TN Budget 2021 Live Updates: வெளிநடப்பு... விறுவிறுப்பு... சுறுசுறுப்பு... எப்படி இருந்தது முதல்வர் ஸ்டாலினின் முதல் பட்ஜெட்?
Tamil Nadu Budget 2021-22 Live Updates: திமுக அரசு பொறுப்பேற்று முதல் பட்ஜெட் இன்று தாக்கல் செய்யப்பட்டது. அது தொடர்பான அனைத்து அப்டேட்களும் இந்த லைப் பிளாக் மூலம் அறிந்து கொள்ளலாம்.
Background
Tamil Nadu Budget 2021-22 DMK: தமிழக அரசின் நடப்பாண்டுக்கான நிதிநிலை அறிக்கை சட்டப்பேரவையில் இன்று தாக்கல் செய்யப்பட்டது.முன்னதாக, இன்று பட்ஜெட் தொடர்பாக சட்டப்பேரவை சபாநாயகர் அப்பாவு தலைமையில் அலுவல் ஆய்வுக்குழு கூட்டம் நடைபெற்றது. இந்த கூட்டத்தில், ஆகஸ்ட் 13-ஆம் தேதி...More
தமிழ்நாட்டின் பொது பட்ஜெட் சுமார் 3 மணி நேரம் நிதியமைச்சர் பழனிவேல் தியாகராஜனால் தாக்கல் செய்யப்பட்ட நிலையில், பல்வேறு சலுகைகளும், திட்ட அறிவிப்புகளும் அறிவிக்கப்பட்டது. குறிப்பாக அரசு ஊழியர்களுக்கு அகவிலைப்படி, பெட்ரோல் விலை வரி குறைப்பு, மகளிர் சுயஉதவிக்குழு கடன் தள்ளுபடி உள்ளிட்ட அறிவிப்புகள் அதில் இடம் பெற்றிருந்தது. பட்ஜெட் துவங்கியது முதல் தற்போது வரையிலான அனைத்து அப்பேட்களும் கீழே உள்ளன. அவற்றை பார்த்து அறிந்து கொள்ளவும்.
மோசடி ஆவணங்களின் பதிவை ரத்து செய்யும் அதிகாரம் பதிவுத்துறை தலைவருக்கு வழங்கப்படும் என பட்ஜெட்டில் அறிவிப்பு
வரி ஏய்ப்பு செய்வோர் மீது குற்றவியல் நடவடிக்கை எடுக்கப்படும் என நிதியமைச்சர் அறிவிப்பு
கடந்த ஆட்சியில் ஏற்பட்ட 60 ஆயிரம் கோடி ரூபாய் வருவாய் இழப்பை சரிசெய்ய வேண்டியுள்ளதாக நிதியமைச்சர் அறிவிப்பு
தமிழ்நாட்டின் நடப்பாண்டு நிதிபற்றாக்குறையாக ரூ.92529.43 இருக்கும் என நிதியமைச்சர் பழனிவேல் தியாகராஜன் அறிவிப்பு
தமிழ்நாட்டின் ஒட்டுமொத்த வருவாய் செலவீனம் நடப்பு நிதியாண்டில் ரூ.261188.57 கோடி என அறிவிக்கப்பட்டுள்ளது.
நடப்பு நிதியாண்டின் மொத்த வருவாய் ரூ.260409.26 கோடி என பட்ஜெட்டில் அறிவித்தார் நிதியமைச்சர் பிடிஆர்.
