”எல்லோரும் ஒன்றிணைந்து குழந்தைகளை காப்போம்” - கல்வி கூடங்களில் பாலியல் வன்முறை குறித்து அண்ணாமலை ட்வீட்

சமூக நிறுவனங்களும், அரசு சாரா நிறுவனங்களும், ஆசிரியர்களும் குழந்தைகளுக்கு பாலியல் கொடுமைகள் குறித்தும், தொடுதல் குறித்தும் விழிப்புணர்வு ஏற்படுத்துவது அவசியமானது..

தமிழ்நாட்டில் பள்ளி குழந்தைகள் மீதான பாலியல் குற்றச்சாட்டுகள் அதிகரித்து வருவதைப் பார்க்கிறோம். ஆன்லைன் கல்வி பள்ளிக்கும் குழந்தைகளுக்குமான இடைவெளியை அதிகப்படுத்தியுள்ளது. குழந்தைகளின் நடவடிக்கைகளில் சோர்வும், இயல்புத்தன்மை குறைவும் ஏற்பட்டால் உடனடியாக அவர்களின் பெற்றோருக்கு தெரியப்படுத்துவது முக்கியமானது. முதலமைச்சருக்கும், பள்ளிக்கல்வித்துறை அமைச்சர் அன்பில் மகேஷ் பொய்யாமொழிக்கும் கோரிக்கை வைக்கிறேன். இதை அக்கறையும், பெரும் முனைப்புடனும் நாம் அனைவரும் சேர்ந்து சரிசெய்வது அவசியமானது என ட்வீட் செய்துள்ளார்

நேற்று மாங்காடு பகுதியில் 17-ஆம் வகுப்பு மாணவி பாலியல் தாக்குதல் குறித்து கடிதம் எழுதிவைத்து உயிரை மாய்த்துக்கொண்டது குறிப்பிடத்தக்கது.