PM Modi Chennai Visit LIVE: தமிழ் மொழி நிலையானது.. தமிழ் கலாசாரம் உலகளாவியது - பிரதமர் மோடி
PM Modi Chennai Visit LIVE Updates: பிரதமர் மோடியின் சென்னை வருகை தொடர்பான உடனுக்குடன் தகவல்கள்.. !
யாழ்ப்பாணம் சென்ற முதலாவது இந்திய பிரதமர் நான்தான் - பிரதமர் மோடி
இலங்கை மக்களுக்கு இந்தியா துணை நிற்கும் - பிரதமர் மோடி
தமிழ் மொழியை பிரபலப்படுத்த முழு அர்ப்பணிப்புடன் உள்ளது மத்திர அரசு - பிரதமர் மோடி
தமிழ் மொழி நிலையானது.. தமிழ் கலாசாரம் உலகளாவியது - பிரதமர் மோடி
ஒவ்வொரு துறையிலும் தமிழ்நாட்டைச் சேர்ந்தவர்கள் தலைசிறந்தவர்களாக உள்ளனர் - பிரதமர் மோடி
செந்தமிழ் நாடெனும் போதினிலே , இன்பத்தேன் வந்து பாயுது காதினிலே.. பாரதியார் பாடலை குறிப்பிட்டு தொடங்கினார் பிரதமர் மோடி..
வரியை பகிர்ந்தளிப்பதே உண்மையான கூட்டாட்சி முறையாகும் - முதலமைச்சர் ஸ்டாலின்
தமிழகத்தின் வளர்ச்சி திராவிட மாடல் வளர்ச்சி - முதலமைச்சர் ஸ்டாலின்
இந்தியப் பிரதமரை வரவேற்று பேசத் தொடங்கினார் முதலமைச்சர் ஸ்டாலின்
தமிழக மக்கள் சார்பாக பிரதமர் மோடியை வரவேற்கிறேன் - மத்திய இணையமைச்சர் எல்.முருகன்
நேரு உள்விளையாட்டு அரங்கில் நடைபெறும் விழாவில் வரவேற்பு உரையை மத்திய இணையமைச்சர் எல்.முருகன் பேசினார்.
நேரு உள்விளையாட்டு அரங்கில் பிரதமர் மோடி பங்கேற்ற விழாவில் தமிழ்தாய் வாழ்த்து உடன் தொடங்கப்பட்டது.
நேரு உள்விளையாட்டு அரங்கத்திற்கு பிரதமர் மோடி வந்தடைந்துள்ளார்.
வழி நெடுகிலும் பாஜகவினர் வரவேற்பை ஏற்ற பிரதமர்... !
அடையாறு கப்பல்படை தளத்திலிருந்து சாலை மார்க்கமாக காரில் பிரதமர் மோடி நேரு உள்விளையாட்டு அரங்கத்திற்கு புறப்பட்டுள்ளார்.
சாலை மார்க்கமாக நேரு உள்விளையாட்டு அரங்கத்திற்கு செல்லும் பிரதமர் மோடிக்கு பாஜகவினர் உற்சாகவரவேற்பை அளிக்கின்றனர். அவர்களின் வரவேற்பை பிரதமர் மோடி கை அசைத்து ஏற்று வருகிறார்.
ஐ.என்.எஸ் கப்பல்படை தளத்தில் பிரதமர் மோடியை முதலமைச்சர் மு.க.ஸ்டாலின் வரவேற்றார்.
சென்னை விமான நிலையத்திலிருந்து தனி ஹெலிகாப்டர் மூலம் பிரதமர் மோடி அடையாறு கப்பல்படை தளத்திற்கு புறப்பட்டுள்ளார்.
பிரதமர் மோடியின் சென்னை வருகை காரணமாக 5 அடுக்கு பாதுகாப்பு போடப்பட்டுள்ளது. இதில் சுமார் 22000 காவல்துறையினர் பாதுகாப்பு பணியில் ஈடுபட்டுள்ளனர்.
