நடந்து முடிந்த சட்டமன்ற தேர்தலில் மதுராந்தகத்தில் மரகதம் குமரவேல் மற்றும் தாராபுரத்தில் சத்தியபாமா ஆகியோர் அதிமுக சார்பில் போட்டியிட்டு வெற்றி பெற்றனர். இந்நிலையில் திடீரென தனது எம்எல்ஏ பதவிகளை ராஜினாமா செய்து விட்டு விஜய் முன்னிலையில் தமிழக வெற்றிக் கழகத்தில் இணைந்து எடப்பாடி பழனிசாமிக்கு அதிர்ச்சி கொடுத்தனர். 

Continues below advertisement

அக்டோபர் 6ம் தேதி தேர்தல்

இதனையடுத்து இரண்டு தொகுதிகள் காலியானதாக அறிவிக்கப்பட்டதை அடுத்து தேர்தல் ஆணையம் தேர்தல் தேதியை அறிவித்தது. அதாவது மதுராந்தகம் மற்றும் தாராபுரம் தொகுதிகளுக்கு அக்டோபர் 6ம் தேதி தேர்தலும், வாக்கு எண்ணிக்கை அக்டோபர் 9ம் தேதி நடைபெறும் என தெரிவித்திருந்தது. 

இதையும் படிங்க: School Holidays: குஷியில் துள்ளிக்குதிக்கும் பள்ளி மாணவர்கள்.. அக்டோபரில் காத்திருக்கும் இன்ப அதிர்ச்சி! வரிசை கட்டி வரும் விடுமுறை.!

Continues below advertisement

ஐந்து முனை போட்டி

இந்த இடைத்தேர்தலில் யாரும் எதிர்பாராத விதமாக ஐந்து முனை போட்டி நிலவி வருகிறது. ஆளும் தவெக, எதிர்க்கட்சியான திமுக, அதிமுக, நாம் தமிழர் கட்சி, கம்யூனிஸ்ட் கட்சிகள் களத்தில் உள்ளன. இதனால் தேர்தல் களம் சூடுபிடித்துள்ளதால் அரசியல் கட்சி தலைவர்கள் கடும் வெயிலையும் பொருட்படுத்தாமல் சூறாவளி பிரச்சாரத்தில் ஈடுபட்டுள்ளனர். 

பள்ளிகளுக்கு விடுமுறை

இந்நிலையில் இடைத்தேர்தலில் யார் வெற்றி பெறுவார்கள் என்று எதிர்பார்ப்பு நிலவி வரும் நிலையில் பள்ளி மாணவர்களுக்கு விடுமுறை தொடர்பான முக்கிய அறிவிப்பு வெளியாகியுள்ளது. அதன்படி வாக்குப்பதிவு மையங்களாக செயல்படும் அரசு மற்றும் அரசு உதவிபெறும் பள்ளிகளுக்கு அக்டோபர் 5 மற்றும் 6ம் தேதி இரண்டு நாட்கள் விடுமுறை அறிவிக்கப்பட்டுள்ளது. 

மேலும் மதுராந்தகம், தாராபுரம் ஆகிய இரண்டு தொகுதிகளில் உள்ள தனியார் பள்ளிகளுக்கு தேர்தல் நடைபெறும் அக்டோபர் 6ம் தேதி விடுமுறை அறிவிக்கப்பட்டுள்ளது. தேர்தல் நடைபெறும் நாளில் தனியார் நிறுவனங்களுக்கு விடுமுறை அறிவிக்கப்படுமா என்ற எதிர்பார்ப்பில் ஊழியர்கள் காத்திருக்கின்றனர்.