CM Vijay: என் சீட்டுல நீங்க உட்காருங்க.. டிரைவருக்காக கார் ஓட்டிய முதலமைச்சர் விஜய்.. குவியும் பாராட்டு!

முதலமைச்சராக இருப்பவர் புதிய வாகனங்கள் சேவையை தொடங்கி வைக்கிறார்கள் என்றால் அந்த வாகனத்தில் அமர்ந்து அதிகப்பட்சமாக பயணிப்பார்கள். ஆனால் விஜய் அதனை இயக்கிப் பார்த்த சம்பவம் வியப்பை ஏற்படுத்தியுள்ளது.

முதலமைச்சர் ஜோசப் விஜய்

Source : ABP

சென்னை தலைமைச் செயலகத்தில் நடைபெற்ற புதிய வாகனங்கள் வழங்கும் நிகழ்ச்சியில் முதலமைச்சர் ஜோசப் விஜய் கார் ஓட்டி ஆய்வு செய்தது அங்கிருந்தவர்களிடையே பெரும் வரவேற்பைப்  பெற்றுள்ளது. 

தமிழ்நாட்டில் தவெக தலைமையிலான அரசு செயல்பட்டு வருகிறது. தமிழ்நாட்டின் புதிய முதலமைச்சராக ஜோசப் விஜய் பதவியேற்றுள்ளார். இந்த நிலையில் இன்று காலை சென்னை தலைமைச் செயலகத்தில் மருத்துவம் மற்றும் மக்கள் நல்வாழ்த்துறை சார்பில் ஊரக நலப்பணிக மற்றும் மருத்துவம் போன்ற பல்வேறு நிவாங்கப்பட்டுள்ள புதிய வாகனங்களின் சேவையை முதலமைச்சர் விஜய் தொடங்கி வைத்தார். 

அப்போது அந்தந்த வாகனங்களில் ஓட்டுநர்களுக்கு கார் சாவியை வழங்கினார். அப்போது கடைசியாக கார் சாவியைப் பெற்றுக் கொண்ட ஓட்டுநர் விஜயிடம், நீங்கள் வாருங்கள். உங்களை ஒரு ரவுண்ட் கூட்டிச்செல்ல விரும்புகிறேன் என தெரிவித்தார். அதற்கு மறுப்பேதும் சொல்லாமல் முதலமைச்சர் விஜய் கார் சாவியைப் பெற்றுக் கொண்டு ஓட்டுநர் இருக்கையில் அமர்ந்து கொண்டார். அந்த காருக்கென நியமிக்கப்பட்ட ஓட்டுநரை முன்பக்க இருக்கையில் அமர வைத்து தலைமைச் செயலகத்தில் ஒரு ரவுண்ட் வந்தார். மேலும் புதிதாக வாங்கப்பட்ட காரின் தரத்தையும் ஆய்வு செய்தார். இதனைத் தொடர்ந்து அந்த ஓட்டுநர் விஜய்க்கு நன்றி தெரிவித்தார். 

#CMVijay Test Driving the Medical Service Jeep..⭐ The Man is Enjoying his New job..😃🤝 pic.twitter.com/2xSsd7KVki

— Laxmi Kanth (@iammoviebuff007) May 20, 2026

இந்த சம்பவம் அங்கு பணியில் இருந்த ஊழியர்கள், காவல்துறையினர், வருகை தந்திருந்த பொதுமக்கள் இடையே ஆச்சரியத்தை ஏற்படுத்தியுள்ளது. பொதுவாக முதலமைச்சராக இருப்பவர் தலைமைச் செயலகத்தில் புதிய திட்டத்தை கொடியசைத்து தொடங்கி வைப்பார்கள். உதாரணமாக புதிய வாகனங்கள் சேவையை தொடங்கி வைக்கிறார்கள் என்றால் அந்த வாகனத்தில் அமர்ந்து அதிகப்பட்சமாக பயணிப்பார்கள். வாகனத்தை இயக்க மாட்டார்கள். ஆனால் தற்போதைய முதலமைச்சர் விஜய் வாகனத்தை ஓட்டியது பாராட்டைப் பெற்றுள்ளது. 

முன்னதாக கடந்த மே 10ம் தேதி பதவியேற்ற முதலமைச்சர் விஜய் தொடர்ச்சியாக தனது செயல்கள் மூலம் மக்களிடையே கவனம் ஈர்த்து வருகிறார் என்பது குறிப்பிடத்தக்கது. 

இதையும் படிக்க

இஸ்லாமியர், ரசிகர் மன்ற நிர்வாகிகள், டெல்டாக்காரர் - CM விஜயின் புதிய அமைச்சரவை பட்டியல் ரெடி?