madurai

பிஎம்கிசான் நிதி பெற ஆதார், e-KYC கட்டாயம்! சிவகங்கை விவசாயிகளுக்கு முக்கிய அறிவிப்பு!

அருண் சின்னதுரை — Tue, 6 Oct 2026 23:46:11 +0530

சிவகங்கை மாவட்டம் ஆதார் எண்ணை வங்கிக் கணக்கோடு இணைத்தல் மற்றும் e-KYC பதிவு செய்யாத விவசாயிகள்,

வருகின்ற 31.10.2026 அன்று வரை பிஎம்கிசான் நிதி நிறைவுறல் முகாம்கள் அனைத்து கிராமங்களிலும் நடைபெற உள்ளது -

அனைத்து விவசாயிகளும் தாமாக முன் வந்து பதிவு செய்து கொள்ள வேண்டும்

மாவட்ட ஆட்சித்தலைவர் தகவல்.

பிஎம்கிசான் நிறைவுறல் முகாம்கள்

சிவகங்கை மாவட்டத்தில் தற்சமயம் முதல் வருகின்ற 31.10.2026 வரை பிஎம்கிசான் நிறைவுறல் முகாம்கள் அனைத்து கிராமங்களிலும் நடைபெற உள்ளது. வேளாண்மைத்துறை, தோட்டக்கலைத்துறை, வேளாண்மை விற்பனை மற்றும் வேளாண் வணிகத்துறை அலுவலர்கள் இதனை ஏற்பாடு செய்துள்ளனர். விவசாயிகள் அனைவரும் இந்த கௌரவ நிதித் தொகை பெறுவதில் ஏதேனும் சிக்கல்கள் இருப்பின் உங்கள் பகுதி உதவி வேளாண்மை மற்றும் தோட்டக்கலை அலுவலர்களைத் தொடர்பு கொண்டு தங்களது கிராமத்தில் முகாம்கள் நடைபெறும் நாட்கள் அறிந்து தங்களது ஆவணங்களின் நகல்களை எடுத்துச் சென்று தங்களது ஐயங்களை நிவர்த்தி செய்து கொள்ள வேண்டும். சிவகங்கை மாவட்டத்தில் வங்கி எண்ணுடன் ஆதார் எண்ணை இணைக்காதவர்கள் 1864 பேர்கள் ஆவர், e-KYC செய்யாதவர்கள் 2446 பேர்கள் ஆவர். இவை இரண்டும் செய்யாதவர்கள் 447 பேர்கள் ஆவர்.

தாமாக முன் வந்து செய்து தடங்கலின்றி ஊக்கத் தொகையை பெற வேண்டும்

மேலும், அனைத்து விவசாயிகளும் ஆதார் எண் இணைத்தால் மற்றும் e-KYC செய்தல் போன்ற நிகழ்வுகளில் தாமாக முன் வந்து செய்து தடங்கலின்றி ஊக்கத் தொகையை பெற வேண்டும் என மாவட்ட ஆட்சித்தலைவர் திரு.ப.ஆகாஷ்,இ.ஆ.ப.,அவர்கள் தெரிவித்துள்ளார்.

சிவகாசி - திருத்தங்கல் ரயில்வே மேம்பாலம்: மக்கள் பயன்பாட்டிற்கு விரைந்து கொண்டுவர பணிகள் தீவுரம் !

அருண் சின்னதுரை — Tue, 6 Oct 2026 23:30:16 +0530

தொழில், முதலீட்டு ஊக்குவிப்பு மற்றும் வர்த்தகத்துறை அமைச்சர் ச.கீர்த்தனா, விருதுநகர் மாவட்டம், சிவகாசி - திருத்தங்கலில் புதிய இரயில்வே மேம்பாலம் கட்டும் பணிகள் நடைபெற்று வருவதை மாவட்ட ஆட்சித்தலைவர் ஷரண்யா அறி, தலைமையில் இன்று(18.01.2026) பார்வையிட்டு ஆய்வு மேற்கொண்டார்.

