தாட்கோ வழங்கும் AI பயிற்சி: ஆதிதிராவிடர், பழங்குடியின இளைஞர்களுக்கு வேலைவாய்ப்பு.. விண்ணப்பிக்க உடனே அணுகவும்!

ஆதிதிராவிடர் மற்றும் பழங்குடியின இனத்தை சார்ந்தவராகவும், 18 முதல் 30 வயதிற்குட்பட்டவராகவும், குடும்ப  ஆண்டு வருமானம் ரூ.3.00 இலட்சத்திற்கு மிகாமலும் இருத்தல் வேண்டும். 

சிவகங்கை மாவட்ட ஆட்சியர்

Source : whatsapp

ஆதிதிராவிடர் மற்றும் பழங்குடியின இனத்தைச்  சார்ந்த  இளைஞர்கள், அமேசான் வலை சேவைகள் மறு தொடக்கம்  – செயற்கை நுண்ணறிவு (Amazon Web  Services  re/Start – AI Programmer)  பயிற்சியினை பெறுவதற்கு,  www.tahdco.com  என்ற இணையதளத்தின் வாயிலாக விண்ணப்பிக்கலாம் - மாவட்ட ஆட்சித்தலைவர் கா.பொற்கொடி தகவல்.

செயற்கை நுண்ணறிவு (Amazon Web Services re/Start – AI Programmer) பயிற்சி

 

தமிழ்நாடு ஆதிதிராவிடர் வீட்டு வசதி  மற்றும் மேம்பாட்டுக் கழகம் (தாட்கோ)  சார்பில், ஆதிதிராவிடர் மற்றும் பழங்குடியின இளைஞர்களுக்கு பல்வேறு திறன் அடிப்படையிலான பயிற்சிகள் வழங்கப்பட்டு வருகிறது. அந்தவகையில், தற்போது ஆதிதிராவிடர் மற்றும் பழங்குடியின இளைஞர்களுக்கு அமேசான் வலை சேவைகள் மறு தொடக்கம் – செயற்கை நுண்ணறிவு (Amazon Web Services re/Start – AI Programmer)  பயிற்சி வழங்கப்படவுள்ளது.   இப்பயிற்சியினை பெறுவதற்கு, ஆதிதிராவிடர் மற்றும் பழங்குடியின இனத்தை சார்ந்தவராகவும், 18 முதல் 30 வயதிற்குட்பட்டவராகவும், குடும்ப  ஆண்டு வருமானம் ரூ.3.00 இலட்சத்திற்கு மிகாமலும் இருத்தல் வேண்டும்.   ஏதேனும்  பட்டப்படிப்பு  முடித்த இளைஞர்கள் இப்பயிற்சியினை பெறுவதற்கு விண்ணப்பிக்கலாம். 

 

செலவினத்தொகை தாட்கோ சார்பில் வழங்கப்படும்

 

மேலும், இப்பயிற்சியினை முழுமையாக நிறைவு செய்யும் இளைஞர்களுக்கு, சான்றிதழ் மற்றும் வேலை வாய்ப்பிற்கு வழிவகை செய்யப்படும். இப்பயிற்சிக்கான, இரண்டு மாத கால அளவு, விடுதியில் தங்கி படிப்பதற்கான செலவினத்தொகை மற்றும் உணவு ஆகியவைகளுக்கான செலவினத்தொகை தாட்கோ சார்பில் வழங்கப்படும். எனவே,  குறிப்பிட்டுள்ள பயிற்சிகளை பெற விரும்பும் ஆதிதிராவிடர் மற்றும் பழங்குடியின இனத்தைச் சார்ந்த இளைஞர்கள் தாட்கோ இணையதளமான www.tahdco.com என்ற  இணையதள முகவரியின் வாயிலாக விண்ணப்பித்து பயன்பெறலாம் என மாவட்ட ஆட்சித்தலைவர் கா.பொற்கொடி, தெரிவித்துள்ளார்.                                                                                                

இதையும் படிக்க

காங்கிரஸ் கூட்டணி உறுதி செய்யப்படவில்லையா..? செய்தியாளர்களுக்கு உதயநிதி என்ன பதில் குடுத்தார் தெரியுமா?

மது அருந்திய பின் ஏற்படும் தலைவலி, குமட்டல்! ஹேங்ஓவர் காரணங்களும் தீர்வும்