சென்னை நேரு உள் விளையாட்டு அரங்கத்தில் நடைபெறும் விழாவில் 11 திட்டங்களுக்கு பிரதமர் மோடி அடிக்கல் நாட்டுகிறார்.
சென்னை வந்துள்ள பிரதமர் மோடியை வரவேற்க முதலமைச்சர் மு.க.ஸ்டாலின் ஐ.என்.எஸ் கப்பல்படை தளத்திற்கு வருகை தந்துள்ளார்.
அடையாறு கப்பல்படை தளத்திலிருந்து பிரதமர் மோடி சாலை வழியாக நேரு உள்விளையாட்டு அரங்கத்திற்கு செல்கிறார்.
சென்னை விமான நிலையத்திலிருந்து ஹெலிகாப்டர் மூலம் பிரதமர் மோடி அடையாறு ஐ.என்.எஸ் தளத்திற்கு செல்கிறார்.
சென்னை வந்துள்ள பிரதமர் மோடி 31,500 கோடி ரூபாய் மதிப்பிலான திட்டங்களை தொடங்கி வைக்கிறார்.
சென்னை வந்த பிரதமர் மோடி. ஹைதராபாத்தில் இருந்து தனி விமானம் மூலம் சென்னை வந்த பிரதமர் நரேந்திர மோடிக்கு தமிழக ஆளுநர் ரவி வரவேற்பு அளித்தார். மேலும் அமைச்சர்கள் துரைமுருகன், கே என் நேரு, பொன்முடி உள்ளிட்டோரும் பிரதமர் மோடிக்கு வரவேற்பு அளித்தனர்.
சென்னை வந்துள்ள பிரதமர் மோடிக்கு பாஜக சார்பில் உற்சாக வரவேற்பு அளிக்கப்பட்டுள்ளது.
ஹைதராபாத்திலிருந்து தனி விமானம் மூலம் பிரதமர் மோடி சென்னை வந்துள்ளார்.
அரசு முறை பயணமாக ஐதராபாத் வந்த பிரதமர் நரேந்திர மோடியை, தெலுங்கானா ஆளுநர் தமிழிசை வரவேற்றார்.
அரசு முறை பயணமாக ஐதராபாத் வந்த பிரதமர் நரேந்திர மோடியை, தெலுங்கானா ஆளுநர் தமிழிசை வரவேற்றார்.
தெலங்கானாவிலுள்ள ஐஎஸ்பி கல்லூரியின் 20ஆம் ஆண்டு விழாவில் பிரதமர் மோடி பங்கேற்றுள்ளார்.
பெங்களூரு பயணம் மேற்கொண்டுள்ள தெலங்கானா முதல்வர் சந்திரசேகரராவ் முன்னாள் பிரதமர் தேவகவுடாவை சந்தித்துள்ளார்.
பிரதமர் நரேந்திர மோடி இன்று ஹைதராபாத் வரும் நிலையில், அவருடனான சந்திப்பை தவிர்க்கும் விதத்தில், தெலங்கானா முதல்வர் சந்திரசேகர ராவ் இன்று காலையே பெங்களூரு புறப்பட்டுச் சென்றது அதிர்வலைகளை ஏற்படுத்தியுள்ளது.
பிரதமர் மோடி முதலில் ஹைதராபாத் பயணம் மேற்கொண்டுள்ளார். அதை முடித்து கொண்டு பிரதமர் மோடி சென்னை வருகிறார்.
Background
தமிழகத்தில் ரூ.31,500 கோடி மதிப்பிலான மத்திய அரசின் திட்டங்களை சென்னை நேரு உள் விளையாட்டு அரங்கில் பிரதமர் மோடி இன்று தொடக்கி வைக்கிறார்.
பிரதமர் சென்னை வருகையின் விவரம்:
பிரதமர் மோடி நாளை தொடங்கும் திட்டங்கள் என்னென்ன..?