இந்த ஆய்வின் போது மாண்புமிகு தொழில், முதலீட்டு ஊக்குவிப்பு மற்றும் வர்த்தகத்துறை அமைச்சர் செல்வி ச.கீர்த்தனா அவர்கள் தெரிவித்ததாவது:

தமிழ்நாடு முதலமைச்சர் அவர்களின் வழிகாட்டுதலின்படி, பொதுமக்களின் பாதுகாப்பான மற்றும் சீரான போக்குவரத்தை உறுதி செய்வதற்காக தமிழ்நாடு அரசு பல்வேறு நடவடிக்கைகளை மேற்கொண்டு வருகிறது. குறிப்பாக, நகர்ப்புறங்கள் மற்றும் முக்கிய சாலைகளில் அதிகரித்து வரும் வாகனப் போக்குவரத்தை கருத்தில் கொண்டு, போக்குவரத்து நெரிசலை குறைப்பதற்கான பல்வேறு உள்கட்டமைப்பு மேம்பாட்டு பணிகள் மேற்கொள்ளப்பட்டு வருகின்றன.

சிவகாசி - திருத்தங்கல் சாலையில் இரயில் போக்குவரத்து

சிவகாசி - திருத்தங்கல் சாலையில் இரயில் போக்குவரத்திற்காக அடிக்கடி மூடப்படுவதால், பொதுமக்கள் நீண்ட வரிசையில் காத்திருக்க வேண்டியுள்ளது. மேலும் இப்பகுதி பல தொழிற்சாலைகள், பள்ளிகள், கல்லூரிகள் இயக்கும் இடமாக இருப்பதால், தொழிலாளர்கள் மற்றும் மாணவர்கள் மிகுந்த சிரமத்தை களையும் வகையில், ரூ.45.60 கோடி மதிப்பில் 609.28 மீ நீளம், 8.5 மீ அகலத்தில் 17 தூண்களுடன் ரயில்வே மேம்பாலம் அமைக்கும் பணிகள் நடைபெற்று வருகின்றன. மேம்பாலம் கட்டும் பணிகளின் முன்னேற்றம், மேற்கொள்ளப்பட்டுள்ள பணிகள், நிறைவேற்றப்பட வேண்டிய பணிகள் மற்றும் பணிகளை நிறைவு செய்வதற்கான கால அட்டவணை குறித்து அலுவலர்களிடம் கேட்டறிந்து, பொதுமக்கள் மற்றும் வாகன ஓட்டிகளின் பாதுகாப்பிற்கு முக்கியத்துவம் அளித்து, பணிகள் நடைபெறும் பகுதிகளில் தேவையான தடுப்புகள், எச்சரிக்கை பலகைகள் மற்றும் போக்குவரத்து வழிகாட்டுதல்களை முறையாக அமைத்து, எவ்வித இடையூறும் ஏற்படாத வகையில் உரிய பாதுகாப்பு நடவடிக்கைகளுடன் மேற்கொள்ளப்பட அறிவுறுத்தப்பட்டுள்ளது. மேலும், எதிர்வரும் பண்டிகை காலங்களில் நெரிசலை தடுக்க மாற்று வழிகளை பயன்படுத்துவது குறித்தும் ஆலோசிக்கப்பட்டது.

