TN Weather Update: குளிருக்கு Bye Bye.! சுட்டெரிக்க ரெடியாயிடுச்சு சூரியன்; ரெடி ஆகுங்க; கோடை எப்போ தொடங்குது தெரியுமா.?

தமிழ்நாட்டில், வழக்கத்திற்கு மாறாக இவ்வளவு நாட்களாக பனி நீடித்து வந்த நிலையில், மார்ச் முதல் வாரத்தில் கோடை தொடங்கும் எனவும், இந்த ஆண்டு வெப்பம் அதிகமாக இருக்கும் என்று தகவல் வெளியாகியுள்ளது.

மார்ச் முதல் வாரத்தில் தொடங்குகிறது கோடை

Source : તસવીર સોશિયલ મીડિયા

தமிழ்நாட்டில் முன்னெப்போதும் இல்லாத அளவிற்கு இந்த ஆண்டு, தற்போது வரை பனி நீடித்து வருகிறது. இந்த வாரத்தில் பனி அதிகமாக இருந்தாலும், குளிர் சற்று குறைந்தே காணப்படுகிறது. ஏனென்றால், கோடை தொடங்க உள்ளது. ஆம், மார்ச் முதல் வாரத்தில் கோடை தொடங்கும் எனவும், இந்த ஆண்டு வெப்பம் அதிகமாகவும், நீண்ட காலம் நீடிக்கும் எனவும் கூறப்பட்டுள்ளது. அது குறித்து இப்போது தெரிந்துகொள்வோம்.

மார்ச் முதல் வாரத்தில் தொடங்கும் கோடை

இது குறித்து தனியார் வானிலை ஆய்வாளர் டெல்டா வெதர்மேன் என்று அழைக்கப்படும் ஹேமசந்தர் வெளியிட்டுள்ள எக்ஸ் தள பதிவில், வானிலை அமைப்பு குறித்தும், கோடை கால வானிலை மற்றும் அதற்கான அறிவுறுத்தல்களையும் வழங்கியுள்ளார். அதன்படி,

வானிலை அமைப்பு

வானிலை அமைப்பை பொறுத்தவரை, எல் நினோ (EL-NINO) அமைப்பு இந்தாண்டு அகட்டோபரில் உருவாகும் என எதிர்ப்பார்க்கப்படுவதாக கூறியுள்ளார். மேலும், மார்ச் முதல் மே மாதம் வரை பசிபிக் பெருங்கடல் வெப்பநிலை சமநிலையிலும் (Neutral), ஜூன் மாதம் முதல் படிப்படியாக எல் நினோ நோக்கி நகரும் என எதிர்ப்பார்க்கப்படுவதாகவும், அக்டோபர் 2026-ல் உருவாகும் எல் நினோ 2027 ஆம் ஆண்டு தீவிரமடையக்கூடும் எனவும் கூறியுள்ளார்.

அதோடு, 2020, 2021, 2022, 2024 & 2025 ஆகிய 5 ஆண்டுகள் லாநினா சார்ந்து இருந்த நிலையில், 2026 & 2027 எல் நினோ ஆண்டுகளாக அமைய இருப்பதாகவும், இதற்கு முன்பு குறுகிய கால எல் நினோ அமைப்பு 2023 அக்டோபர் முதல் 2024 ஏப்ரல் வரை நீடித்தது என்றும் குறிப்பிட்டுள்ளார்.

கோடைக்காலம் எப்படி இருக்கும்.?

தொடர்ந்து, 2026 கோடைக்காலம் கடந்த ஆண்டைவிட வெப்பமான ஆண்டாக அமையும் என்று கூறியுள்ள ஹேமசந்தர், மார்ச் முதல் மே வரையிலான மூன்று மாதங்களில், 4 முதல் 6 வாரங்கள் வெப்பத்தின் தாக்கம் அதிகரித்தும், 2 வாரங்கள் வெப்பச்சலன இடிமழையும், 3 முதல் 4 வாரங்கள் இயல்பான வெப்பநிலையும் நிலவக்கூடும் என்று தெரிவித்துள்ளார்.

மேலும், வரக்கூடிய நாட்களில், படிப்படியாக இரவு நேர குளிர் மற்றும் பனிப்பொழிவு விலகி, மார்ச் முதல் வாரம் முதல் முழுமையான கோடைக்காலம் துவங்கும் என்று கூறியுள்ளார். அதோடு, ஏப்ரல் மாதத்தில் தமிழகத்தில் வெப்பச்சலன இடிமழை துவங்குவதற்கு வாய்ப்பு உள்ளதாகவும், தமிழ்நாட்டை பொறுத்தமட்டில் இந்தாண்டும் வெப்பத்தின் தாக்கம் மார்ச், ஏப்ரல் மாதங்களை விட மே, ஜூன் மாதங்களில் அதிகரிக்கும் என்றும், செப்டம்பர் இறுதி வரை வெப்பம் நீடிப்பதற்கான வாய்ப்புகள் உள்ளதாகவும் ஹேமசந்தர் தெரிவித்துள்ளார்.

|டெல்டாவெதர்மேன் ஹேமச்சந்தர் கோடைக்கால சிறப்பு வானிலை அறிக்கை| தேதி: 24.02.2026

வானிலை அமைப்பு:

1. எல் நினோ (EL-NINO) அமைப்பு இந்தாண்டு அகட்டோபரில் உருவாகும் என எதிர்ப்பார்க்கப்படுகிறது.

2. மார்ச் முதல் மே மாதம் வரை பசிபிக் பெருங்கடல் வெப்பநிலை சமநிலையிலும் (Neutral), ஜூன்… pic.twitter.com/xxbiUd7Wjx

— Delta Weatherman (Hemachander R) (@Deltarains) February 24, 2026