசோலை வனப்பகுதியில் புதிதாக தோண்டப்பட்ட கிணற்றில் புலி இறந்து கிடந்ததால் பெரும் பரபரப்பு ஏற்பட்டது. இதுதொடர்பாக வனத்துறை அதிகாரிகள் விசாரணை நடத்தி வருகின்றனர். 
• குழந்தைகள் தினத்தை முன்னிட்டு முதலமைச்சர் ஸ்டாலின் வாழ்த்து தெரிவித்துள்ளார். அவர் வெளியிட்டுள்ள பதிவில், உங்களின் ஒவ்வொரு அடியிலும் உங்களுடன் நிற்பேன், நீங்கள் விழாமல் தாங்கிப் பிடித்துக் கொள்வேன், உங்களின் வெற்றியைக் கண்டு மகிழ்வேன், உங்கள் அனைவரையும் பரந்த பார்வையும், பகுத்தறிவும் கொண்ட உலகக் குடிமக்களாக வளர்த்தெடுப்பேன்" என கூறியுள்ளார். 
• தங்கம் விலை சவரனுக்கு ரூ.480 குறைந்து விற்பனை செய்யப்படுகிறது. கிராமுக்கு ரூ.60 குறைந்து ரூ.11,840க்கும், சவரன் ரூ.94, 720க்கும் விற்பனை செய்யப்படுகிறது. நேற்று ஒரே நாளில் ரூ.2400 உயர்ந்த நிலையில் இன்று சற்று குறைந்துள்ளது. 
• சிவகங்கை மாவட்டம் பிள்ளையார்பட்டி கற்பக விநாயகர் கோயில் அறங்காவலர் நியமனத்துக்கு தடை விதிக்கப்பட்டுள்ளது. திருவள்ளூர் மாவட்டத்தைச் சேர்ந்த கண்ணன் என்பவர் மதுரை உயர்நீதிமன்ற கிளையில் தாக்கல் செய்த மனுவில் நீதிபதி உத்தரவிட்டார்.