நீட் தேர்வு வினாத்தாள் கசிவு விவகாரம் தொடர்பாக டெல்லியில் மாணவர்கள் மிகப்பெரிய அளவில் போராட்டம் நடத்தி வருகின்றனர். இந்த போராட்டம் இந்திய அளவில் மிகப்பெரிய பரபரப்பை உண்டாக்கியுள்ளது.
தொடரும் போராட்டம்:
டெல்லியில் போராடும் மாணவர்களுக்கு ஆதரவாக தமிழ்நாட்டிலும் மாணவர்கள் போராட்டம் நடத்தி வருகின்றனர். இந்திய கம்யூனிஸ்ட் அலுவலக தலைமை அலுவலகமான பாலன் இல்லத்தில் மாணவர்கள் அமைப்பினர் போராட்டம் நடத்தி வருகின்றனர்.
விரட்டப்பட்ட திமுக ஜென்இசட் ஆதரவாளர்கள்:
இந்த போராட்டத்திற்கு திமுக-விற்கு மிகப்பெரிய அளவில் ஆதரவுக்குரல் அளித்து வரும் பிக்பாஸ் பிரபலம் ஜுலி மற்றும் ஜென்இசட் திமுக-வைச் சேர்ந்த சிலர் பங்கேற்றனர். அப்போது, இந்த போராட்டக்குழுவில் இருந்தவர்கள் கட்சியோட ஸ்கோரை இதில் பண்ணலாம் என்று முயற்சிக்க வேண்டாம்.
அது ரொம்ப தப்பான விஷயம். நான் நேரடியாக சொல்கிறேன். ஜென்இசட் திமுக என்று டீ சர்ட் அணிந்து போட்டு வந்துள்ளீர்கள். ஏற்கனவே இதற்கு ஒரு முத்திரை குத்தி வருகிறார்கள். நீங்க எல்லாம் இந்த விஷயம் தெரிந்தே வந்துள்ளீர்கள். இது எப்படி இருக்கிறது என்றால் ஆம் நாங்கள் இதன் பின்னால் இருக்கிறோம் என்று காட்டுகிறீர்கள்.
இவ்வாறு அவர் கூறினார்.
அரசியல் சாயம் வேண்டாம்:
அவர் கூறிய பிறகு ஜுலி மற்றும் ஜென்இசட் டீ சர்ட் அணிந்த இளைஞர்கள் போராட்ட களத்தை விட்டு வெளியேறினர். இந்த போராட்டத்தில் மத்திய அரசுக்கு எதிராகவும், தமிழக முதல்வர் விஜய் இதுதொடர்பாக கருத்து தெரிவிக்காத காரணத்தால் அவருக்கு எதிராகவும் பதாகைகளை பலரும் ஏந்தி வருகின்றனர்.
இதனால், இந்த போராட்டம் பாஜக அரசுக்கு எதிரான போராட்டம் என்பதற்கு பதிலாக விஜய்க்கு எதிரான போராட்டமாகவே பல இடங்களில் பார்க்கப்படுகிறது. திமுக ஆதரவாளர்கள் பலரும் இந்த போராட்டங்களில் பங்கேற்று வருவதால் மாணவர்கள் போராட்டங்களில் திமுக முத்திரை குத்தப்பட்டு வருவதும் தொடர்ந்து வருகிறது.
சனம் ஷெட்டிக்கும் எதிர்ப்பு:
இதன் காரணமாகவே பாலன் இல்லத்தில் பங்கேற்ற திமுக ஆதரவு இளைஞர்கள் மற்றும் திமுக ஆதரவாளர் ஜுலியை பாதியில் அனுப்பினர். மேலும், இந்த போராட்டத்தில் பங்கேற்று பேசிய நடிகை சனம் ஷெட்டியின் கருத்தும் சர்ச்சைக்குரியதாக மாறியதால் அவருக்கும் மாணவர்கள் கண்டனம் தெரிவித்தனர் என்பது குறிப்பிடத்தக்கது.
டெல்லியில் நடந்து வரும் போராட்டத்தில் முதலமைச்சர் விஜய் இதுவரை எந்த கருத்தும் தெரிவிக்காததற்கு பல தரப்பினரும் கண்டனம் தெரிவித்து வருகின்றனர்.