பெட்ரோல் வரி குறைப்பதால் ஆண்டுக்கு ரூ.1160 கோடி வருவாய் இழப்பு ஏற்படும் என நிதியமைச்சர் பட்ஜெட்டில் அறிவிப்பு
பெட்ரோல் மீதான வரி ரூ.3 ஆக குறைத்துள்ளதாக அமைச்சர் பழனிவேல் தியாகராஜன் அறிவிப்பு
மகளிர் சுயஉதவிக்குழுக்களுக்கு வழங்கப்பட்ட கடன் ரூ.2756 கோடி ரூபாய் தள்ளுபடி செய்யப்படுவதாக நிதியமைச்சர் அறிவிப்பு
விவசாய கடன் தள்ளுபடி குறித்து உரிய ஆய்வு செய்த பின் முடிவு எடுக்கப்படும் என நிதியமைச்சர் அறிவிப்பு
இல்லத்தரசிகளுக்கு ரூ.1000 வழங்கும் திட்டம், தகுதியான குடும்பங்களை கண்டறிந்து வழங்கப்படும் என நிதியமைச்சர் அறிவிப்பு
ரேஷன் கார்டில் பெண் தலைவராக இருந்தால் தான் உதவித் தொகை என்பது தவறு. எனவே அதை மாற்ற வேண்டியதில்லை என அறிவிப்பு
அரசு ஊழியர் அகவிலைப்படி 2022 முதல் வழங்கப்படும் என பட்ஜெட்டில் அமைச்சர் பிடிஆர் அறிவிப்பு
கொசஸ்தலை ஆற்றில் வெள்ளநீர் வடிகால் அமைப்புக்கு ரூ.87 கோடி ஒதுக்கீடு செய்யப்படுவதாக நிதி அமைச்சர் பிடிஆர் அறிவிப்பு
இளைஞர் நலன் மற்றும் விளையாட்டு மேம்பாட்டு நிதியாக ரூ.225.62 கோடி ஒதுக்கீடு செய்யப்பட்டுள்ளது.
தூத்துக்குடியில் 60 எம்எல்டி கடல்நீரை சுத்திகரிக்கும் நிலையம் அமைக்கப்படும் என பட்ஜெட்டில் அறிவிப்பு
மசூதிகள் மற்றும் தேவாலயங்கள் புதுப்பிக்க ரூ.6 கோடி நிதி ஒதுக்கீடு செய்யப்பட்டுள்ளதாக பட்ஜெட்டில் அறிவிப்பு
பழங்குடியினர் துணை திட்டத்திற்கு ரூ.1306 கோடி ஒதுக்கீடு செய்யப்பட்டுள்ளதா பட்ஜெட்டில் அறிவிக்கப்பட்டுள்ளது.
ஆதிதிராவிடர் மற்றும் பழங்குடியினர் நலனுக்காக ரூ.4142.33 கோடி நிதி ஒதுக்கீடு செய்யப்பட்டுள்ளதாக அறிவிப்பு
ஆதிதிராவிட மற்றும் பழங்குடியினருக்கான முனைவர் படிப்பு கல்விக்கான உதவித்தொகை மறுசீரமைக்கப்படும் என அறிவிப்பு
புரட்சித் தலைவர் எம்ஜிஆர் மதிய உணவு திட்டத்திற்கு ரூ.1725 கோடி ஒதுக்கீடு செய்யப்பட்டுள்ளதாக அறிவிப்பு
தமிழ்நாட்டில் அங்கன்வாடி மையங்களை மேம்படுத்துவதற்காக ரூ.48.48 கோடி நிதி ஒதுக்கப்பட்டுள்ளதாக அறிவிப்பு
3ம் பாலினத்தவர் ஓய்வூதிய திட்டத்திற்காக ரூ.1.50 கோடி ஒதுக்கப்பட்டுள்ளதாக அமைச்சர் பிடிஆர் அறிவிப்பு
திருமண நிதி உதவித்திட்டங்களுக்கு ரூ.762 கோடி ரூபாய் ஒதுக்கப்பட்டு அத்திட்டம் புத்துயிர் ஊட்டப்படும் என அமைச்சர் அறிவிப்பு
தமிழ்நாட்டில் 300 சுற்றுலா தலங்கள் மேம்படுத்தப்படும் என அறிவிக்கப்பட்டுள்ளது.
சுற்றுலாத்துறைக்கு ரூ.187 கோடி ஒதுக்கீடு செய்யப்பட்டுள்ளதாக பட்ஜெட்டில் நிதியமைச்சர் அறிவிப்பு
12955 கோயில்களில் ஒரு கால பூஜை திட்டத்திற்காக ரூ.130 கோடி ஒதுக்கப்படும் என பட்ஜெட்டில் அறிவிப்பு
தமிழ்நாட்டில் உள்ள 100 கோயில்களில் 100 கோடி செலவில் தேர் மற்றும் குளங்கள் சீரமைக்கப்படும் என அறிவிப்பு
ரூ.626 கோடி மதிப்பிலான கோயில் நிலங்கள் மற்றும் சொத்துக்கள் மீட்கப்பட்டுள்ளதாக அறிவிப்பு
திருச்சியில் புதிய ஒருங்கிணைந்த பேருந்து நிலையம் மற்றும் வணிக வளாகம் அமைக்கப்படும் என பட்ஜெட்டில் அறிவிப்பு
துணிநூல் துறைக்கு தனி இயக்குனரகம் அமைக்கப்படும் என பட்ஜெட்டில் நிதி அமைச்சர்அறிவித்தார்
இலவச வேட்டி, சேலை திட்டத்திற்கு 490.27 கோடி ரூபாய் நிதி ஒதுக்கப்படும் என பட்ஜெட்டில் அறிவிப்பு
தமிழ்நாட்டில் கைவிடப்பட்ட குவாரிகள் முறைப்படி மூடப்பட்டு பாதுகாக்கப்படும் என பட்ஜெட்டில் அறிவிப்பு
மகளிருக்கு முக்கியத்துவம் தரும் விதமாக 9 மாதமாக உள்ள மகளிர் பேறுகால விடுப்பு 12 மாதங்களாக அதிகரிப்பு.
