சென்னை உட்பட பல நகரங்களில் பல ஆண்டுகளுக்கு முன்பு கட்டப்பட்ட அடுக்குமாடி குடியிருப்புகள் ஆய்வு செய்து மறுகட்டுமானம் செய்யப்படும் என முதலமைச்சர் ஸ்டாலின் தெரிவித்துள்ளார்.
அதில் ரூ 1,146 கோடியில் அடுக்குமாடி குடியிருப்புகள் மறுகட்டுமானம் செய்யப்படும் என முதலமைச்சர் ஸ்டாலின் தெரிவித்துள்ளார்.
கடந்த 3 ஆண்டுகளில் 1, 76, 462 தனி வீடுகள் கட்டப்பட்டுள்ளன என்றும் தெரிவித்துள்ளார்.
தமிழ்நாடு சட்டமன்றப் பேரவையில், சிதிலமடைந்த அடுக்குமாடிக் குடியிருப்புகளை மறுகட்டுமானம் செய்வது குறித்து, தமிழ்நாடு முதலமைச்சர் மு.க.ஸ்டாலின் விதி எண் 110-ன் கீழ் அறிக்கை வெளியிட்டுள்ளார்
முதலமைச்சர் ஸ்டாலின் சட்டப்பேரவையில் பேசியதாவது, ஏழையின் சிரிப்பில் இறைவனைக் காண்போம்" என்ற பேரறிஞர் அண்ணா வழி நடந்து முத்தமிழறிஞர் கலைஞரால் உருவாக்கப்பட்ட தமிழ்நாடு நகர்ப்புற மேம்பாட்டு வாரியம் நகர்ப்புறங்களில் வசிக்கும் ஏழை எளிய மக்கள் அடுக்குமாடி குடியிருப்புகளில் வாழச் சிறந்த பல திட்டங்களை உருவாக்கி வருகிறது.
இந்த அரசு பொறுப்பு ஏற்ற பிறகு தமிழ்நாடு நகர்ப்புற வாழ்விடட மேம்பாட்டு வாரியப் பணிகளுக்கு முன்னுரிமை அளிக்கப்பட்டு, கடந்த மூன்றாண்டுகளில் மட்டும் இதுவரை 29 ஆயிரத்து 439 அடுக்குமாடிக் குடியிருப்புகளும் 1 இலட்சத்து 70 ஆயிரத்து 462 தனி வீடுகளும் கட்டி முடிக்கப்பட்டுள்ளன. மேலும், 172 திட்டப் பகுதிகளில் 79 ஆயிரத்து 94 அடுக்குமாடிக் குடியிருப்பகளும் ரத்து 429 தனி வீடுகளுக்கான கட்டுமானப் பணிகளும் பல்வேறு நிலைகளில் நடைபெற்று வருகின்றன. இந்தத் திட்டப் பணிகளுக்காக 6 ஆயிரத்து 665 கோடி ரூபாய் செலவிடப்பட்டுள்ளது
புதிய அடுக்குமாடிக் குடியிருப்புகளாக கட்டும் பணியில் மட்டும் கவனம் செலுத்துவதுடன் நின்றுவிடாமல், இந்த அரசு பழைய அடுக்குமாடி குடியிருப்புகளின் மறுசீரமைப்பிலும் கவனம் செலுத்துகிறது. சென்னை மற்றும் தமிழ்நாடு வாரியத்தால் பல ஆண்டுகளுக்கு முன் கட்டப்பட்டஅடுக்குமாடி குடியிருப்புகளில் சில நீண்டகா பயன்பாடு மற்றும் தட்பவெப்பநிலை காரணமாக சிதிலமடைந்துள்ள. இந்தக் குடியிருப்புகளை முறையாக கணக்கெடுத்து, மறுகட்டுமானம் செய்ய ஏற்பாடு செய்யப்பட்டுள்ளது. மறுகட்டுமானத்திற்குப் பின் இக்குடியிருப்புகள், புதுமையான, மேம்படுத்தப்பட்ட அம்சங்கள் மற்றும் வசதிகளுடன் பழைய குடியிருப்புகளில் முன்னர் வாழ்ந்த குடும்பங்களுக்கும். இதே திட்டப் பகுதிகளின் அருகில் வாழும் நகர்ப்புற ஏழைக் குடும்பங்களுக்கும் ஒதுக்கீடு செய்யப்படும்.
தமிழ்நாடு முழுவதும் 1 லட்சத்து 93 ஆயிரத்து 891 அடுக்குமாடி குடியிருப்புகள் பராமரிக்கப்பட்டு வருகின்றன. அவற்றுள் 28 ஆயிரத்து 643. குடியிருப்புகள் சிதிலமடைந்துள்ளதாக தொழில்நுட்ப வல்லுநர் குழுவால் கண்டறியப்பட்டுள்ளன. இவை அனைத்தும் அடுத்த மூன்று ஆண்டுகளுக்குள் மறுகட்டுமானம் செய்யப்படும்.
இதன் முதற்கட்டமாக 2024-2025 ஆம் ஆண்டில், சென்னை மாநகரில் கிழக்கு கல்லறை சாலை, கொடுங்கையூர், வ.உ.சி. நகர் போன்ற திட்டப்பகுதிகள், தஞ்சாவூரில் ஏ.வி.பதி நகர் திட்டப்பகுதி மற்றும் திருச்சியில் கோட்டக்கொல்லை திட்டப்பகுதி ஆகியவற்றில் உள்ள 6 ஆயிரத்து 746 அடுக்குமாடிக் குடியிருப்புகள், ஆயிரத்து 146 கோடி ரூபாய் மதிப்பீட்டில் மறுகட்டுமானமும் மற்றும் புதிய திட்டப்பகுதிகளில் கட்டுமானமும் மேற்கொள்ளப்படும் என்பதை மகிழ்ச்சியுடன் தெரிவித்துக் கொள்கிறேன் என் முதலமைச்சர் ஸ்டாலின் தெரிவித்துள்ளார்.