MK STALIN : 2,500 ரூபாய்னு சொல்லிட்டு, ரூ.1000 கூட தராம இழுத்தடிக்கிறதுதான் உங்க மாற்றமா? விஜய்யை சீண்டும் ஸ்டாலின்

MK STALIN Magalir Urimai Thogai : மாசம் 2,500 ரூபாய்னு சொல்லிட்டு, ஆயிரம் ரூபாய கூட தராம இழுத்தடிக்கிறதுதான் உங்க மாற்றமா? என முதலமைச்சர் விஜய்க்கு திமுக தலைவர் ஸ்டாலின் கேள்வி எழுப்பியுள்ளார்.

STALIN VS VIJAY

Source : social media

மகளிர் உரிமை தொகை எப்போது வழங்கப்படும் .?

தமிழக சட்டமன்ற தேர்தலில் ஆளுங்கட்சியாக இருந்த திமுக தோல்வி அடைந்துள்ளது. 108 தொகுதிகளில் வெற்றிபெற்று தனிப்பெரும் கட்சியாக தவெக உருவெடுத்துள்ளது. இதனையடுத்து காங்கிரஸ், கம்யூனிஸ்ட், விடுதலை சிறுத்தைகள், முஸ்லிம் லீக் ஆகிய கட்சிகளின் உதவியோடு ஆட்சியை பிடித்தார். இந்த நிலையில் கடந்த திமுக ஆட்சி காலத்தில் செயல்படுத்தப்பட்ட மகளிர் உரிமை தொகை, கல்லூரி மாணவர்களுக்கான 1000 ரூபாய் உதவித்தொகை திட்டம் செயல்படுத்தப்படுமா.? என்ற கேள்வி எழுந்தது. அதே நேரம் தவெகவின் தேர்தல் வாக்குறுதியாக மகளிர்களுக்கு மாதம் 2500 ரூபாய் வழங்கப்படும் என்ற அறிவிப்பும் இடம்பெற்றிருந்தது.

விரைவில் மகளிர்களுக்கு 1000 ரூபாய்- முதலமைச்சர்

இந்த நிலையில் முதலமைச்சர் விஜய் மகளிர் உரிமை தொகை தொடர்பாக என்ன முடிவெடுக்கப்போகிறார் என்ற எதிர்பார்ப்பு எழுந்திருந்தது. அந்த வகையில் இன்று காலை முதலமைச்சர் வெளியிட்டிருந்த அறிவிப்பில், பெண்களுக்கு மாதந்தோறும் ரூ.1000/- உரிமைத்தொகையாக வழங்கப்பட்டு வரும் கலைஞர் மகளிர் உரிமைத்தொகைத் திட்டத்தினை மறுசீரமைப்பு செய்ய அரசுக்கு உரிய கால அவகாசம் தேவைப்படுவதாக தெரிவித்துள்ளவர், மே 2026 மாதத்திற்கான கலைஞர் மகளிர் உரிமைத் தொகை, பயனாளிகளின் வங்கிக் கணக்கில் விரைவில் நேரடியாக வரவு வைக்கப்படும் என கூறியிருந்தார். 

இழுத்தடிப்பது தான் உங்கள் மாற்றமா.?

இந்த நிலையில் இதற்கு பதிலடி கொடுக்கும் வகையில், திமுக தலைவர் ஸ்டாலின் வெளியிட்டுள்ள சமூகவலைதள பதிவில், முதலமைச்சர் அவர்களே, மே மாசத்துக்கான கலைஞர் மகளிர் உரிமைத் தொகையை 15-ஆம் தேதி வரவு வைக்கணும். ஏற்கனவே உள்ள திட்டத்தைத் தொடர இப்ப எதுக்கு அவகாசம்? என்ன மறுசீரமைப்பு பண்ண போறீங்க? திராவிட மாடல் அரசின் மக்கள் நலத் திட்டங்கள் தொடரும்னு நேத்துதான சட்டப்பேரவையிலயே சொன்னீங்க? மாசம் 2,500 ரூபாய்னு சொல்லிட்டு, ஆயிரம் ரூபாய கூட தராம இழுத்தடிக்கிறதுதான் உங்க மாற்றமா? என ஸ்டாலின் கேள்வி எழுப்பியுள்ளார்.