நமக்கு நாமே திட்டத்தில் சிறப்பாக பணியாற்றுவோருக்கு முதல்வர் விருது வழங்க ரூ.300 கோடி நிதி ஒதுக்கீடு
நந்தம்பாக்கத்தில் ரூ.165 கோடியில் நிதிநுட்பநகரம் அமைக்கப்படும் என பட்ஜெட்டில் அறிவிப்பு
முதலீடுகளை ஊக்குவிக்க புலம் பெயர் தமிழர்களுடன் நல்லுறவு மேம்படுத்தப்படும் என பட்ஜெட்டில் அறிவிப்பு
திருவள்ளூரில் மின்வாகனப்பூங்கா அமைக்கப்படும் என பட்ஜெட்டில் அறிவிக்கப்பட்டுள்ளது.
மக்களைத் தேடி மருத்துவம் திட்டத்திற்கு ரூ.257.16 கோடி ஒதுக்கப்படும் என பட்ஜெட்டில் அறிவிப்பு
மகளிர் சுயஉதவிக்குழுக்களுக்கு ரூ.20 ஆயிரம் கோடி கடன் உறுதி செய்யப்படும் என பிடிஆர் அறிவிப்பு
அமைப்பு சாரா நல வாரியத்திற்கு ரூ.215 கோடி நிதி ஒதுக்கப்பட்டுள்ளதாக அறிவிப்பு
மருத்துவம் மற்றும் குடும்ப நலத்துறைக்கு ரூ.18933.20 கோடி நிதி ஒதுக்கீடு செய்யப்பட்டுள்ளதாக பட்ஜெட்டில் அறிவிப்பு
சித்த மருத்துவத்திற்கு உரிய அங்கீகாரம் அமைக்கும் விதமாக ரூ.2 கோடி ரூபாய் ஒதுக்கப்படும்.
தமிழ்நாட்டில் இலவச ஆம்புலன்ஸ் எண்ணிக்கை 1303 ஆக உயர்த்தப்படும் என அறிவிப்பு
முதல்வர் நிவாரண நிதிக்கு ரூ.509 கோடி வரவு வந்துள்ளதாக பட்ஜெட்டில் அறிவிக்கப்பட்டது.
தமிழ்நாட்டில் 25 கலை மற்றும் அறிவியல் கல்லூரிகளில் ஸ்மார்ட் வகுப்பறைகள் உருவாக்க ரூ.10 கோடி நிதி ஒதுக்கப்படும் என அறிவிப்பு
உயர்கல்வித்துறைக்கு ரூ.5369.09 கோடி நிதி ஒதுக்கீடு செய்யப்பட்டுள்ளதாக நிதி அமைச்சர் அறிவிப்பு
அண்ணா பல்கலை உடன் இணைந்து தமிழ்நாடு ஆளில்லா விமானக்கழகம் உருவாக்கப்படும் என அறிவிப்பு
தமிழ்நாட்டில் 865 பள்ளிகளில் ஸ்மார்ட் வகுப்புகள் ஏற்படுத்தப்படும் என பட்ஜெட்டில் அறிவிக்கப்பட்டுள்ளது
10 அரசு கலை மற்றும் அறிவியல் கல்லூரிகள் புதிதாக தொடங்கப்படும் என பட்ஜெட்டில் அறிவிப்பு
8 வயதிற்கு உட்பட குழந்தைகளின் அறிவை பெருக்க ரூ.66 கோடியில் எண்ணும் எழுத்தும் இயக்கம் தொடங்கப்படும் என பட்ஜெட்டில் அறிவிப்பு
கற்றல் செயல்பாட்டில் முதல் மூன்று இடங்களில் தமிழ்நாட்டை கொண்டு வர நடவடிக்கை எடுக்கப்படும் என நிதி அமைச்சர் அறிவிப்பு
பள்ளிகல்விக்கு அதிக முக்கியத்துவம் அளிக்கும் வகையில் ரூ.32599.54 கோடி நிதி ஒதுக்கப்பட்டுள்ளதாக நிதியமைச்சர் அறிவிப்பு
27 நகரங்களில் பாதாளச்சாக்கடை திட்டம் செயல்படுத்தப்படும் என பட்ஜெட்டில் அறிவிப்பு
தமிழ்நாடு மின்மிகை மாநிலம் அல்ல. அவ்வாறு கூறி வந்தது தவறு என நிதியமைச்சர் அறிவிப்பு
4 ஆண்டுகளில் சென்னை கோடம்பாக்கம்-பூந்தமல்லி மெட்ரோ திட்டம் செயல்படுத்தப்படும் என அறிவிக்கப்பட்டுள்ளது.