திருத்தங்கல் புதிய இரயில்வே மேம்பாலப் பணிகளை விரைவு

திருத்தங்கல் புதிய இரயில்வே மேம்பாலப் பணிகளை விரைந்து, தரமான முறையில் நிறைவு செய்து பொதுமக்களின் பயன்பாட்டிற்கு கொண்டு வருவதற்குத் தேவையான அனைத்து நடவடிக்கைகளும் மேற்கொள்ள வேண்டும் என அலுவலர்களுக்கு அறிவுறுத்தப்பட்டுள்ளது என மாண்புமிகு தொழில், முதலீட்டு ஊக்குவிப்பு மற்றும் வர்த்தகத்துறை அமைச்சர் செல்வி ச.கீர்த்தனா அவர்கள் தெரிவித்தார். இந்நிகழ்ச்சியில், நெடுஞ்சாலைத்துறை திருநெல்வேலி கோட்ட பொறியாளர் திரு.லிங்குசாமி(திட்டங்கள்), சிவகாசி சார் ஆட்சியர் திரு.முகமதி இர்பான் சிவகாசி மாநகராட்சி ஆணையர் திரு.கண்ணன், அரசு அலுவலர்கள் உட்பட பலர் கலந்து கொண்டனர்.

ராமநாதபுரத்தில் இலவச தனியார் வேலைவாய்ப்பு முகாம்... இளைஞர்களுக்கு சூப்பர் வாய்ப்பு !

அருண் சின்னதுரை — Tue, 6 Oct 2026 22:58:52 +0530

முகாமில் கலந்துகொள்ள விருப்பமுள்ள வேலைநாடுநர்கள் மற்றும் மாற்றுத்திறனாளி வேலைநாடுநர்கள் தங்களின் சுய விபரங்களடங்கிய விண்ணப்பம்.

தனியார்துறை வேலைவாய்ப்பு முகாம்

தமிழக அரசின் சார்பில் ஒவ்வொரு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்திலும் வேலைநாடும் இளைஞர்கள் பயன்பெறும் பொருட்டு சிறிய அளவிலான தனியார்துறை வேலைவாய்ப்பு முகாம் ஒவ்வொரு மாதமும் நடத்தப்பட்டு வருகிறது. இம்முகாமில் தனியார்துறை நிறுவனங்கள் கலந்துகொண்டு தங்கள் நிறுவனத்திற்கு தேவையான நபர்களை தெரிவு செய்து கொள்ளலாம். அதேபோல இம்முகாமில் 10-ம் வகுப்பு முதல் முதுகலை பட்டப்படிப்பு வரை முடித்த வேலைநாடுநர்கள், ஐடிஐ மற்றும் டிப்ளமோ படித்த வேலைநாடுநர்கள் கலந்துகொண்டு தங்களது தகுதிக்கேற்ப தனியார்துறை நிறுவனங்களில் பணிநியமனம் பெறும் வாய்ப்பினை பெறலாம்.

தங்களின் சுய விபரங்களடங்கிய விண்ணப்பம்

இம்முகாமில் கலந்துகொள்ள விருப்பமுள்ள வேலைநாடுநர்கள் மற்றும் மாற்றுத்திறனாளி வேலைநாடுநர்கள் தங்களின் சுய விபரங்களடங்கிய விண்ணப்பம், அனைத்து அசல் கல்விச்சான்றுகள், ஆதார் அட்டை, குடும்ப அடையாள அட்டை மற்றும் புகைப்படத்துடன் 09.10.2026 வெள்ளிக்கிழமை அன்று காலை 10.00 மணிக்கு இராமநாதபுரம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்திற்கு நேரில் வந்து கலந்துகொண்டு இந்த அரிய வாய்ப்பினை பயன்படுத்திக்கொள்ளுமாறும், இம்முகாம் மூலம் தனியார் நிறுவனங்களில் வேலைவாய்ப்பு பெறுவதினால் வேலைவாய்ப்பு அலுவலக பதிவு எக்காரணத்தை கொண்டும் ரத்து செய்யப்படமாட்டாது எனவும் அரசுத் துறைகளில் கோரப்படும் பணியிடங்களுக்கு அரசு விதிமுறைகளின்படி பரிந்துரை செய்ய பரிசீலிக்கப்படுமெனவும், மேலும் தனியார் துறை நிறுவனங்கள் மற்றும் வேலைநாடுநர்களுக்கு கட்டணம் ஏதுமின்றி முற்றிலும் இலவசமாக தமிழக அரசால் தமிழ்நாடு தனியார் துறை வேலை இணையம் Tamil Nadu Private Job Portal" (www.tnprivatejobs.tn.gov.in) என்ற இணையதள சேவை வழங்கப்படுகிறது. இவ்விணையதளத்தில் பதிவு செய்து தனியார் துறை நிறுவனங்களும் வேலைதேடும் இளைஞர்களும் பயன்பெறலாம். மேலும், விவரங்களுக்கு 04567 230160, 8220809422 என்ற எண்களில் தொடர்பு கொண்டு பயன்பெறுமாறு மாவட்ட ஆட்சித்தலைவர் மா.சிவகுரு பிரபாகரன், செய்திக்குறிப்பில் தெரிவித்துள்ளார்.

