Tomato And Onion Price: போட்டி போட்டு குறையும் தக்காளி, வெங்காயம் விலை.! ஒரு கிலோ இவ்வளவு தானா.? பை நிறைய அள்ளும் மக்கள்

Tomato And Onion Price: சமையலுக்கு முக்கிய தேவையாக இருப்பது காய்கறிகள். அந்த வகையில் லாரி, லாரியாக வரத்து அதிகரித்துள்ளதால் விலையானது குறைந்துள்ளது. இதனால் பொதுமக்கள் தக்காளி, வெங்காயம் மற்றும் பச்சை காய்கறிகளை அதிகளவு வாங்கி செல்கிறார்கள்.

Tomato And Onion Price

Source : social media

சமையலும் காய்கறிகளும்

சமையல் என்றாலே காய்கறிகள் தான் அனைவருக்கும் நினைவிற்கு வரும். அந்த வகையில் காய்கறி சந்தையில் எப்போதும் மக்களின் கூட்டம் அதிகரித்தே காணப்படும். வாரத்தில் ஒரு சில நாட்கள் மட்டுமே சிக்கன், மட்டன் மற்றும் மீன், இறால் உள்ளிட்ட உணவுப்பொருட்களை வீட்டில் சமைப்பார்கள். மற்ற நாட்களில் கட்டாயம் சைவம் தான் பெரும்பாலான உணவாக இருக்கும். எனவே தினந்தோறும் பல்வேறு மாவட்டங்களில் இருந்து மட்டுமல்ல பல மாநிலங்களில் இருந்தும் சென்னை, மதுரை, கோவை, திருச்சி என அனைத்து ஊரிகளிலும் உள்ள காய்கறி சந்தைக்கு காய்கறிகள் லாரி லாரியாக குவிந்து வருகிறது. 

 ஏறி இறங்கும் தக்காளி, வெங்காயம் விலை

காய்கறிகளின் வரத்தை பொறுத்து விற்பனை விலையில் மாற்றம் செய்யப்படுகிறது. அந்த வகையில் அசைவமாக இருந்தாலும், சைவமாக இருந்தாலும் தேவைப்படும் முக்கிய காய்களாக இருப்பது தக்காளி மற்றும் வெங்காயமாகும். எனவே தக்காளி வெங்காயத்தை தான் மற்ற காய்கறிகளைவிட கூடுதல் முக்கியத்துவம் கொடுத்து பொதுமக்கள் வாங்குவார்கள். இந்த இரண்டு காய்களின் விலையானது உயர்ந்தால் இல்லத்தரசிகள் நிலை கஷ்டம் தான். மாத பட்ஜெட்டில் பெரிய அளவில் பற்றாக்குறை ஏற்படும். அந்த வகையில் தான் கடந்த சில வாரங்களுக்கு முன்பாக ஒரு கிலோ தக்காளி 80 முதல் 100 ரூபாயை தொட்டது. 

சரிந்தது தக்காளி விலை

இந்த நிலையில் தற்போது தக்காளி மற்றும் வெங்காயத்தின் வரத்து அதிகரிப்பால் விலையானது சரிந்துள்ளது. இதன் படி ஒரு கிலோ தக்காளி 12 ரூபாய் முதல் 15 ரூபாய்க்கு விற்பனை செய்யப்படுகிறது. 100 ரூபாய்க்கு 6 முதல் 7 கிலோ வரை தக்காளி கூவி கூவி விற்பனை செய்யப்படுகிறது. இதற்கு போட்டியாக பெரிய வெங்காயத்தின் விலையும் சரிந்துள்ளது. ஒரு கிலோ 18 முதல் 25 ரூபாய் என தரத்திற்கு ஏற்ப விற்பனையாகிறது. 100 ரூபாய்க்கு 5 முதல் 6 கிலோ வெங்காயம் விற்பனை செய்யப்படுகிறது.

பச்சை காய்கறிகள் விலை என்ன.?

இந்த நிலையில் சென்னை கோயம்பேடு காய்கறி சந்தையில் பச்சை காய்கறிகளின் விலையும் சற்று குறைந்துள்ளது. அந்த வகையில்,  பீட்ரூட் ஒரு கிலோ 35 ரூபாய்க்கும், உருளைக்கிழங்கு ஒரு கிலோ 20 முதல் 25 ரூபாய்க்கும், குடை மிளகாய் 30 ரூபாய், பாகற்காய் ஒரு கிலோ 40 ரூபாய், சுரைக்காய் 25 ரூபாய், பட்டர் பீன்ஸ் ஒரு கிலோ 70 ரூபாய்க்கு விற்பனையாகிறது.

மேலும்  அவரைக்காய் ஒரு கிலோ 40 ரூபாய், முட்டைக்கோஸ் ஒரு கிலோ 15 ரூபாய்,  கேரட் ஒரு கிலோ 30 ரூபாய்,காலிபிளவர் ஒரு கிலோ 20 ரூபாய்,  கொத்தவரை ஒரு கிலோ 40 ரூபாய், முருங்கைக்காய் ஒரு கிலோ 120 ரூபாய், கத்தரிக்காய் 40 ரூபாய், பீன்ஸ் 40 ரூபாய், இஞ்சி 65 ரூபாய், வெண்டைக்காய் ஒரு கிலோ 40 ரூபாய், முள்ளங்கி 20 ரூபாய், பீர்க்கங்காய் ஒரு கிலோ 50 ரூபாய்க்கு சென்னை கோயம்பேடு காய்கறி சந்தையில் விற்பனை செய்யப்பட்டு வருகிறது.