தமிழ்நாட்டில் புதிதாக 1000 பேருந்துகள் வாங்க ரூ.623.59 கோடி ஒதுக்கீடு செய்யப்பட்டுள்ளதாக அறிவிப்பு
மகளிர் இலவசமாக பஸ்களில் பயணிக்க மேலும் ரூ.750 கோடி டீசல் மானியம் வழங்கப்படும் என அறிவிப்பு
நெடுஞ்சாலைத்துறைக்கு ரூ.17899.17 கோடி ஒதுக்கப்பட்டுள்ளதாக அமைச்சர் பிடிஆர் அறிவிப்பு
உலக வங்கித் திட்டங்களுக்கு ரூ.320.40 கோடியும், ஆசிய வங்கி திட்டங்களுக்கு ரூ.171 கோடியும் ஒதுக்கீடு செய்யப்படும் என அறிவிப்பு
சுயஉதவிக்குழுக்களுக்கு நடப்பாண்டில் ரூ.20 ஆயிரம் கோடி நிதி ஒதுக்கீடு என அறிவிப்பு
எம்.எல்.ஏ.,க்கள் மேம்பாட்டு நிதிக்கு மீண்டும் ரூ.3 கோடி வழங்கப்படும் என அறிவிப்பு
10 லட்சம் பேர் வசிக்கும் நகரங்கள் அதிகரித்து வரும் நிலையில் நகரமயமாவது ஒழுங்குபடுத்தப்படும் என அறிவிப்பு
சென்னையில் நீர் வழிகளில் கழிவுநீர் கலப்பதை தடுக்க ரூ.2371 கோடி ஒதுக்கீடு செய்யப்பட்டுள்ளதாக அறிவிப்பு
சென்னையில் 3 இடங்களில் பாதாளச்சாக்கடை திட்டத்திற்கு ரூ.2056 கோடி நிதி ஒதுக்கிடு செய்து உத்தரவு
கொரோனா சிறப்பு கடன் ரூ.5500 என நிதிஅமைச்சர் சார்பில் பட்ஜெட்டில் அறிவிக்கப்பட்டுள்ளது.
சென்னையில் 3 இடங்களில் புதிய மேம்பாலங்கள் அமைக்கப்படும் என பட்ஜெட்டில் அறிவிப்பு
கலைஞர் நகர்புற மேம்பாட்டுத்திட்டத்திற்கு ரூ.1000 கோடி ஒதுக்கீடு செய்யப்பட்டுள்ளது
அம்ருத் திட்டத்திற்கு ரூ.1450 கோடி நிதி ஒதுக்கப்படும் என பட்ஜெட்டில் அறிவிப்பு
ஸ்மார்ட் சிட்டி திட்டத்திற்கு ரூ.2350 கோடி ஒதுக்கீடு செய்யப்படும் என அமைச்சர் அறிவிப்பு
சென்னை மாநகராட்சியை புதுப்பொலிவாக மாற்ற சிங்காரச் சென்னை 2.0 திட்டம் உருவாக்கப்படும் என அறிவிப்பு
அனைத்து நகரங்களிலும் 30 மீட்டர் இடைவெளியில் தெருவிளக்குகள் அமைக்கப்படும் என அறிவிப்பு.