தாட்கோ சிறப்பு பயிற்சி: ஆதிதிராவிடர் இளைஞர்களுக்கு வேலைவாய்ப்புடன் பொன்னான வாய்ப்பு!

அருண் சின்னதுரை — Tue, 6 Oct 2026 21:44:56 +0530

தாட்கோ மூலம் சென்னை, கோயம்புத்தூர் மற்றும் மதுரை மாவட்டங்களில் பல்வேறு சிறப்பு பயிற்சி வகுப்புகள் நடைபெறவுள்ளது. விருப்பமுள்ளவர்கள் விண்ணப்பிக்கலாம் என மாவட்ட ஆட்சித்தலைவர் திருமதி ஷரண்யா அறி இ.ஆ.ப., அவர்கள் தெரிவித்துள்ளார்.

வீட்டு வசதி மற்றும் மேம்பாட்டுக் கழகம் (தாட்கோ) பயிற்சி

தமிழ்நாடு ஆதிதிராவிடர் வீட்டு வசதி மற்றும் மேம்பாட்டுக் கழகம் (தாட்கோ) மூலமாக ஆதிதிராவிடர் மற்றும் பழங்குடியினர் இளைஞர்களின் மேம்பாட்டுக்கு பல்வேறு திறன் அடிப்படையிலான பயிற்சிகள் வழங்கப்பட்டு வருகிறது. அதன் அடிப்படையில் தாட்கோ, மற்றும் தகவல் தொடர்பு தொழில்நுட்பக் கழகம் (ICT Academy) இணைந்து ஆதிதிராவிடர் மற்றும் பழங்குடியினர் இளைஞர்களுக்கு, சென்னை மாவட்டத்தில் மென் பொருள், வலைதளம் வடிவமைப்பாளர் மற்றும் பயன்பாட்டு மென்பொருள் மேம்பாட்டாளர் பயிற்சியும், கோயம்புத்தூர் மாவட்டத்தில் மென் பொருள், வலைதளம் வடிவமைப்பாளர், பயன்பாட்டு மென்பொருள் மேம்பாட்டாளர், தரவுப் பகுப்பாய்வாளர், நுண்நிதி நிர்வாகம் மற்றும் காப்பீட்டு முகவர் பயிற்சியும், மதுரை மாவட்டத்தில் தரவுப் பகுப்பாய்வாளர், மென் பொருள் வடிவமைப்பாளர், நுண்நிதி நிர்வாகம் மற்றும் காப்பீட்டு முகவர் போன்ற பயிற்சிகள் வழங்கப்படவுள்ளது.

பட்டம் பெற்று இருக்க வேண்டும்.

