சம்பவம் செய்ய காத்திருக்கும் திமுக... தமிழகமே திரும்பி பார்க்கும் விருதுநகர்- என்ன சொல்லப்போகிறார் ஸ்டாலின்.?

South Zone DMK conference: திமுகவின் தென் மண்டல மாநாட்டில் கெத்து காட்ட தயாராகி வருகிறது இளைஞர் அணியினர். இந்த பிரம்மாண்ட மாநாட்டில் சட்டமன்ற தேர்தல் தொடர்பாக முக்கிய அறிவிப்பை ஸ்டாலின் வெளியிட இருப்பதாக தகவல் வெளியாகியுள்ளது.

South Zone DMK conference

Source : social media

அசுர பலத்தில் தேர்தலை எதிர்கொள்ளும் திமுக

தமிழக சட்டமன்ற தேர்தல் நெருங்கி வரும் நிலையில், தேர்தல் பணிகளை அரசியல் கட்சிகள் ஏற்கனவே தொடங்கியுள்ளது. அந்த வகையில் ஆளுங்கட்சியான திமுக பலம் வாய்ந்த கூட்டணியோடு அசுர பலத்தில் தேர்தலை எதிர்கொள்கிறது. இந்த நிலையில் திமுகவின் முக்கிய பலமாக இருப்பது இளைஞர் அணி தான். இளைஞர் அணியில் சுமார் 5 லட்சம் நிர்வாகிகள் நியமிக்கப்பட்டுள்ளனர். இந்த நிலையில் திமுக இளைஞரணியின் தென்மண்டல இளைஞரணி மாநாடு விருதுநகர் மாவட்டத்தில், காரியாபட்டி அருகே உள்ள கல்குறிச்சி என்ற இடத்தில் இன்று நடைபெறவுள்ளது. சுமார் 300 ஏக்கர் பரப்பளவில் பிரம்மாண்டமாக மாநாட்டு அரங்கம் அமைக்கப்பட்டுள்ளது. 

கெத்து காட்ட தயாராகும் திமுக இளைஞர்கள்

திமுக தென் மண்டலத்தில் திண்டுக்கல் முதல் கன்னியாகுமரி வரை உள்ள 10 வருவாய் மாவட்டங்கள் உள்ளது. மதுரை, தேனி, திண்டுக்கல், விருதுநகர், தூத்துக்குடி, நெல்லை, தென்காசி, கன்னியாகுமரி, புதுக்கோட்டை, சிவகங்கை, ராமநாதபுரம் உள்ளிட்ட 10-க்கும் மேற்பட்ட மாவட்டங்களை சேர்ந்த திமுகவினர் கலந்து கொள்ளவுள்ளனர். ஒன்றியம், நகரம், பகுதி,கிளை, வார்டு, பூத் அளவிலான அனைத்து நிலையில் உள்ள நிர்வாகிகளுக்கும் இளைஞரணி அடையாள அட்டைகள் வழங்கப்பட்டுள்ளன.

மேலும் இந்த மாநாட்டில் ஒரு லட்சத்திற்கும் மேற்பட்ட இளைஞர்கள்கள் திமுகவினர் பங்கேற்கவுள்ளனர். இதற்கான ஏற்பாடும் செய்யப்பட்டுள்ளது. பிரம்மாண்டமாக அமைக்கப்பட்டுள்ள மேடையில் முதலமைச்சரும், திமுக தலைவருமான ஸ்டாலின், துணை முதலமைச்சரும் இளைஞர் அணி செயலாளருமான உதயநிதி ஸ்டாலின் உள்ளிட்ட திமுக மாநில மற்றும் மாவட்ட செயலாளர்கள் பங்கேற்கவுள்ளனர். இளைஞர் அணி மாநாட்டுக்கு வரும் அனைவருக்கும் பிஸ்கெட், ஜூஸ், தண்ணீர் பாட்டில்களை கொண்ட சிற்றுண்டியும் தயார் செய்யப்பட்டு அனைத்து நாற்காழியிலும் வைக்கப்பட்டுள்ளது

தயார் நிலையில் விருதுநகர் மாநாடு

மேலும் அரசின் வழிமுறைக்கு ஏற்ப மாநாட்டில் பங்கேற்கும் நபர்களுக்கு குடிநீர் வசதி, உணவு, கழிப்பறை, வாகன வசதி, மின்விளக்கு உள்ளிட்ட அனைத்து வசதிகளும் ஏற்பாடு செய்யப்பட்டுள்ளன. இது மட்டுமில்லாமல் மருத்துவ குழுவினரும் தயார்படுத்தப்பட்டுள்ளனர். இன்னும் இரண்டு மாதங்களில் சட்டமன்ற தேர்தல் நடைபெறவுள்ளது. இந்த தேர்தலில் திமுகவின் பலத்தை காட்டும் வகையில் இந்த மாநாடு பார்க்கப்பட்டுகிறது.

முக்கிய அறிவிப்புகளை வெளியிடும் ஸ்டாலின்

இந்த மாநாட்டில் தேர்தலை எதிர்கொள்ளும் வகையில் திமுகவின் திட்டங்கள் தொடர்பாக திமுக தலைவர் ஸ்டாலின் முக்கிய அறிவிப்புகளையும், ஆலோசனைகளையும் வழங்குவார் என எதிர்பார்க்கபடுகிறது. அந்த வகையில் திமுக கூட்டணியில் காங்கிரஸ் இடம்பெறுமா.? என்ற கேள்வி எழுந்துள்ள நிலையில் இதற்கான விடை இன்றைய மாநாட்டில் தெரியவரும் என திமுக தலைமை நிர்வாகிகள் தெரிவித்துள்ளனர்.