Ma Subramanian Health Update : அமைச்சர் மா.சுப்பிரமணியனுக்கு என்ன ஆச்சு.! மருத்துவமனையில் திடீர் அனுமதிக்கு காரணம் என்ன.?

Ma Subramanian Health Update : மக்கள் நல்வாழ்வுத்துறை அமைச்சர் மா.சுப்பிரமணியனுக்கு திடீரென உடல்நிலை பாதிக்கப்பட்டதையடுத்து மருத்துவமனையில் சிகிச்சைக்காக அனுமதிக்கப்பட்டுள்ளார்.

Ma Subramanian Health Update

Source : twitter

தமிழக தேர்தல் களம் சூடு பிடிக்க தொடங்கியுள்ள நிலையில், அரசியல் கட்சிகளும் களப்பணியை தீவிரப்படுத்தியுள்ளது. அதில் குறிப்பாக ஆளுங்கட்சியான திமுக மீண்டும் ஆட்சியை கைப்பற்ற திமுகவினரை உற்சாகப்படுத்தி வருகிறது. அதில் சென்னையில் முக்கிய மாவட்டமாக இருப்பது தென் சென்னை தான். எனவே அந்த மாவட்டத்தில் செயலாளராகவும், மக்கள் நல்வாழ்வுத்துறை அமைச்சராக இருப்பவர் மா.சுப்பிரமணியன். தனது துறையின் கீழ் உள்ள மருத்துவமனையில் திடீர் ஆய்வு மேற்கொண்டு மருத்துவமனையின் தரத்தை பரிசோதனை மேற்கொண்டு வருகிறார்.

இந்த நிலையில் அமைச்சர் மா.சுப்பிரமணியனுக்கு திடீரென உடல்நிலை பாதிக்கப்பட்டதையடுத்து மருத்துவமனையில் சிகிச்சைக்காக சேர்க்கப்பட்டுள்ளார். கடந்த 2 நாட்களாக  காய்ச்சல் நீடித்து வந்ததையடுத்து சென்னை கிண்டியில் உள்ள கலைஞர் நூற்றாண்டு மருத்துவமனையில் அனுமதிக்கப்பட்டுள்ளார். இதனையடுத்து மா.சுப்பிரமணியன் உடல்நிலை தொடர்பாக மருத்துவர்கள் பரிசோதனை செய்து வருகிறார்கள். ஒரு சில நாட்கள் ஓய்விற்கு பிறகு அமைச்சர் மா.சுப்பிரமணியன் வீடு திரும்புவார் என மருத்துவமனை வட்டாரம் தெரிவித்துள்ளது. 

இதே போல தமிழக அமைச்சரவையில் மூத்த அமைச்சராக இருப்பவர் துரைமுருகன் கடந்த சில நாட்களுக்கு முன்பாக வீட்டில் கீழே விழுந்ததன் காரணமாக காலில் காயம் ஏற்பட்டதையடுத்து மருத்துவமனையில் சிகிச்சைக்காக அனுமதிக்கப்பட்டார். இதனால் தமிழக சட்டமன்ற கூட்டத்தில் கூட பங்கேற்க முடியாத நிலையானது ஏற்பட்டது குறிப்பிடத்தக்கது.