மென் பொருள் சார்ந்த பயிற்சி பெற இளங்கலை பொறியியல் மற்றும் பி.எஸ்.சி கணினி அறிவியல் ஆகிய பாடங்களில் பட்டம் பெற்று இருக்க வேண்டும். நிதி சார்ந்த பயிற்சிகள் பெற இளங்கலை வணிகவியல் மற்றும் இளங்கலை வணிக நிர்வாகவியல் ஆகிய பாடங்களில் பட்டம் பெற்று இருக்க வேண்டும். இப்பயிற்சியினை பெற ஆதிதிராவிடர் மற்றும் பழங்குடியினராகவும், வயது வரம்பு 18 முதல் 35 வயதிற்குள்ளும், மற்றும் குடும்ப ஆண்டு வருமானம் ரூ,3.00 லட்சத்திற்குள் இருக்க வேண்டும். இப்பயிற்சி சென்னை, கோயம்புத்தூர் மற்றும் மதுரை மாவட்டங்களில் நடைபெறவுள்ளது. இப்பயிற்சியினை முழுமையாக முடித்த இளைஞர்களுக்கு சான்றிதழ் மற்றும் பயிற்சி அளிக்கும் நிறுவனத்தின் மூலமாக தகுதியான நபர்களுக்கு வேலை வாய்ப்பும் ஏற்படுத்தி தரப்படும். இப்பயிற்சியில் சேருவதற்கு தாட்கோ இணையதளமான (www.tahdco.com) என்ற முகவரியில் தகுதியுடைய விண்ணப்பதாரர்கள் பதிவு செய்து இவ்வாய்ப்பினை பயன்படுத்திக்கொள்ளலாம் என மாவட்ட ஆட்சித்தலைவர் ஷரண்யா அறி தெரிவித்துள்ளார்.

நெற்பயிர் சாகுபடி செய்யும் தேனி விவசாயிகளே கவனம்! நவ.16க்குள் காப்பீடு செய்யுங்க

நாகராஜ் — Tue, 6 Oct 2026 20:20:03 +0530

தேனி மாவட்டத்தில் விவசாயிகள் 1 ஏக்கருக்கு ரூ.38,828 வரை இழப்பீடு பெற, 1.5% கட்டணமான அதாவது ரூ.589.50 மட்டும் பிரீமியமாகச் செலுத்தி வருகிற நவம்பர் 16-ஆம் தேதிக்குள் தங்கள் நெற்பயிர்களைக் காப்பீடு (Crop Insurance Scheme) செய்யுமாறு மாவட்ட ஆட்சியர் கேட்டுக்கொண்டுள்ளார்.விவசாயிகள் தாங்கள் படும் கஷ்டத்திற்கு தகுந்த பலன் கிடைக்க வேண்டும் என்றால், பயிர் காப்பீடு செய்வது மிகவும் அவசியமான ஒன்றாகும். காப்பீடு செய்யாமல் போனால், வறட்சி, பேரிடர், வெள்ளத்தால் பாதிக்கப்பட்டால் நிவாரணம் பெற முடியாது.

விவசாயிகள் தங்கள் பயிர்களுக்கு சில நூறு ரூபாய்கள் மட்டுமே பிரீமியமாகச் செலுத்தினால் போதும்.பாதிப்பு ஏற்படும் போது பல ஆயிரம் ரூபாய் நஷ்ட ஈடாகக் கிடைக்கும். எதிர்பாராமல் வரும் வறட்சி, வெள்ளம், புயல், வராமல் போகும் பருவமழை மற்றும் பூச்சித் தாக்குதல் போன்ற அனைத்துப் பாதிப்புகளுக்கும் இதில் இழப்பீடு பெற முடியும்.

விவசாயிகளுக்கு இயற்கை சீற்றங்களால் ஏற்படும் பயிர்ப் பெரும் நஷ்டத்தைத் தடுத்து, அவர்களுக்கு நிதிப் பாதுகாப்பையும் மன அமைதியையும் தருவதில் பயிர் காப்பீட்டுத் திட்டங்கள் (Crop Insurance) மிக முக்கியப் பங்கு வகிக்கின்றன. இந்தியாவில் குறிப்பாக பிரதான் மந்திரி ஃபசல் பீமா யோஜனா (PMFBY) போன்ற திட்டங்கள் மூலம் விவசாயிகள் தங்களின் பயிர்களுக்குக் காப்பீடு செய்து கொள்ள முடியும்.

