திமுகவை அழிக்க நினைத்தவர்கள் எங்கே? - விஜயை மறைமுகமாக விமர்சித்த முதல்வர் ஸ்டாலின்
தமிழ்நாடு முழுவதும் திமுக ஓரணியில் திரள வேண்டும். தமிழ்நாட்டை தலைகுனியை விட மாட்டேன், டெல்லிக்கு இப்ப கேட்கும் அளவுக்கு அனைவரும் சத்தமாக சொல்லவும் என முதல்வர் மு.க.ஸ்டாலின் பேச்சு.
திமுகவை அழிப்போம் ஒழிப்போம் என்று சொன்னார்கள் இப்பவும் கூட சில பேர் பேசி வருகின்றனர். திமுகவை அழிப்போம் என்று சொன்னவர்கள் அனைவரும் மறைந்து விட்டார்கள் என நடிகர் விஜய் மறைமுகமாக விமர்சனம் செய்த தமிழக முதல்வர் மு.க ஸ்டாலின்.
கரூரில் நடைபெற்ற திமுக முப்பெரும் விழாவில் பேசிய முதலமைச்சர் மு.க.ஸ்டாலின், “டெல்லிக்கு கேட்கும் அளவிற்கு அனைவரும் சத்தமாக சொல்லுங்கள் தமிழ்நாடு போராடும் தமிழ்நாடு வெல்லும். தமிழ்நாட்டிற்கு இடையூறு செய்யும் கொள்கை காவி கொள்கை அதற்கு எதிராக திராவிட முன்னேற்றக் கழகம் போராடிக் கொண்டிருக்கிறது. பாஜக அரசுடன் தொடர்ந்து போராடி வருகிறோம். இரண்டு நாட்களுக்கு முன்பு கூட எதிர்க்கட்சித் தலைவர் பழனிசாமி என்ன பேசி உள்ளார். ‘எனது அதிமுக ஆட்சியில் காப்பாற்றினது பாஜகதான்’ என்று கூறியுள்ளார்.
திமுக மிரட்டலுக்கு பயந்த கட்சியா?. இந்தியாவில் மாநில கட்சி ஆட்சி பிடித்த 74 ஆண்டு கால வரலாறு நமக்கு இருக்கிறது. தமிழ்நாட்டில் வந்த அனைத்து கட்சிகளும் திமுகவை அழிப்போம் ஒழிப்போம் என்று சொன்னார்கள், இப்பவும் கூட சில பேர் பேசி வருகின்றனர். திமுகவிற்கு நாங்க தான் மாற்றம் என்று சிலர் பேசி வருகின்றனர் என்ன மாற்றப் போறாங்க. தமிழ்நாட்டினுடைய வளர்ச்சியை மாற்றி பின்னோக்கி செல்ல போகிறார்களா ?திமுகவை மாற்றம் என்று சொன்னவர்கள் அனைவரும் மறைந்து விட்டார்கள்
நமக்கு துணையாக பெரியார், அண்ணா, கலைஞர் அவர்களுடைய உணர்வு நம்முடன் இருக்கிறது. இதே உறுதியோடு போராடவும் நாம் முன்னெடுக்கும் போராட்டம் கட்சிக்கான போராட்டமும் முதலமைச்சர் பொறுப்புக்கான போராட்டமும் ஆட்சி அதிகாரத்திற்கான போராட்டமும் அல்ல தமிழ்நாட்டிற்கான போராட்டம், இதற்கு தமிழ்நாடு முதல் முழுவதும் ஓரணியில் திரள வேண்டும் தமிழ்நாட்டை தலைகுனியை விட மாட்டேன் டெல்லிக்கு இப்ப கேட்கும் அளவுக்கு அனைவரும் சத்தமாக சொல்லவும்.
அந்த கைப்பாவை அரசை தமிழ்நாட்டு மக்கள் தூக்கி எறிய திமுக தான் காரணம் என்று பாஜகவினர் நம் மீது வன்மத்துடன் இருக்கின்றனர். அதனால்தான் நமக்கு தொடர்ந்து இடையூறு கொடுத்து வருகின்றனர்.
தமிழ்நாட்டை தலைகுனியை விடமாட்டோம் என்று சத்தமாக சொல்லுங்கள். தமிழ்நாடு போராடும் தமிழ்நாடு வெல்லும் விடை பெறுவதற்கு முன்பாக அனைவருக்கும் அன்பான வேண்டுகோள் மிகத் தொலைவிலிருந்து அனைவரும் வந்துள்ளீர்கள் மழை பெய்து கொண்டிருக்கிறது அனைவரும் பத்திரமாக செல்லுங்கள்” எனக் கூறினார்
தலைப்பு செய்திகள்
ட்ரெண்டிங் செய்திகள்
