CM Vijay Speech: ”ஆட்டம்போடலாம்னு நினைக்காதிங்க” முதல் நாளே அமைச்சர்களுக்கு வார்னிங் கொடுத்த CM விஜய்

CM Joseph Vijay First Speech: தமிழ்நாடு முதலமைச்சராக பதவியேற்ற மேடையிலேயே அமைச்சர்களுக்கு, விஜய் வெளிப்படையாக எச்சரிக்கை விடுத்துள்ளார்.

By : குலசேகரன் முனிரத்தினம் | Updated at : 10 May 2026 11:34 AM (IST)

Vijay First Speech As TN Chief Minister Warning to MLAs Cabinet Ministers CM Vijay Speech: ”ஆட்டம்போடலாம்னு நினைக்காதிங்க” முதல் நாளே அமைச்சர்களுக்கு வார்னிங் கொடுத்த CM விஜய்

முதலமைச்சர் விஜய்

Source : social media/x

அமைச்சர்களுக்கு முதலமைச்சர் விஜய் வார்னிங்

தமிழ்நாட்டில் வழக்கமாக முதலமைச்சராக பொறுப்பேற்பவர்கள் சட்டமன்றத்திற்கு சென்று, முக்கிய கோப்புகளில் கையொப்பமிடுவார்கள். அதற்கு மாறாக 200 யூனிட்கள் வரை இலவச மின்சார, பெண்கள் பாதுகாப்பு மற்று போதைபொருள் தொடர்பான குற்றங்களை தடுப்பது தொடர்பான மூன்று முக்கிய கோப்புகளில் விஜய் கையொப்பமிட்டார். அதனை தொடர்ந்து மாநில அரசின் நிதிநிலை தொடர்பான வெள்ளை அறிக்கை வெளியிடுவேன் எனவும் கூறினார். இதுபோக தமிழக வெற்றிக் கழகம் தொடர்பான பல்வேறு விமர்சனங்களுக்கும் மறைமுகமாக பதிலடி தந்துள்ளார். இறுதியாக மேடையிலேயே அமைச்சர்களுக்கும் சில எச்சரிக்கைகளை முதலமைச்சர் விஜய் விடுத்துள்ளார்.

”ஆட்டம் போடலாம் என நினைக்காதீர்கள்” - விஜய் எச்சரிக்கை

தொடர்ந்து பேசுகையில், மக்கள் பணத்திலிருந்து ஒரு பைசா கூட நான் தொடமாட்டேன். எனக்கு அதில் அவசியமும் இல்லை. இந்த விஜய் தப்பு பண்ணமாட்டான். தப்பு செய்யவும் விடமாட்டான். அது யாராக இருந்தாலும் சரி. என்னுடைய அரசாங்கத்தில் , என்னுடனே இருப்பவர்களானலும் சரி விடமாட்டேன். ஒருவேளை யாருக்கேனும் அப்படி ஒரு எண்ணம் இருந்தால், வெற்றி பெற்றுவிட்டோம். ஒரு ஆட்டாம் ஆடி பார்க்கலாம் என்ற எண்ணம் இருந்தால், இந்த நிமிடமே அந்த எண்ணத்தை துடைத்து எறிந்துவிடுங்கள்.

ஒரே செண்டர் தான் - விஜய்

இங்கு ஒரே மையம் தான். என் தலைமையிலான மையம் தான். அங்கு ஒரு பவர் செண்டர், இங்கு ஒரு பவர் செண்டர் என்பது எல்லாம் கிடையாது என்பதை இப்போதே சொல்கிறேன். பெண்கள், இளைஞர்கள், விவசாயிகள், அரசு ஊழியர்கள், ஆசியர்கள், மீனவர்கள் மற்றும் உழைக்கும் மக்கள் அனைவருமே தவெக அரசில் நன்றாக இருப்போம். பிறப்பொக்கும் எல்லா உயிர்க்கும் என்பது அடிப்படை கோட்பாடு. சிறுபான்மை சகோதரர்களே உங்களுடன் தவெக அரசு எப்போதுமே உடன் நிற்கும். அதில் எந்தவிதமான சந்தேகமும் வேண்டாம். இந்து, முஸ்லீம், கிறிஸ்துவர்களுக்கான முகம் தான் விஜயின் முகம். அதில் 100 சதவிகிதம் விஜயை நம்பலாம்” என முதலமைச்சர் விஜய் தனது முதல் நாள் உரையில் தெரிவித்துள்ளார்.

About the author குலசேகரன் முனிரத்தினம்

Enthusiastic Journalist Kulasekaran Munirathnam, who has worked in leading news organizations, has 8 years of experience in the media industry. He entered the media industry on his own volition after completing his studies in Mechanical Engineering. He researches and provides accurate and detailed updated news on automobiles, which play a vital role in people's daily commute, financial advice for future savings, and infrastructure for development. In addition, he brings information related to politics and international events to the public through news. He works as an Associate Producer on the ABP NADU Tamil website.