அனைத்து நகரங்களில் மாற்றுத்திறனாளிகளுக்கு வசதியாக நடைபாதை அமைக்கப்படும் என அறிவிப்பு
ஊரக வேலை உறுதியளிப்புத் திட்டத்திற்கான ஊதியம் ரூ.300 ஆக உயர்த்தப்படும் என அறிவிப்பு
புதிய அண்ணா மறுமலர்ச்சி திட்டத்திற்கு ரூ.1200 கோடி நிதி ஒதுக்கீடு செய்யப்படும் என அறிவிப்பு
தமிழ்நாடு கிராமங்களில் ரூ.400 கோடி செலவில் தூய்மை பாரத திட்டம் செயல்படுத்தப்படும் என அறிவிப்பு
அடுத்த 5 ஆண்டுகளில் 803924 குடும்பங்களுக்கு கான்கிரீட் வீடு கிடைப்பது உறுதி செய்யப்படும் என அறிவிப்பு
ஜல்ஜீவன் இயக்கம் மூலம் வீடுகளில் குடிநீர் இணைப்பு வழங்க 2 ஆயிரம் கோடி ரூபாய் ஒதுக்கீடு செய்யப்படும்
தமிழ்நாட்டின் 10 கடற்கரைகள் மேம்படுத்தப்படும் அதற்கான நிதி ஒதுக்கப்படும் என அறிவிப்பு
மீன்வளத்துறைக்கு ரூ.1149.79 கோடி நிதி பட்ஜெட்டில் ஒதுக்கப்படும் என அமைச்சர் அறிவிப்பு
ரூ.500 செலவில் பருவநிலை மாற்ற இயக்கம் அமைக்கப்படும் என நிதியமைச்சர் அறிவிப்பு
தமிழ்நாட்டில் புதிதாக 6 இடங்களில் மீன்பிடி துறைமுகங்கள் அமைக்க ரூ.6.25 கோடியில் ஆய்வு மேற்கொள்ளப்படும்.
காசிமேடு மீன்பிடி துறைமுகத்தை மேம்படுத்த ரூ.150 கோடி நிதி ஒதுக்கப்படும் என நிதி அமைச்சர் அறிவிப்பு
ரூ.610 கோடி செலவில் நீர்நிலைகள் புனரமைப்பு பணி உலக வங்கி உதவியோடு மேற்கொள்ளப்படும் என அறிவிப்பு
தமிழ்நாட்டில் ரூ.111.24 கோடி செலவில் 200 குளங்களின் தரம் உயர்த்தப்படும் என நிதி அமைச்சர் அறிவிப்பு
அடுத்த 5 ஆண்டுகளில் 1000 தடுப்பணைகள் மற்றும் கதவணைகள் கட்டப்படும் என நிதி அமைச்சர் அறிவிப்பு
பொது வினியோத்திட்டத்தில் உணவு மானியத்திற்கு ரூ.8437.57 கோடி ஒதுக்கீடு செய்யப்பட்டுள்ளது.
தமிழ்நாட்டில் பொதுவினியோகத் திட்டத்தின் கீழ் தேவையான இடங்களில் புதிய ரேஷன் கடைகள் திறக்கப்படும் என அறிவிப்பு
தமிழ்நாடு தீயணைப்பு மற்றம் மீட்புத்துறைக்கு 405.13 கோடி ரூபாய் ஒதுக்கப்படும் என அறிவிப்பு
அரசின் நிதி வழக்குகளை கையாள ‛வழக்கு இடர் மேலாண்மை அமைப்பு’ அமைக்கப்படும் என அறிவிக்கப்பட்டுள்ளது.
காவல் துறைக்கு ரூ.8930 கோடி ரூபாய் பட்ஜெட்டில் ஒதுக்கப்படும் என நிதி அமைச்சர் பிடிஆர் அறிவிப்பு
காவல்துறையில் காலியாக உள்ள 14317 பணியிடங்கள் நிரப்பப்படும் என அறிவிப்பு
தமிழ்நாடு காவல்துறையின் தரம் மீட்டு எடுக்கப்படும் என நிதிஅமைச்சர் அறிவிப்பு
தமிழ்நாட்டில் 4133 இடங்கள் அதிக வெள்ளபாதிப்பு ஏற்படும் பகுதியாக கண்டறியப்பட்டுள்ளது. அங்கு பேரிடர் ஏற்படாமல் தடுக்கப்படும்.
