Congress: திமுக இல்லனா காங்கிரஸ் அவ்ளோதானா? தேர்தல் வரலாறுகள் சொல்வது என்ன? முழு அலசல்

திமுக கூட்டணியில் இணைந்து காங்கிரஸ் இதுவரை எதிர்கொண்ட தேர்தலில் பெற்ற அவர்களின் வெற்றி சதவீதம் எப்படி இருந்துள்ளது? என்பதை கீழே காணலாம்.

ராகுல்காந்தி - மு.க.ஸ்டாலின்

Source : twitter

தமிழ்நாட்டில் சட்டமன்ற தேர்தல் நெருங்கும் வேளையில், ஆளுங்கட்சியான திமுக ஆட்சியை மீண்டும் கைப்பற்ற ஆர்வம் காட்டி வருகிறது. ஆனால், ஆளுங்கட்சியான திமுக இதுவரை எந்த கட்சியுடனும் தொகுதிப் பங்கீட்டை இறுதி செய்யவில்லை. 

தமிழ்நாட்டில் காங்கிரஸ் எப்படி?

இந்த நிலையில், காங்கிரஸ் கட்சி இதுவரை திமுக-வுடனான கூட்டணியில் இணைந்து போட்டியிட்ட தேர்தல்களில் கிடைத்த வெற்றிகள், வாக்கு சதவீதங்கள், வாக்குகள் குறித்து கீழே விரிவாக காணலாம். இந்த தரவுகள் 2004 மக்களவைத் தேர்தல் முதல் உள்ளது. தனியார் ஆங்கில நாளிதழில் இந்த தரவுகளை வெளியிட்டுள்ளனர். 

தேர்தல்	கட்சி	போட்டியிட்ட தொகுதிகள்	வெற்றி பெற்ற தொகுதிகள்	பெற்ற வாக்குகள்	வாக்கு சதவீதம்	போட்டியிட்ட தொகுதிகளி்ல் வாக்கு சதவீதம்
2004 மக்களவைத் தேர்தல்	திமுக	16	16	70 லட்சத்து 64 ஆயிரத்து 393	24.6	58.3
"	காங்கிரஸ்	10	10	41 லட்சத்து 34 ஆயிரத்து 255	14.4	59.2
2006 சட்டமன்ற தேர்தல்	திமுக	132	96	87 லட்சத்து 28 ஆயிரத்து 716	26.46	45.99
"	காங்கிரஸ்	48	34	27 லட்சத்து 65 ஆயிரத்து 768	8.38	43.5
2009 மக்களவைத் தேர்தல்	திமுக	22	18	76 லட்சத்து 25 ஆயிரத்து 397	25.1	44.9
"	காங்கிரஸ்	15	8	45 லட்சத்து 67 ஆயிரத்து 799	15.03	38.9
2011 சட்டமன்ற தேர்தல்	திமுக	124	23	82 லட்சத்து 49 ஆயிரத்து 991	22.39	42.2
"	காங்கிரஸ்	63	5	34 லட்சத்து 26 ஆயிரத்து 432	9.3	35.73
2016 சட்டமன்ற தேர்தல்	திமுக	180	88	1 கோடியே 36 லட்சத்து 69 ஆயிரத்து 116	31.64	41.06
"	காங்கிரஸ்	41	8	27 லட்சத்து 74 லட்சத்து 075	6.42	36.74
2019 மக்களவைத் தேர்தல்	திமுக	24	24	1 கோடியே 42 லட்சத்து 74 ஆயிரத்து 862	33.05	58.95
"	காங்கிரஸ்	9	8	53 லட்சத்து 73 ஆயிரத்து 145	12.44	52.71
2021 சட்டமன்ற தேர்தல்	திமுக	188	133	1 கோடியே 74 லட்சத்து 30 ஆயிரத்து 179	37.7	46.45
"	காங்கிரஸ்	25	18	19 லட்சத்து 76 ஆயிரத்து 527	4.27	41.36
2024 மக்களவைத் தேர்தல்	திமுக	22	22	1 கோடியே 17 லட்சத்து 54 ஆயிரத்து 710	27.21	47.2
"	காங்கிரஸ்	9	9	46 லட்சத்து 59 ஆயிரத்து 734	10.78	46.4

திமுக-வுடன் இணைந்து போட்டியிட்ட காரணத்தாலே காங்கிரஸின் வாக்கு சதவீதம் இந்தளவு இருப்பதாக திமுக ஆதரவாளர்கள் பலரும் கருத்து தெரிவித்து வருகின்றனர். 

தனித்துப் போட்டியிட்டால் நிலை என்ன?

2014 மக்களவைத் தேர்தலில் காங்கிரஸ் தனித்து போட்டியிட்டனர். அந்த தேர்தலில் 39 தொகுதிகளிலும் தமிழ்நாட்டில் தனித்து போட்டியிட்ட காங்கிரஸ் அனைத்து தொகுதிகளிலும் படுதோல்வி அடைந்தது. மொத்தமாக அந்த தேர்தலில் 4.31 சதவீதம் வாக்குகளே பெற்றனர். தென் தமிழகத்தில் மட்டுமே 8.2 சதவீதம் வாக்குகளை கைப்பற்றினர்.  கன்னியாகுமரியில் மட்டும் அதிகபட்சமாக 2வது இடத்தைப் பிடித்தனர்.