எந்தவித முறையான அறிவிப்பும் இல்லாமல் முதலமைச்சர் விஜய் மேற்கொண்டுள்ள வெளிநாட்டு பயணத்தின் பின்னணி என்ன என்று திமுக ஐடி விங் சரமாரியாக கேள்வி எழுப்பி விளாசியுள்ளது.
லண்டன் சென்ற முதலமைச்சர் விஜய்
தமிழ்நாட்டில் தவெக ஆட்சிப் பொறுப்பேற்று 4 மாதங்கள் நிறைவடைந்துள்ள நிலையில் முதலமைச்சர் விஜய் முதல்முறையாக வெளிநாட்டு பயணம் மேற்கொண்டுள்ளார். தொழில் முதலீடுகளை ஈர்க்க லண்டன் பயணம் மேற்கொண்டுள்ளார். இதற்காக நேற்றிரவு வீட்டிலிருந்து விமான நிலையம் புறப்பட்ட அவருக்கு வழியெங்கும் பொதுமக்களும், தவெக தொண்டர்களும் உற்சாக வரவேற்பளித்தனர். அவர்களின் அன்புகளைப் பெற்றுக் கொண்ட விஜய் கையெடுத்து கும்பிட்டும், கையசைத்தும் தனது நன்றியைத் தெரிவித்தார்.
இதற்கிடையில் செப்டம்பர் 12ம் தேதி லண்டனில் நடைபெறும் சில்வர்ஸ்டோன் கார் பந்தய போட்டியையும் முதலமைச்சர் விஜய் கொடியசைத்து தொடங்கி வைக்கிறார். இந்த கார் பந்தயத்தின் நடிகர் அஜித்தை விஜய் சந்தித்து பேசவுள்ளார். இங்கிலாந்தைச் சேர்ந்த பல நிறுவனங்கள் தமிழ்நாட்டில் உற்பத்தி ஆலைகளை நடத்தி வரும் நிலையில் அதன் தொடர்பை மேலும் வலுப்படுத்தவும், புதிய முதலீடுகளை ஈர்க்கும் வகையிலும் இந்த பயணம் அமையும் என தெரிவிக்கப்பட்டுள்ளது.