கூட்டுறவு வங்கிகள் அல்லது வணிக வங்கிகளில் பயிர்க்கடன் (KCC) வாங்கும் விவசாயிகளுக்கு, முன்னதாக இது கட்டாயமாக்கப்பட்டிருந்தது. தற்போது இது விருப்பத்தின் பேரில் மாற்றப்பட்டுள்ளது. இருப்பினும், கடன் வாங்கும் போதே வங்கியில் காப்பீட்டுக்கான பிரீமியம் தொகையைச் செலுத்த விண்ணப்பிக்கலாம்.சொந்தமாகவோ அல்லது குத்தகைக்கோ விவசாயம் செய்யும் பிற விவசாயிகளும் பொது சேவை மையங்கள் (CSC) மூலமாகவோ அல்லது ஆன்லைன் மூலமாகவோ காப்பீடு செய்யலாம்.

வறட்சி, வெள்ளம், புயல், பூச்சிகளின் தாக்குதல் போன்ற காரணங்களால் பயிர் சேதமடைந்தால், பயிர் சேதமடைந்த 72 மணி நேரத்திற்குள் அது குறித்த தகவலைக் காப்பீட்டு நிறுவனத்திற்கோ, சம்பந்தப்பட்ட வங்கிக்கோ அல்லது வேளாண்மைத் துறை அதிகாரிகளுக்கோ தெரியப்படுத்த வேண்டும்.இதன் மூலம் கடன் வாங்கி விவசாயம் செய்யும் விவசாயிகளுக்கு, இயற்கை சீற்றங்களால் ஏற்படும் நஷ்ட பயத்தைப் போக்கி மன அமைதியைத் தருகிறது. எனவே விவசாயிகள் சரியான முறையில் அதிகாரிகளை அணுகி காப்பீடு பெறுவதற்கு இன்று ஏராளமான வழிகள் உள்ளது.

இந்நிலையில் தேனி மாவட்ட ஆட்சியர் ஆர்.வைத்தியநாதன் ஒரு அறிவிப்பை வெளியிட்டுள்ளார். அதில், ‘தேனி மாவட்டத்தில் 2026-27-ம் ஆண்டில் பிரதம மந்திரி பயிர் காப்பீட்டுத் திட்டம் (PMFBY) சம்பா சிறப்பு பருவம் நெல் பயிருக்கு செயல்படுத்தப்பட்டு வருகிறது. தற்போது மாவட்டத்தில் நெல் சம்பா சிறப்பு பருவ பயிருக்கு ஆண்டிப்பட்டி, கண்டமனூர், இராஜதானி, தேவாரம்சம்பட்டி, தென்கரை, தேனி, கொடுவிலார்பட்டி, கம்பம், உத்தமபாளையம், சின்னமனூர், மார்க்கையன்கோட்டை, போடி, கோடாங்கிப்பட்டி, ராசிங்காபுரம் ஆகிய 14 குறு வட்டங்கள் (பிர்க்காக்கள்) அறிவிப்பு செய்யப்பட்டுள்ளன.

சம்பா சிறப்பு பருவத்தில் காப்பீடு செய்யப்படும் நெற்பயிர்களை நிர்ணயிக்கப்பட்ட காலக்கெடுவான வருகிற நவம்பர் மாதம் 16-ந்தேதிக்குள் விவசாயிகள் தங்கள் விருப்பத்தின் பேரில் காப்பீடு செய்ய வேண்டும். விவசாயிகள் 1 ஏக்கருக்கு ரூ.38,828 வரை இழப்பீடு பெற, 1.5% கட்டணமான, அதாவது ரூ.589.50 மட்டும் காப்பீட்டுக் கட்டணமாக செலுத்தினால் போதுமானது. இந்த 14 குறு வட்டங்களைச் சேர்ந்த விவசாயிகள், இயற்கை சீற்றங்களால் ஏற்படும் பயிர் இழப்புகளில் இருந்து தங்களைப் பாதுகாத்துக் கொள்ள நிர்ணயிக்கப்பட்ட காலக்கெடுவுக்குள் காப்பீடு செய்து கொள்ளலாம்.