கீழடியில் கிடைத்த தொல்பொருட்களை கொண்டு திறந்தவெளி அருங்காட்சியகம் அமைக்கப்படும் என அமைச்சர் பிடிஆர் அறிவிப்பு
மாநிலம் முழுவதும் நவீன நில ஆய்வு மேற்கொள்ளப்படும் என நிதிஅமைச்சர் அறிவிப்பு
தமிழ் வளர்ச்சிக்கு ரூ.80.26 கோடி ஒதுக்கப்பட்டுள்ளதாக தமிழ்நாடு நிதி அமைச்சர் அறிவிப்பு
தொல்லியல் ஆய்வுகளை அறிவியல் முறையில் மேற்கொள்ள ரூ.5 கோடி ஒதுக்கீடு என நிதி அமைச்சர் அறிவிப்பு
ஜூன் 3 கலைஞர் செம்மொழி விருது மற்றும் ரூ.10 லட்சம் பரிசுத் தொகை வழங்கப்படும் என நிதி அமைச்சர் அறிவிப்பு
ஜூன் 3 கலைஞர் செம்மொழி விருது மற்றும் ரூ.10 லட்சம் பரிசுத் தொகை வழங்கப்படும் என நிதி அமைச்சர் அறிவிப்பு
1921 முதல் சட்டமன்றத்தின் அனைத்து ஆவணங்களும் கணினி மயமாகும் என பிடிஆர் அறிவிப்பு
தமிழ்நாடு நிதி சிக்கலை சமாளிக்க 3 ஆண்டுகள் ஆகும் என நிதி அமைச்சர் பிடிஆர் பழனிவேல் ராஜன் அறிவிப்பு
அனைத்து அரசு நிதியும் கருவூலத்தில் வைக்கப்படும் என நிதி அமைச்சர் பிடிஆர் அறிவித்துள்ளார்
அனைத்து துறையின் நடவடிக்கைகளும் முழுமையாக கணினி மயமாக்கப்படும் -பிடிஆர்
வரிமுறையை சீர்செய்ய சட்ட பொருளாதார வல்லுநர்களை கொண்ட குழு நியமிக்கப்படும் என பிடிஆர் அறிவிப்பு
மத்திய அரசின் நிதிவழங்கும் முறை கூட்டாட்சி தத்துவத்திற்கு எதிராக உள்ளது-பிடிஆர் பட்ஜெட் கூட்டத்தில் பேச்சு
பட்ஜெட் தாக்கல் செய்வதற்கு முன் மக்கள் பிரச்னைகள் குறித்து பேச வாய்ப்பு அளிக்கப்பட வேண்டும் என அதிமுக தரப்பில் கூச்சலிடப்பட்டது. இதைத் தொடர்ந்து அதிமுக எம்.எல்.ஏ.,க்கள் வெளிநடப்பு செய்தனர்.
தேர்தல் வாக்குறுதிகளுக்கு முன்னுரிமை அளிக்கப்பட்டு படிப்படியாக அவை நிறைவேற்றப்படும்- பிடிஆர்
திருத்திய வரவு செலவு எஞ்சிய 6 மாதங்களுக்கு பொருந்தும் என நிதி அமைச்சர் பிடிஆர் அறிவிப்பு
பட்ஜெட் கூட்டத்தில் பேச அனுமதி மறுக்கப்பட்டதாக கூறி அதிமுக சட்டமன்ற உறுப்பினர்கள் பட்ஜெட் கூட்டத் தொடரில் இருந்து வெளிநடப்பு செய்தனர்.
பட்ஜெட் தாக்கல் உரையை துவக்கினார் நிதி அமைச்சர் பழனிவேல் தியாகராஜன். சபாநாயகர் அப்பாவு அழைத்ததன் பேரில் தனது பட்ஜெட் உரையை துவக்கினார் பிடிஆர்.
பட்ஜெட் கூட்டத் தொடரை தொடங்கி வைத்தார் சபாநாயகர் அப்பாவு. தற்போது அவர் பட்ஜெட் அரங்கில் தனது உரையை நிகழ்த்தி வருகிறார்.
தமிழ்நாடு பட்ஜெட் தாக்கல் செய்யப்படவிருக்கும் நிலையில் நிதிஅமைச்சர் பி.டி.ஆர்.பழனிவேல் தியாகராஜன், சபாநாயகர் அப்பாவு ஆகியோர் வருகை வந்தனர்.
