TVK Ricky Rathan Pandit : முதலமைச்சர் விஜய்யின் சிறப்பு அதிகாரியாக ரிக்கி ராதன் பண்டிட் நியமனம்.! யார் இவர் தெரியுமா.?

TVK Ricky Rathan Pandit : தமிழக முதலமைச்சர் விஜய்யின் அரசியல் பிரிவு தனி அலுவலராக  ஜோதிடர் ரிக்கி ராதன் பண்டிட் வெற்றிவேல் நியமிக்கப்பட்டுள்ளார். யார் இவர் என்பதை தற்போது பார்க்கலாம்.

TVK Ricky Rathan Pandit

Source : social media

தமிழக முதலமைச்சராக விஜய்

தமிழக சட்டமன்ற தேர்தலில் 108 தொகுதிகளில் வெற்றி பெற்று தனிப்பெரும் கட்சியாக தவெக உருவெடுத்துள்ள நிலையில், திமுகவின் கூட்டணி கட்சிகளின் ஆதரவோடு முதலமைச்சராக பொறுப்பேற்றுள்ளார் விஜய், இதனையடுத்து முதலமைச்சர் விஜய் 200 யூனிட் மின்சாரம் இலவசம், பெண்கள் பாதுகாப்பு, பொதைப்பொருட்கள் ஒழிப்பு உள்ளிட்ட பல்வேறு அறிவிப்புகளையும் வெளியிட்டார். பதவியேற்ற பிறகு தலைமைச்செயலகம் வந்த முதலமைச்சர் விஜய் முக்கிய கோப்புகளை பார்வையிட்டு அரசு அதிகாரிகளுக்கு முக்கிய உத்தரவுகளை வெளியிட்டார். இதனையடுத்து முதலமைச்சர் விஜய் தனது முதன்மைச் செயலாளராக மூத்த ஐ.ஏ.எஸ் அதிகாரி பி. செந்தில்குமாரையும், முதலமைச்சரின் செயலாளர்-II (Secretary-II) ஜி. லட்சுமி பிரியா ஐ.ஏ.எஸ் நியமிக்கப்பட்டார்.

புதிய அரசு அதிகாரிகள் நியமனம்

இதனையடுத்து புதிய அரசு பொறுப்பேற்றுள்ள நிலையில், முக்கிய அரசு அதிகாரிகள் மாற்றப்பட்டு நியமிக்கப்பட்டு வரும் நிலையில், தமிழக முதலமைச்சர் விஜய் அரசியல் பிரிவு தனி அலுவலராக  ரிக்கி ராதன் பண்டிட் வெற்றிவேல் நியமிக்கப்பட்டுள்ளார். இதற்கான அதிகாரப்பூர்வ அரசாணையை தமிழக அரசு வெளியிட்டுள்ளது. இவருக்கான பணிகள் என்ன தொடர்பான விவரங்கள் விரைவில் வெளியிடப்படும் என தமிழக அரசு அந்த அறிவிப்பில் குறிப்பிட்டுள்ளது.இதனிடையே யார் இந்த ரிக்கி ராதன் பண்டிட் என்பதை தற்போது பார்க்கலாம். ரிக்கி ராதன் பண்டிட், மிகவும் பிரபலமான மற்றும் அரசியல் ஜோதிடர்களில் ஒருவர் ஆவார்.  வேத ஜோதிடம், எண் கணிதம் மற்றும் தியான அடிப்படையிலான வழிகாட்டுதலில் 40 ஆண்டுகளுக்கும் மேலான அனுபவம் பெற்றவராக உள்ளார்.

சிறப்பு அதிகாரியாக ரிக்கி ராதன் பண்டிட்

முன்னாள் முதலமைச்சர் மறைந்த ஜெ. ஜெயலலிதாவுக்கு ஆன்மீக வழிகாட்டியாக இருந்ததாக ராதன் பண்டிட் இருந்நதாக கூறப்படுகிறது. 1991-ஆம் ஆண்டு சட்டமன்ற தேர்தலில் அதிமுக பெரிய அளவில் வெற்றி பெற்று ஜெயலலிதா தலைமையில் ஆட்சி அமைக்கும் என கணித்திருந்தார். மேலும் 1994ஆம் ஆண்டு ஒரு கடினமான காலகட்டம் ஜெயலலிதாவிற்கு தொடங்கும் என்று ராதன் பண்டிட் எச்சரித்ததாகக் கூறப்படுகிறது. இதனையடுத்து தொழில் ரீதியாக 2008-ல்  ராதன் பண்டிட்டெல்லிக்குக் குடிபெயர்ந்துள்ளார். முன்னதாக  பண்டிட் வெற்றிவேல் என்ற பெயரில் அழைக்கப்பட்டவர் தனது பெயரை ரிக்கி ராதன் பண்டிட் என்று மாற்றிக்கொண்டார். 

யார் இந்த ரிக்கி ராதன் பண்டிட்

இந்த நிலையில் தவெக தலைவர் விஜய்யின் தீவிர ஆதரவாளராக இருந்தவரை தவெக செய்தி தொடர்பாளராகவும் விஜய் நியமித்திருந்தார். இதனையடுத்து தமிழகத்தில் 150க்கும் மேற்பட்ட இடங்களில் தவெக வெற்றி பெற்று விஜய் முதலமைச்சராவார் என்று ரிக்கி ராதன் பண்டிட்  கணித்தார்.விஜய்யின் ஜாதகம் அசாதாரணமான “சுனாமி போன்ற” வலிமை  ஜாதகத்தில் இருப்பதாக குறிப்பிட்டது சமூகவலைதளங்களில் வைரலானது. இந்த நிலையில் தற்போது தமிழக முதலமைச்சர் விஜய் அரசியல் பிரிவு தனி அலுவலராக  ரிக்கி ராதன் பண்டிட் வெற்றிவேல் நியமிக்கப்பட்டுள்ளார்.