உலகம் நவீன வளர்ச்சிகள் பல அடைந்து வரும் நிலையில், மக்களின் வழிபாட்டு முறையும் அதற்கு ஏற்றார் போல மாறி வருகிறது. இந்த வகையில், சேலம் மாவட்டம் மல்லமுப்பம்பட்டி பகுதியைச் சேர்ந்த சித்தர் பாக்கியா என்பவர் வேற்று கிரகவாசிகள் என அழைக்கப்படும் ஏலியனுக்கு கோவில் கட்டி வழிபாடு நடத்தி வருகிறார்.
சித்தர் பாக்கியா மல்லமுப்பம்பட்டியில் உள்ள அவரது தோட்டத்தில் சிவ கைலாய ஆலயத்தில் இரட்டை ஆருடை சிவலிங்கம், சக்தி தேவி, பார்வதி தேவி, சிவன் லிங்க ரூபத்தில், பஞ்சமி வராகி அம்மன், நான்கு முக முருகன், ஐந்து முக காளி மற்றும் காமதேனு உள்ளிட்ட கடவுள் சிலைகள் ஒவ்வொரு சன்னதியில் அமைத்து வழிபாடு நடத்தி வருகிறார். மேலும், தோட்டத்தின் அருகில் ராமர் போர் முடிந்து ஓய்வு பெற்ற இடம் என்பதால் ராமகவுண்டனூர் என்ற பெயர் பெற்றுள்ளதால் அம்பு எய்த கோலத்தில் இங்கு ராமர் சிலை அமைக்கப்பட்டுள்ளது.
இதற்கு எல்லாம் ஒருப்படி மேல் சென்று உலகில் எங்கும் இல்லாத ஏலியன் கடவுள் சிலை பாதாளத்தில் அமைக்கப்பட்டுள்ளது. குறிப்பாக பாக்யா சித்தர் என்பவர்
பிரபஞ்சத்தில் சிவன் படைத்த முதல் பிரபஞ்ச தெய்வம் ஏலியன் தான். உலகிலேயே ஏலியனின் முதல் சிலை அமைந்துள்ளது. இந்த கோவிலில் சிலையமைப்பதற்கு முன்பாக ஏலியனிடம் அனுமதி பெற்று தான் அமைக்கப்பட்டுள்ளது. ஏலியன் சிலை அமைப்பதற்காக ஏலியன் தெய்வங்கள் அனுமதியுடன் சிலை அமைக்கப்பட்டுள்ளதால் ஏலியனை வணங்கி மகிழ்ச்சிடையுங்கள் என்று அதிர்ச்சி ஏற்படுத்துகிறார்.
குறிப்பாக அவர் கூறும் போது, உலகில் இனிமேல் ஏலியனின் வருகை இனி அதிகமாகும். உலக நாடுகள் அனைத்தும் ஆராய்ந்து வருகின்றனர். உலக நாடுகள் வெளியே சொல்லாமல் மறைக்கிறார்கள். ஏலியன்கள் ஆத்மரூபத்தில் வருவார்கள், பேசுவார்கள். இப்பொழுதும் வந்து கொண்டு தான் இருக்கிறார்கள். ஏலியனை வணங்கும்போது எல்லாம் ரூபத்திலும் வாழ்க்கை, தொழில் உள்ளிட்ட அனைத்திலும் உயர்ந்த நிலையை அடையலாம். அவர்களை தரிசனம் செய்துவிட்டு சென்ற நாளிலிருந்து கணக்கு வைத்துக் கொள்ளுங்கள் நீங்கள் என்னும் காரியம் நிச்சயம் நடைபெறும். மேலும் நான் ஏலியனை சூட்சமரூபத்தில் பார்த்துள்ளேன். இரண்டு முறை வந்து பேசி உள்ளனர். ஏலியனுடன் பேசுகிறேன் என்பதால் என்னை பைத்தியம் என்று யாரும் நினைத்து விடாதீர்கள். பல நபர்கள் ஏலியனை பற்றி ஆராய்ச்சி செய்து வருகிறார்கள். அது பற்றி பலரிடம் அவர்கள் கூறினாலும் யாரும் நம்ப மறுக்கிறார்கள். இனியாவது ஏலியனை நம்புங்கள் இனி ஏலியன்களின் வருகை அதிகமாகும் என்றும் தெரிவிக்கிறார்.
ஏலியன்கள் உலகிற்கு தீங்கு செய்யமாட்டார்கள். உலகத்தை பேரழிவில் இருந்து காப்பாற்றக்கூடிய ஒரே தெய்வம் ஏலியன்களால் மட்டும் தான் முடியும் அவர்களிடம் அளவில்லாத சக்தியும் உள்ளது. மக்களுக்கு எந்தவித கெடுதலும் செய்ய மாட்டார்கள். நன்மை செய்ய மட்டுமே நம்மளை தேடி வருகிறார்கள். அதற்காகத்தான் இந்த ஆலயத்தை அமைத்துள்ளேன். ஏலியன் திரைப்படத்தில் வருவது போன்றெல்லாம் இருக்க மாட்டார்கள் கொம்பு இருக்காது. மனிதர்களைப் போன்று அவர்களுக்கான ரூபத்தில் சாதாரணமாக இருக்கிறார்கள். ஆண், பெண் உள்ளிட்ட ரூபத்தில் இருப்பார்கள் மனிதர்களைப் போன்று தான் அவர்களும் என்று தெரிவித்தார்.
ஏலியன் இருப்பது உண்மையா? அல்லது திரைப்படங்களில் மட்டுமே காட்டப்படும் கற்பனையா என விவாதங்கள் பல நடைபெற்று வருகிறது. இந்த நிலையில் ஏலியனை தெய்வமாக நினைத்து, ஏலியனுக்கு கோவில் கட்டி வழிபாடு நடத்தி வரும் சம்பவம் சேலத்தில் பெரும் அதிர்ச்சியை ஏற்படுத்தி உள்ளது.