பட்ஜெட் இன்னும் சிறிது நேரத்தில் தாக்கல் செய்யப்படவிருக்கும் நிலையில், முதல்வர் ஸ்டாலினிடம் நிதி அமைச்சர் பழனிவேல் தியாகராஜன் முன்னதாக வாழ்த்து பெற்றார்.
பட்ஜெட் தாக்கல் செய்யப்படவிருக்கும் கலைவாணர் அரங்கிற்கு முதல்வர் ஸ்டாலின் தற்போது வருகை புரிந்துள்ளார். அமைச்சர்கள் அவரை வரவேற்றனர்.
இன்னும் சிறிது நேரத்தில் தமிழ்நாடு பட்ஜெட் தாக்கல் செய்யப்படவிருக்கும் நிலையில், அனைத்து கட்சி சட்டமன்ற உறுப்பினர்கள் தற்போது பட்ஜெட் அரங்கிற்கு வரத்தொடங்கியுள்ளனர்.
பட்ஜெட் தாக்கல் செய்யப்படவிருக்கும் கலைவாணர் அரங்கில் இப்போதே ஊடகவியலாளர்கள் குவியத்துவங்கியுள்ளனர். நேரலை செய்வதற்கான வாகனங்களும் அங்கு வரிசைப்படுத்தப்பட்டுள்ளன.
சட்டமன்றத்தில் 110 விதிகளின் கீழ் முன்னாள் முதல்வர்கள் ஜெயலலிதா, எடப்பாடி பழனிச்சாமி ஆகியோர் நூற்றுக்கணக்கான அறிவிப்புகளை வெளியிட்டதாகவும், ஆனால் அவற்றில் எவை நிறைவேற்றப்பட்டது, எவை நிறைவேற்றப்படவில்லை என்பது தெரியவில்லை என நிதி அமைச்சர் பிடிஆர் பேட்டியில் கூறியுள்ளார்.
பொதுபட்ஜெட், வேளாண் பட்ஜெட் என பட்ஜெட் இரு பிரிவுகளாக தாக்கல் செய்யப்படவிருக்கும் நிலையில், அதிமுக, பாஜக, காங்கிரஸ், விசிக உள்ளிட்ட கட்சிகளின் எம்.எல்.ஏ.,க்கள் இரண்டு பட்ஜெட் மீதான தங்களின் விவாதத்தை முன்வைக்க உள்ளனர்.
தமிழ்நாடு அரசின் கடன்சுமைரூ.5.50 லட்சம் கோடியை தாண்டிய நிலையில் எதிர்வரும் மார்ச் மாதத்துடன் ரூ.5.70 லட்சம் கோடியை தாண்டும் என கணிக்கப்பட்டுள்ளது. இந்த சிக்கலான சூழலில் இன்று பட்ஜெட் தாக்கல் செய்யப்படுகிறது.
சரியாக காலை 10 மணிக்கு தமிழ்நாடு பொது பட்ஜெட்டை அமைச்சர் பழனிவேல் தியாகராஜன் தாக்கல் செய்கிறார். அதற்கான அனைத்து ஏற்பாடுகள் ஏற்கனவே சிறப்பாக செய்யப்பட்டுள்ளது.
2021-22ம் ஆண்டிற்காக அதிமுக அரசு தாக்கல் செய்த இடைக்கால பட்ஜெட்டின் படி நிலுவையில் உள்ள மொத்த கடன் 5.70 லட்சம் கோடி ரூபாய், வருவாய் பற்றாக்குறை 41 ஆயிரத்து 417 கோடி ரூபாயாக இருக்கும் என மதிப்பிடப்பட்டுள்ளது. இது இந்த முறை அதிகரிக்க வாய்ப்புள்ளது.
