TN Govt Formation: ஆளுநருடன் சந்திப்பு ... ஆட்சி அமைக்க உரிமை கோரினார் தவெக தலைவர் விஜய்

Tamil Nadu Government Formation: ஆட்சி அமைக்கத் தேவையான பெரும்பான்மைக்கு (118 இடங்கள்) இன்னும் 5 இடங்களே தேவைப்படும் நிலையில், தவெக தலைவர் விஜய் ஆளுநருக்கு அதிகாரப்பூர்வமாக கடிதம் அளித்துள்ளார்.

தமிழக ஆளுநர்

Source : Twitter

தமிழக சட்டமன்றத் தேர்தல் முடிவுகள் வெளியாகி மாநில அரசியலில் பெரும் மாற்றத்தை ஏற்படுத்தியுள்ள நிலையில், தமிழக வெற்றிக் கழகத்தின் (TVK) தலைவர் விஜய்  தமிழக ஆளுநர் ராஜேந்திர விஸ்வநாத் அர்லேகரைச் சந்தித்து ஆட்சி அமைக்க உரிமை கோரினார்.

ஆளுநரிடம் கடிதம்

நடந்து முடிந்த 234 தொகுதிகளுக்கான சட்டமன்றத் தேர்தலில், நடிகர் விஜய் தலைமையிலான தமிழக வெற்றிக் கழகம் முன்னெப்போதும் இல்லாத வகையில் 108 இடங்களைக் கைப்பற்றி தனிப்பெரும் கட்சியாக உருவெடுத்துள்ளது.

TVK chief Vijay meets Tamil Nadu Governor Rajendra Arlekar at the Lok Bhavan and stakes claim to form the Government in the State.

(Pic: Lok Bhavan, Tamil Nadu) pic.twitter.com/ujHSL2RnvJ

— ANI (@ANI) May 6, 2026

ஆட்சி அமைக்கத் தேவையான பெரும்பான்மைக்கு (118 இடங்கள்) இன்னும் 5 இடங்களே தேவைப்படும் நிலையில், தவெக தலைவர் விஜய் ஆளுநருக்கு அதிகாரப்பூர்வமாக கடிதம் அளித்துள்ளார். ஆளுநருடனான விஜய் |சந்திப்பின் போது புஸ்சி ஆனந்த், செங்கோட்டையன், ஆதவ் அர்ஜூனா உள்ளிட்ட த.வெ.க. நிர்வாகிகள் உடன் இருந்தனர்.

ஆதரவுக்கரம் நீட்டும் கட்சிகள்

தவெக-விற்கு ஏற்கனவே 5 இடங்களை வென்றுள்ள காங்கிரஸ் கட்சி தனது ஆதரவை உறுதிப்படுத்தியுள்ளது. மேலும் விசிக, சிபிஎம், சிபிஐ ஆகிய கட்சிகளுடன் பேச்சுவார்த்தை நடைபெற்று வருகிறது, இந்த கட்சிகள் வருவது ஏறக்குறைய உறுதியாகியுள்ள நிலையில் விஜய் தலைமையிலான புதிய அரசு அமைவது தற்போது உறுதியாகியுள்ளது.

ஆட்சியமைக்க அவகாசம்: 

தற்போது தவெகவிடம் 108 எம்.எல்.ஏக்கள் உள்ள நிலையில் பெரும்பான்மையை நிரூபிக்க 10 எம்.எல்.ஏக்கள் தேவை என்கிற நிலை உள்ள நிலையில் அடுத்த இரண்டு நாட்களில் பெரும்பான்மையை நிரூபிக்க வேண்டும் என ஆளுநர் மாளிகை தரப்பில் தெரிவிக்கப்பட்டுள்ளது.

பதவியேற்பு விழா எப்போது?

விஜய்யின் கடிதத்தை ஆளுநர் பரீசிலித்து ஆட்சி அமைக்க அழைப்பு விடுப்பார், த.வெ.க. பெரும்பான்மையை நிரூபிக்க இன்னும் 6 எம்.எல்.ஏ.க்கள் ஆதரவு தேவை. பெரும்பான்மை கிடைக்காத நிலையில் ஆளுநரை சந்தித்து விஜய் ஆட்சி அமைக்க உரிமை கோரினார். இதனிடையே நாளை காலை 11.30 மணிக்கு முதலமைச்சராக தவெக தலைவர் விஜய் . சென்னை நேரு உள்விளையாட்டு அரங்கில் நடைபெறும் விழாவில் முதலமைச்சராக  பதவியேற்கிறார்