புதுச்சேரி: கோவை, சென்னையைத் தொடர்ந்து புதுச்சேரியிலும் இந்தியன் ஆயில் நிறுவனம் 10 கிலோ சமையல் எரிவாயு கொண்ட ‘எக்ஸ்ட்ரா லைட்’ என்ற பெயரில் புதிய சமையல் கேஸ் சிலிண்டரை அறிமுகப்படுத்தியுள்ளது.
இந்தியன் ஆயில் நிறுவனத்தின் புதிய ‘எக்ஸ்ட்ரா லைட்’ கம்போசிட் சிலிண்டர் அறிமுகம்
கோவை மற்றும் சென்னை நகரங்களைத் தொடர்ந்து, புதுச்சேரியிலும் இந்தியன் ஆயில் நிறுவனம் 10 கிலோ எடையுள்ள 'எக்ஸ்ட்ரா லைட்' என்ற புதிய ரக சமையல் எரிவாயு சிலிண்டரை அறிமுகம் செய்துள்ளது. இது தொடர்பாக இந்தியன் ஆயில் நிறுவனத்தின் புதுச்சேரி முதுநிலை விற்பனை அதிகாரி அக்சய் திமோதி வெளியிட்ட செய்திக் குறிப்பு மற்றும் தகவல்கள்:
சிறப்பம்சங்கள் மற்றும் தொழில்நுட்பம்:
எளிதான பராமரிப்பு: வழக்கமான இரும்பு சிலிண்டர்களைப் போல இது துருப்பிடிக்காது, மேலும் பாதுகாப்பானது.
குறைந்த எடை: பாலிஎத்திலின் (Polyethylene) என்ற சிறப்புப் பொருளால் தயாரிக்கப்பட்டுள்ளதால் இந்த சிலிண்டர்கள் எடை மிகக் குறைவாகவும், கையாள்வதற்கு எளிதாகவும் இருக்கும்.
இலவச வர்த்தக உரிமம்: கோவை, சென்னையை அடுத்து தற்போது புதுவையில் 3-வது நகராக இத்திட்டம் நடைமுறைக்கு வந்துள்ளது.
கட்டணம் மற்றும் முன்பதிவு விவரங்கள்:
சிலிண்டர் விலை: 1,635
வைப்புத் தொகை (Deposit): ₹2,700
ஜி.எஸ்.டி (GST): வைப்புத் தொகையுடன் கூடுதலாக 18% ஜி.எஸ்.டி செலுத்த வேண்டும்.
யாரெல்லாம் பயன்பெறலாம்?
உலக நாடுகளில் நிலவும் போர்ச் சூழல் காரணமாக, இந்தியாவில் கடந்த மார்ச் மாதம் முதல் புதிய சமையல் கேஸ் இணைப்புகள் வழங்குவது நிறுத்தி வைக்கப்பட்டிருந்தது. இதனால் புதிதாக திருமணமான தம்பதியர் மற்றும் பணி நிமித்தமாக வேறு ஊர்களுக்கு இடம்பெயர்ந்த ஊழியர்கள் பெரிதும் அவதிப்பட்டு வந்தனர்.
அவர்களின் சிரமத்தைப் போக்கும் வகையில் இந்த சிறப்புச் சலுகை தொடங்கப்பட்டுள்ளது. புதிய இணைப்பு பெற விரும்புவோர் மற்றும் புலம்பெயர்ந்த தொழிலாளர்கள் இதனை உடனடியாகப் பெற்றுப் பயன்படுத்தலாம்.
ஆவணங்கள் தேவை இல்லை:
இந்த 'எக்ஸ்ட்ரா லைட்' சிலிண்டர் பெறுவதற்கு முகவரி சான்று (Address Proof) எதுவும் தேவையில்லை. ஏதேனும் ஒரு அடையாளச் சான்றை (Identity Proof) சமர்ப்பித்தால் மட்டுமே போதுமானது எனத் தெரிவிக்கப்பட்டுள்ளது. இந்த அறிமுக நிகழ்ச்சியின் போது இந்திரா இண்டேன் நிறுவன உரிமையாளர் பரசுராமன் மற்றும் உணவு கடத்தல் தடுப்புப் பிரிவு காவல்துறை கண்காணிப்பாளர் மாறன் ஆகியோர் உடனிருந்தனர்.