Tamil Nadu Government Formation LIVE: 7 மணிக்கு கேரளா கிளம்பும் ஆளுநர்; இழுத்தடிக்கும் திருமா; உச்சகட்ட பரபரப்பு
Tamil Nadu Government Formation LIVE Updates: தமிழ்நாட்டின் சட்டமன்ற தேர்தல் முடிவுகள் வெளியாகிய நிலையில், தமிழ்நாட்டின் பரபரப்பான ஒவ்வொரு நிமிடங்களையும் லைவ் ப்ளாக்கில் உடனுக்குடன் கீழே காணலாம்.
LIVE
Background
தமிழ்நாட்டில் சட்டமன்ற தேர்தல் முடிவுகள் கடந்த மே 4ம் தேதி வெளியானது. இந்த தேர்தலின் முடிவுகள் ஒட்டுமொத்த இந்தியாவையுமே திரும்பி பார்க்க வைத்துள்ளது. திமுக, அதிமுக ஆகிய 2 கட்சிகளையும் வீழ்த்தி தவெக ஆட்சியமைக்கும் அதிகாரத்தைப் பெற்றது.
108 தொகுதிகளில் வெற்றி பெற்றாலும் தனிப்பெரும்பான்மை இல்லாத சூழலில் விஜய் திமுக கூட்டணியில் உள்ள காங்கிரஸ், இந்திய கம்யூனிஸ்ட், மார்க்சிஸ்ட், விசிக ஆகிய கட்சிகளிடம் ஆதரவு கோரியிருந்தனர். காங்கிரஸ் கட்சி ஆதரவை அளித்துள்ள நிலையில், இந்திய கம்யூனிஸ்ட் ஆதரவை அளித்துள்ளது. மார்க்சிஸ்ட் கட்சியும் ஆதரவு அளிக்க தயாராகியுள்ள நிலையில், விசிக-வும் பச்சைக்கொடி காட்டும் என்று கருதப்படுகிறது. இந்த சூழலில், பெரும்பான்மையை நிரூபிக்கும் வாய்ப்பு பிரகாசமாகியுள்ளதால் விஜய் தலைமையிலான தவெக ஆட்சி விரைவில் அமைய உள்ளது.
தமிழக பொறுப்பு ஆளுநர் அர்லேகரைத் தொடர்ந்து சந்தித்து வரும் விஜய் தவெக தலைமையிலான ஆட்சிக்கு காங்கிரஸ், கம்யூனிஸ்ட், மார்க்சிஸ்ட், விசிக ஆகிய கட்சிகளின் ஆதரவுடன் தனது முதல் ஆட்சியை அமைப்பார் என்றே கூறப்படுகிறது.
விசிக சட்டமன்ற குழு தலைவராக வன்னியரசு நியமனம்
விடுதலைச் சிறுத்தைகள் கட்சியின் சட்டமன்ற குழ தலைவராக வன்னியரசு நியமிக்கப்பட்டுள்ளார்.
தனிப்பெரும்பான்மையை பெற்றது தவெக! ஆதரவை அளித்தது விசிக!
விடுதலைச் சிறுத்தைகள் கட்சியின் ஆதரவிற்காக தமிழக வெற்றிக் கழகம் காத்திருந்த நிலையில், அவர்களின் ஆதரவு கடிதத்தை ஆதவ் அர்ஜுனா பெற்றுள்ளார்.
தலைப்பு செய்திகள்
ட்ரெண்டிங் செய்திகள்
