ஹோட்டல் நிர்வாகப் படிப்பில் சேர்ந்து மாதம் ரூ.70,000 வரை சம்பாதிக்கலாம்.. விண்ணப்பிக்க கடைசி தேதி: 25.03.2026 !

தாட்கோ மூலமாக பயில உள்ளே கொடுக்கப்பட்டுள்ள இணையதள முகவரியின் வாயிலாக பதிவு மேற்கொள்ளலாம் என தெரிவிக்கப்பட்டுள்ளது. 

சிவகங்கை மாவட்ட ஆட்சியர்

Source : whats app

மாவட்டம் ஹோட்டல் மேனேஜ்மென்ட் கேட்டரிங் டெக்னாலஜி இன்ஸ்டிட்யூட்டில் B.Sc  (Hospitality & Hotel Administration)   மூன்று வருட முழு நேர பட்டப்படிப்பு பயில ஆதிதிராவிடர் மற்றும் பழங்குடியின இனத்தை சார்ந்தவர்களிடமிருந்து விண்ணப்பங்கள் வரவேற்கப்படுகிறது - மாவட்ட  ஆட்சித்தலைவர் தகவல்.

  

தேசிய ஹோட்டல் மேலாண்மை கவுன்சில் இணை நுழைவுத்தேர்வு

 

தமிழ்நாடு ஆதிதிராவிடர் வீட்டு வசதி மற்றும் மேம்பாட்டுக் கழகம் (தாட்கோ) சார்பில், பனிரெண்டாம் வகுப்பு முடித்த ஆதிதிராவிடர் மற்றும் பழங்குடியின இனத்தை சார்ந்தவர்கள், தேசிய தேர்வு முகமை (NTA) சார்பில் நடத்தப்படும் தேசிய ஹோட்டல் மேலாண்மை கவுன்சில் இணை நுழைவுத்தேர்வு (NCHM JEE-2026) மூலமாக  ஹோட்டல் மேனேஜ்மென்ட் கேட்டரிங் டெக்னாலஜி இன்ஸ்டிட்யூட்டியில் B.Sc (Hospitality & Hotel Administration) மூன்று வருட முழு நேர பட்டப்படிப்பில் சேர்ந்து பயில விண்ணப்பங்கள் வரவேற்கப்படுகிறது.

 

உலக தரவரிசையில் பதிமூன்றாவது இடம்

 

சென்னை தரமணியிலுள்ள Institute of Hotel Management Catering Technology & Applied Nutrition  என்ற நிறுவனமானது ISO 9001 2015  தரச்சான்று பெற்ற நிறுவனமாகும். இந்நிறுவனமானது, ஒன்றிய அரசின் சுற்றுலா துறையின் கீழ், அமையப் பெற்ற ஒரு தன்னாட்சி நிறுவனம். மேலும், இந்நிறுவனம் சர்வதேச Amercian Council of Business நிறுவனத்தால் அங்கீகரிக்கப்பட்டுள்ளது. பிரான்ஸ் நாட்டில் உள்ள Lycee Nicolas Appert Catering நிறுவனத்துடன் புரிந்துணர்வு ஒப்பந்தமும் மேற்கொண்டுள்ளது. Hotel  Management  Institute  Survey 2022-ன் படி, உலகளாவிய மனிதவள மேம்பாட்டு மையத்தில் இரண்டாவதாக இடம் பெற்றுள்ளது. மேலும், CEO  WORLD  MAGAZINE   நடத்திய உலகளவில் சிறந்த விருந்தோம்பல் மற்றும் ஹோட்டல் மேலாண்மை பள்ளிகளின் உலக தரவரிசையில் பதிமூன்றாவது இடத்தில் இந்நிறுவனம் இடம் பெற்றுள்ளது.

 

45 சதவீதம் தேர்ச்சி பெற்றவராகவும் இருத்தல் வேண்டும்

 

மேற்கண்ட நிறுவனத்தில் பயில ஆதிதிராவிடர் மற்றும் பழங்குடியின இனத்தை சார்ந்தவராகவும், பனிரெண்டாம் வகுப்பில் 45 சதவீதம் தேர்ச்சி பெற்றவராகவும் இருத்தல் வேண்டும். குடும்ப வருமானம் ஆண்டிற்கு ரூ.3.00 இலட்சத்திற்கு மிகாமல் இருத்தல் வேண்டும். தேசிய தேர்வு முகமை (NTA) சார்பில் நடத்தப்படும் தேசிய ஹோட்டல் மேலாண்மை கவுன்சில் இணை நுழைவுத் தேர்விற்கு (NCHM JEE-2026)  வருகின்ற 25.3.2026 ஆம் தேதிக்குள் விண்ணப்பித்திடல் வேண்டும். இத்தேர்வானது,  வருகின்ற 25.4.2026 அன்று இணையதளம் வாயிலாக நடைபெறவுள்ளது. தேர்வு குறித்த கூடுதல் விபரங்கள் மற்றும் தேர்விற்கான பதிவு மேற்கொள்வதற்கு http://exams.nta.nic.in/nchm-jee/  என்ற இணையதளத்தின் வாயிலாக அறிந்து கொள்ளலாம். 

 

செலவீனம் தாட்கோவால் ஏற்கப்படும்

 

 படிப்பிற்கான செலவீனம் தாட்கோவால் ஏற்கப்படும். இப்படிப்பினை வெற்றிகரமாக முடிக்கும் பட்சத்தில், திறமையின் அடிப்படையில் நட்சத்திர விடுதிகள், உயர்தர உணவகங்கள் விமானத்துறை, கப்பல் துறை மற்றும் சேவை துறை சார்ந்த நிறுவனங்களில் பணிபுரிய ஆரம்ப கால மாத ஊதியமாக ரூ.25,000-  முதல் ரூ.35,000-  பெறுவதற்கும்,  பின்னர் திறமைக்கேற்றவாறு ரூ.50,000-  முதல் ரூ.70,000-  வரை பதவி உயர்வின் அடிப்படையில் மாத ஊதியமாக  பெறுவதற்கும்  வழிவகை செய்யப்படும். மேலும், இப்படிப்பினை தாட்கோ மூலமாக பயில www.tahdco.com என்ற இணையதள முகவரியின் வாயிலாக பதிவு மேற்கொள்ளலாம் என மாவட்ட ஆட்சித்தலைவர் கா.பொற்கொடி, தெரிவித்துள்ளார்.

 

இதையும் படிக்க

மோடியின் மதுரை முழக்கம்: திமுக ஆட்சி மாற்றத்திற்கான சூறாவளி... தேஜகூ கூட்டணி தரும் மாற்றங்கள்!

திருப்பரங்குன்றம் கோயிலில் பிரதமர் மோடி: எதிர்பாராத தரிசனம்.. பாதுகாப்பு, மரியாதை, சுவாரசியம் என்ன?