மாசு கட்டுப்பாடு வாரிய தலைவர் வெங்கடாசலம் வீட்டில் ரூ.13.5 லட்சம் பணம், 6.5 கிலோ தங்கம் பறிமுதல்!

வெங்கடாசலம் வீட்டில் சுமார் 10 கிலோ சந்தன மரத்தாலான பொருட்கள் மற்றும் சந்தன துண்டுகள் கண்டறியப்பட்டுள்ளது.

மாசு கட்டுப்பாடு வாரிய தலைவர் வெங்கடாசலம் வீட்டில் லஞ்ச ஒழிப்புத்துறை சோதனை நடத்திய நிலையில், ரூ.13.5 லட்சம் பணம், இதுவரை சுமார் 6.5 கிலோ தங்கம் பறிமுதல் செய்யப்பட்டுள்ளது.

இதுதொடர்பாக வெளியிடப்பட்டுள்ள செய்தியில்,

தமிழ்நாடு மாசுகட்டுப்பாட்டு வாரியத்தின் தற்போதைய தலைவர் A.V.வெங்கடாசலம், IFS (Retired) என்பவர் Member Secretary TNPCB; சென்னை 4.10.2013 to 29.07.2014, Member Secretary SEIAA (2017 - 2018), தலைவர் TNPC8, சென்னை( 27.09.2019 முதல் இன்று வரை) மீது குற்றம் மற்றும் ஊழல் முறைகேடு சம்மந்தமாக 23.09.2021 ம் தேதியன்று சென்னை ஊழல் தடுப்பு மற்றும் கண்காணிப்பு பிரிவில் C.No. 1721, U/S 13(2) tw 13(1) (c), 13(1) (d) Prevention of Corruption Act 1968 and 7: 13(2) riw 13(1)(n) of Prevention of Corruption Act 1988 as Amended in 2018ல் வழக்கு பதிவு செய்யப்பட்டது. இதன் தொடர்ச்சியாக தமிழ்நாடு மாசுக்கட்டுப்பாட்டு வாரிய அலுவலகம், கிண்டி சென்னை -600032. உள்ளிட்ட ஐந்து இடங்களில் ஊழல் தடுப்பு மற்றும் கண்காணிப்புத்துறையினரால் இன்று 23.09.2021 தேதியன்று சோதனைகள் மேற்கொள்ளப்பட்டது. இந்த சோதனையில் பணம் ரூபாய் 13.5 லட்சம், இதுவரை சுமார் 6.5 கிலோ தங்கம் (தோராயமாக சுமார் இரண்டு கோடியே ஐம்பது லட்சம் மதிப்பு) மற்றும் வழக்கு சம்மந்தப்பட்ட முக்கிய ஆவணங்கள் ஆகியவை கண்டறிப்பட்டுள்ளது. மேலும் பணம் ரூபாய் 13.5 லட்சம் மற்றும் இவ்வழக்கிற்கு சம்மந்தப்பட்ட முக்கிய ஆவணங்கள் கைப்பற்றப்படும். தொடர்ந்து சோதனை நடைப்பெற்று வருகிறது.

 

மேலும் இவ்வழக்கின் எதிரியான A.V.வெங்கடாசலம் அவர்களின் வீட்டில் சுமார் 10 கிலோ சந்தன மரத்தாலான பொருட்கள் மற்றும் சந்தன துண்டுகள், கண்டறியப்பட்டு, தமிழ்நாடு வனத்துறை அதிகாரிகள் மூலம் நடவடிக்கை எடுக்க கோரப்பட்டுள்ளது எனத் தெரிவிக்கப்பட்டுள்ளது.