Raghava Lawrence: ’’அம்மாவின் ஆசியுடன்…‘’ திருச்சி கிழக்கில் போட்டியா? ராகவா லாரன்ஸ் முக்கிய அறிவிப்பு!

Raghava Lawrence: என்னுடைய அம்மாவின் ஆசியுடன் 11ஆம் தேதி வியாழக்கிழமை அன்று காலை 9.30 மணிக்கு என் வாழ்க்கையில் முக்கிய அறிவிப்பை வெளியிட உள்ளேன்- ராகவா லாரன்ஸ்.

ராகவா லாரன்ஸ், விஜய்

Source : சிறப்பு ஏற்பாடு

திருச்சி கிழக்கு இடைத்தேர்தலில் நடிகரும் சமூக சேவகருமான ராகவா லாரன்ஸ் தவெக சார்பில் போட்டியிடுவதாகத் தொடர்ந்து செய்திகள் கசிந்த நிலையில், இதுகுறித்த முக்கிய அறிவிப்பை அவரே வெளியிட்டுள்ளார்.

இதுபற்றி ராகவா லாரன்ஸ் வெளியிட்டுள்ள எக்ஸ் பதிவில், ’’திருச்சி கிழக்கு தொகுதியில் நான் போட்டியிடுவதாக பல்வேறு செய்தி நிறுவனங்களில் தகவல் வெளியாகி வருகிறது.

பேச வேண்டிய நேரம் வந்துவிட்டது

என்னுடைய பல்வேறு ஊடக நண்பர்கள் இதுதொடர்பாக தொலைபேசியில் என்னை அழைத்துப் பேசுகிறார்கள். நேரில் சந்திக்க அனுமதி கோருகிறார்கள். இதுகுறித்து நான் பேச வேண்டிய நேரம் வந்துவிட்டது.

தற்போது பென்ஸ் திரைப்படத்தின் படப்பிடிப்பில் பிஸியாக இருக்கிறேன். 10ஆம் தேதியோடு என்னுடைய ஷெட்யூல் முடிவடைகிறது.

Hi everyone, News about me contesting in Trichy East election has been circulating across various media platforms.

All my Media friends have been reaching out to me over phone and requesting to meet me asking for clarification. Since the speculation has grown to a point where I… pic.twitter.com/68ZyN6P0l9

— Raghava Lawrence (@offl_Lawrence) June 7, 2026

என்னுடைய அம்மாவின் ஆசியுடன் 11ஆம் தேதி வியாழக்கிழமை அன்று காலை 9.30 மணிக்கு என் வாழ்க்கையில் முக்கிய அறிவிப்பை வெளியிட உள்ளேன்’’ என்று பதிவிட்டுள்ளார்.

இதன் மூலம் திருச்சி கிழக்கு இடைத்தேர்தலில் தவெக சார்பில் ராகவா லாரன்ஸ் போட்டியிட உள்ளது ஏறத்தாழ உறுதியாகி உள்ளது.

ராகவா லாரன்ஸ்

நடிகரும் நடன இயக்குநருமான ராகவா லாரன்ஸ் சினிமா துறையில் இருந்தாலும் நீண்ட காலமாகவே தேவையுள்ள மக்களுக்கு உதவி வருகிறார். ஏழை, எளிய மாணவர்களின் கல்விச் செலவு மற்றும் மருத்துவ உதவிகளைச் செய்து வருகிறார்.

அதேபோல  மாற்றுத்திறனாளிகளுக்காக இலவச தங்கும் விடுதியை நடத்தி, அவர்களைக் கலை மற்றும் விளையாட்டுத் துறைகளில் ஊக்குவித்து வருகிறார்.

'சேவையே கடவுள்' அறக்கட்டளையைத் தொடங்கி 'மாற்றம்' என்ற பெயரில் விவசாயிகளுக்கு பல்வேறு உதவிகளையும் ராகவா லாரன்ஸ் செய்து வருகிறார்.

திருச்சி கிழக்கில் இடைத் தேர்தல்

தமிழ்நாட்டில் 2026ஆம் ஆண்டு சட்டப்பேரவைத் தேர்தலில் தவெக தலைவரும் முதலமைச்சருமான விஜய் பெரம்பூர், திருச்சி கிழக்கு ஆகிய 2 தொகுதிகளில் போட்டியிட்டார். இரண்டிலுமே அவர் வெற்றி பெற்ற நிலையில் திருச்சி கிழக்கு தொகுதியை அவர் ராஜினாமா செய்தார். தொடர்ந்து அங்கு இடைத்தேர்தல் நடைபெற உள்ளது குறிப்பிடத்தக்கது.