TN Headlines Today June 28: 


TN Rain Alert: அடுத்த 5 நாட்களுக்கு மழை இருக்கும்.. மீனவர்கள் கடலுக்கு செல்ல வேண்டாம் என அறிவுறுத்தல்.. இன்றைய வானிலை நிலவரம் இதோ..


மேற்கு திசை காற்றின் வேகமாறுபாடு காரணமாக, அடுத்த 5 நாட்களுக்கு மிதமான மழை பெய்யக்கூடும் என வானிலை ஆய்வு மையம் தெரிவித்துள்ளது. 28.06.2023 மற்றும் 29.06.2023: தமிழ்நாடு, புதுச்சேரி மற்றும் காரைக்கால் பகுதிகளில்  ஓரிரு இடங்களில் இடி மின்னலுடன் கூடிய லேசானது முதல் மிதமான மழை  பெய்யக்கூடும். 30.06.2023 மற்றும் 01.07.2023: தமிழ்நாடு, புதுச்சேரி மற்றும் காரைக்கால் பகுதிகளில்  ஓரிரு இடங்களில் லேசானது முதல் மிதமான மழை  பெய்யக்கூடும்.  மேலும் படிக்க https://tamil.abplive.com/news/tamil-nadu/tamil-nadu-is-likely-to-receive-rain-for-the-next-5-days-according-to-the-meteorological-department-125708/amp


Madras High Court: ஓபிஎஸ் தரப்பில் தாக்கல் செய்யப்பட்ட மனுக்கள்.. தேதி குறிப்பிடாமல் தள்ளிவைப்பு..






அதிமுக பொதுக்குழு தீர்மானங்கள் மற்றும் பொதுச் செயலாளர் தேர்தலை எதிர்த்து பன்னீர்செல்வம் உட்பட நான்கு பேர் தாக்கல் செய்த மேல்முறையீட்டு மனுக்கள் மீதான தீர்ப்பை தேதி குறிப்பிடாமல் சென்னை உயர் நீதிமன்றம் ஒத்திவைத்துள்ளது. கடந்த 2022ம் ஆண்டு ஜூலை 11ம் தேதி பொதுக்குழு தீர்மானங்களுக்கு எந்த தடையும் விதிக்கப்படவில்லை எனவும், அந்த தீர்மானங்களின் அடிப்படையில் கட்சி செயல்பட்டு வருவதால், காலதாமதமாக தாக்கல் செய்யப்பட்ட இந்த வழக்கு செல்லத்தக்கதல்ல எனக் கூறப்பட்டுள்ளது. மேலும் படிக்க https://tamil.abplive.com/news/tamil-nadu/the-madras-high-court-has-adjourned-the-verdict-on-the-appeal-petitions-filed-against-the-aiadmk-general-committee-resolutions-and-general-secretary-election-125704/amp

 

Perungulathur Flyover: இனி போக்குவரத்து நெரிசலே இல்லாம போலாம்.. பெருங்களத்தூர் மேம்பாலம் திறப்பு.. மகிழ்ச்சியில் மக்கள்..


பெருங்களத்தூர் மேம்பாலத்தை இன்று சிறுகுறு நடுத்தர தொழில்துறை அமைச்சர் தா.மோ அன்பரசன் திறந்து வைக்கிறார். ஸ்ரீனிவாசன் நகர், பீர்க்கன்கரணை, முடிச்சூர், ஆர்எம்கே நகர் உள்ளிட்ட பகுதிகளில் இருந்து தாம்பரம் மற்றும் வண்டலூருக்கு பயணம் மேற்கொள்ளும் மக்கள் மேம்பாலத்தை பயன்பாட்டிற்கு திறந்து வைக்க வேண்டும் என்ற கோரிக்கையை தொடர்ந்து முன் வைத்து வந்தனர். மேம்பாலம் திறக்கப்படாததால் மக்கள் சுமார் 4 கிமீ தூரம் வரை சுற்றி செல்லும் நிலை ஏற்பட்டது. மேலும் படிக்க https://tamil.abplive.com/news/tamil-nadu/perungulathur-railway-flyover-is-being-opened-for-public-use-today-125698/amp


MBBS Admission: எம்பிபிஎஸ் உள்ளிட்ட மருத்துவப் படிப்புகளில் சேரலாம்; எப்படி? தகுதி, சான்றிதழ்.. பிற விவரங்கள்





எம்பிபிஎஸ், பிடிஎஸ், ஆயுஷ் ஆகிய மருத்துவப் படிப்புகளில் சேர நீட் தேர்வில் தேர்ச்சி பெற வேண்டியது கட்டாயம் ஆகும். அண்மையில் நீட் தேர்வு முடிவுகள் வெளியான நிலையில், மருத்துவப் படிப்புகளில் சேர ஆன்லைன் மூலம் விண்ணப்பப் பதிவு தொடங்கி உள்ளது. மாணவர்கள் ஜூலை 10ஆம் தேதி மாலை 5 மணி வரை விண்ணப்பிக்கலாம். மேலும் படிக்க https://tamil.abplive.com/news/tamil-nadu/application-registration-for-admission-to-medical-courses-including-mbbs-has-started-for-2023-24-how-to-apply-details-125689/amp


வெளி மாநிலங்களில் இருந்து தக்காளி கொள்முதல் செய்ய நடவடிக்கை - அமைச்சர் பெரிய கருப்பன்


சென்னை தேனாம்பேட்டையில் உள்ள காமதேனு கூட்டுறவு சிறப்பு அங்காடியில் செயல்பட்டு வரும் பண்ணைப் பசுமை நுகர்வோர் காய்கறி கடையில்   கூட்டுறவுத்துறை அமைச்சர்  பெரியகருப்பன் நேரில் ஆய்வு செய்தார்.  பின்னர் அவர் செய்தியாளர்களை சந்தித்தார். அப்போது அமைச்சர் பேசியதாவது:  “தக்காளியின் விலை வெளி சந்தையில் நேற்று 80 ரூபாய்க்கு மேல் இருந்தது. கூட்டுறவு கடைகளில் கிலோ  68 ரூபாய்க்கு விற்பனை செய்யப்பட்டது. இன்று  தக்காளி கிலோ  60 ரூபாய்க்கு அனைத்து பண்ணை பசுமை கூட்டுறவு கடைகளிலும்  விற்கப்படுகின்றன” என்றார். மேலும் படிக்க https://tamil.abplive.com/news/tamil-nadu/action-to-purchase-tomatoes-from-other-states-minister-periya-karuppan-125676/amp