- மதுரை – தேனி அகல ரயில் பாதை
- தாம்பரம் – செங்கல்பட்டு மூன்றாவது ரயில் பாதை
- எண்ணூர் – செங்கல்பட்டு மற்றும் திருவள்ளூர் – பெங்களூரு இடையே குழாய் வழியே இயற்கை எரிவாயு திட்டம்
- லைட் ஹவுஸ் திட்டத்தில் கட்டப்பட்ட1,152 வீடுகள் திறப்பு
அடிக்கல் நாட்டும் திட்டம் :
- 14 ஆயிரத்து 870 கோடி செலவில் பெங்களூரு - சென்னை இடையே 262 கி.மீ. நீளத்தில் அமைக்கப்படவுள்ள விரைவுச் சாலை திட்டம்
- சென்னை துறைமுகம் - மதுரவாயல் இடையே இரட்டை அடுக்கு கொண்ட 4 வழி உயர்மட்ட சாலை திட்டம்
- நெரலூரு - தருமபுரி பகுதியில் 4 வழி நெடுஞ்சாலை
- மீன்சுருட்டி - சிதம்பரம் பகுதியில் 2 வழி நெடுஞ்சாலை
- சென்னை எழும்பூர், ராமேஸ்வரம், மதுரை, காட்பாடி, கன்னியாகுமரி ஆகிய 5 ரயில்வே நிலையங்களை மறுசீரமைக்கும் பணி
- சரக்கு போக்குவரத்தை வேகப்படுத்தும் வகையில் சென்னையில் அமைக்கப்படவுள்ள ’மல்டி மாடல் லாஜிஸ்டிக் பார்க்’ திட்டம்
இந்த விழாவில் பிரதமர் நரேந்திரமோடியோடு முதல்வர் மு.க.ஸ்டாலின், ஆளுநர் ஆர்.என்.ரவி மற்றும் அமைச்சர்கள் பங்கேற்கவுள்ளனர்.
பிரதமர் நரேந்திர மோடி இன்று சென்னை வருவதையெடுத்து மாநகரின் பல பகுதிகளில் போக்குவரத்து மாற்றங்கள் செய்யப்பட்டுள்ளது.
சென்னையில் போக்குவரத்து மாற்றம்:
பிரதமர் பயணத்தை முன்னிட்டு, சென்னையில் போக்குவரத்து மாற்றம் குறித்து சென்னை போக்குவரத்து காவல் துறை செய்தி வெளியிட்டுள்ளது.
இன்று மாலை 3 மணி முதல் இரவு 8 மணி வரை பெரியமேடு பகுதியில் உள்ள சாலைகள், ஈ.வெ.ரா. சாலை, ஜிஎஸ்டி சாலை, அண்ணா சாலை உள்ளிட்ட சாலைகளை வாகன ஓட்டிகள் தவிா்க்கும்படியும், குறிப்பிட நேரத்தில் வாகனங்கள் மெதுவாகவே செல்ல முடியும் என்பதால் மாற்று சாலைகளை பயன்படுத்தும்படியும் பெருநகர காவல்துறையின் போக்குவரத்து பிரிவு வேண்டுகோள் விடுத்துள்ளது. மேலும், இரவு நிகழ்வு முடிந்த பிறகு நேரு விளையாட்டு அரங்கிலிருந்து விமான நிலையம் செல்லும் சாலைகள் அனைத்தும் பிரதமர் கார் செல்வதற்காக பிற வாகனங்கள் செல்ல தடை விதிக்கப்படவுள்ளது.
பிரதமர் மோடி சென்னை வந்து செல்லும் வரை மேலே குறிப்பிட்டுள்ள சாலைகளை பொதுமக்கள் பயன்படுத்த தடை இருக்கும் என்பதால் உங்கள் பயண திட்டத்தை கவனமுடன் மேற்கொள்ளவும்.
- - - - - - - - - Advertisement - - - - - - - - -