இன்று காலை தமிழ்நாடு பட்ஜெட்டை அமைச்சர் பழனிவேல் தியாகராஜன் தாக்கல் செய்யும் போது, அவரது அறிவிப்புகள் எம்.எல்.ஏ.,க்கள் மேஜையில் வைக்கப்பட்டுள்ள கம்யூட்டர் திரையில் தெரியும். அது மட்டுமல்லாமல் எம்.எல்.ஏ.,க்களுக்கு கையடக்க தொடுதிரை கணினி(டேப்லெட்) வழங்கப்பட உள்ளது. அதிலும் பட்ஜெட் உரை இடம்பெற்றிருக்கும். அமைச்சர் உரையை துவங்கியதும் அது எம்.எல்.ஏ.,க்களுக்கு வழங்கப்படும்
தமிழ்நாடு அரசின் 2021-22ம் ஆண்டிற்கான இடைக்கால பட்ஜெட்டை கடந்த பிப்ரவரி 23ம் தேதி அன்றைய அதிமுக அரசின் நிதி அமைச்சர் ஓபிஎஸ் தாக்கல் செய்தார். அதன் பின் நடந்த சட்டமன்ற தேர்தலில் திமுக வெற்றி பெற்றதால் 2021-22ம் ஆண்டிற்கான திருத்தப்பட்ட நிதி நிலை அறிக்கையை திமுக அரசு இன்று தாக்கல் செய்கிறது.
தமிழ்நாடு பொதுபட்ஜெட் இன்று தாக்கல் செய்யப்படவிருக்கும் நிலையில், இன்றைய அறிவிப்பில் பஸ் கட்டணம் உயர்த்தப்படலாம் என்று பரவலாக பேசப்பட்டது. இந்நிலையில் இது தொடர்பாக பேட்டியளித்த போக்குவரத்துறை அமைச்சர் ராஜகண்ணப்பன், ‛‛போக்குவரத்துதுறை நஷ்டத்தில் இயங்கினாலும் இப்போதைக்கு கட்டணத்தை உயர்த்தும் எண்ணம் இல்லை,’’ என்று கூறியுள்ளார்
இன்று பட்ஜெட் தாக்கல் செய்யப்பட உள்ள நிலையில், நேற்று செய்தியாளர்களை சந்தித்த தமிழ்நாடு நிதி அமைச்சர் பழனிவேல் தியாகராஜன், ‛‛பொதுவாக வரி உயர்த்தியே ஆக வேண்டும். ஆனால் இப்போதே அது நடக்கும் என யாராவது கனவு கண்டால், அதற்கு பதில் சொல்ல முடியாது’’ என்று கூறியிருந்தார்.
முதல்வராக பொறுப்பேற்றுள்ள திமுக தலைவர் ஸ்டாலின் அரசின் முதல் பட்ஜெட் இது என்பது குறிப்பிடத்தக்கது. முதன்முறையாக நிதி அமைச்சராக பொறுப்பேற்றுள்ள பழனிவேல் தியாகராஜனுக்கும் இதுவே முதல் பட்ஜெட்.
பொதுவாக பட்ஜெட் தாக்கல் செய்யும் போது வெள்ளையறிக்கை தாக்கல் செய்யப்படும். ஆனால் இந்த முறை பட்ஜெட் தொடங்கும் முன்பே நிதி அமைச்சர் பழனிவேல் தியாகராஜன் வெள்ளை அறிக்கையை செய்தியாளர்கள் முன்னிலையில் வெளியிட்டார்.
இன்று காலை தாக்கல் செய்யப்படும் தமிழ்நாடு பொதுபட்ஜெட் குறித்த விவாதம் அடுத்த 3 நாட்கள் தொடர்ந்து நடைபெறும். தாக்கல் செய்யப்பட்ட பட்ஜெட் குறித்த எதிர்கட்சிகளின் விவாதத்திற்கு அமைச்சர் மற்றும் முதல்வர் ஆகியோர் பதிலளிப்பார்கள்.
பட்ஜெட் கூட்டத்தொடர் நடைபெறும் அரங்கை முதல்வர் ஸ்டாலின் நேற்று பார்வையிட்டார். கூட்டத்தொடர் குறித்த ஏற்பாடுகள்குறித்தும் அவர் கேட்டறிந்தார். அமைச்சர் துரை முருகன் உடன் அவருடன் ஆய்வில் பங்கேற்றார்.
தமிழ்நாடு சட்டமன்ற வரலாற்றில் முதன்முறையாக இம்முறை இ-பட்ஜெட் தாக்கல் செய்யப்பட உள்ளது. காகிதம் இல்லாமல் கம்யூட்டர் வழியாக அனைத்து விபரங்களும் சட்டமன்ற உறுப்பினர்களுக்கு பகிரப்படும். அதற்காக கலைவாணர் அரங்கில் அனைத்து எம்.எல்.ஏ.,க்களின் இருக்கையிலும் கம்யூட்டர் பொருத்தப்பட்டுள்ளது.