எனவே சம்பா நெல் சிறப்பு பருவம் சாகுபடி கொண்டுள்ள விவசாயிகள் கூட்டுறவு சங்கத்திலோ அல்லது தேசியமயமாக்கப்பட்ட வங்கிகளிலோ கடன்பெறும் விவசாயிகள் அறிவிக்கை செய்யப்பட்ட நெல் பயிருக்கு காப்பீடு செய்ய கடன் பெறாத விவசாயிகள் பொது சேவை மையங்களிலோ, http://www.pmfby.gov.in என்ற தேசிய பயிர் காப்பீட்டு இணையதளத்தில் உள்ள விவசாயிகள் கார்னரில் நேரடியாகவோ நிர்ணயிக்கப்பட்ட காலக்கெடுவுக்குள் விருப்பத்தின்பேரில் காப்பீடு செய்யலாம்.

விவசாயிகள் இத்திட்டத்தின் கீழ் பதிவு செய்யும்போது முன்மொழிவு விண்ணப்பம், பதிவு விண்ணப்பம், கிராம நிர்வாக அலுவலர் வழங்கும் நடப்பு சாகுபடிக்கான அடங்கல், இ-அடங்கல் சான்றிதழ், வங்கிக்கணக்கு புத்தகத்தின் முதல் பக்க நகல், ஆதார் அட்டை நகல் ஆகியவற்றை இணைத்து கட்டணத் தொகையை செலுத்திய பிறகு அதற்கான முறையான ரசீதை (Acknowledgement Receipt) மறக்காமல் பெற்றுக் கொள்ள வேண்டும். இதுவே பிற்காலத்தில் பயிர்ச் சேதத்திற்கான இழப்பீடு கோர முக்கிய ஆதாரமாக விளங்கும்.

மேலும், பணம் செலுத்தி ரசீது வாங்குவதற்கு முன், கணினியில் அனைத்து விவரங்களும் சரியாகப் பதிவேற்றம் செய்யப்பட்டுள்ளதா என்பதை விவசாயிகள் கட்டாயம் சரிபார்க்க வேண்டும். குறிப்பாக பணம் செலுத்தும் போது தாங்கள் சாகுபடி செய்துள்ள வருவாய் கிராமத்தின் பெயர்(Revenue Village), புல எண் (Survey Number) அதாவது, நிலத்தின் சரியான சர்வே எண் மற்றும் உட்பிரிவு எண், காப்பீட்டுத் தொகை வந்து சேர வேண்டிய சரியான வங்கி கணக்கு எண் போன்ற விவரங்கள் சரியாக பதிவேற்றம் செய்யப்பட்டுள்ளதா? என்பதையும் சரி பார்த்துக் கொள்ள வேண்டும் என கூறப்பட்டுள்ளது.

மதுரை இளைஞர்களுக்கு PM Internship: மாதம் ரூ.9000, அரசு சான்றிதழுடன் திறன் மேம்பாடு!

அருண் சின்னதுரை — Tue, 6 Oct 2026 13:05:09 +0530

இளைஞர்களின் வேலைவாய்ப்புத் திறனை மேம்படுத்துவதே முக்கிய நோக்கமாகும். இத்திட்டத்தின் கீழ் மதுரை மாவட்டத்திலுள்ள நிறுவனங்களில் தற்போது 150 இடங்கள் Internship காக உள்ளன.

பிரதமரின் வேலைவாய்ப்பு பயிற்சித் திட்டம்

மதுரை மாவட்டத்தில் இந்திய அரசின் கார்ப்பரேட் நிறுவன விவகாரங்கள் அமைச்சகத்தின் கீழ் செயல்படுத்தப்பட்டு வரும் பிரதமரின் வேலைவாய்ப்பு பயிற்சித் திட்டத்தின் (PM Internship Scheme) மூலம் இளைஞர்களுக்கு முன்னணி நிறுவனங்களில் நேரடி தொழில்துறை அனுபவம் மற்றும் திறன் மேம்பாட்டிற்கான வாய்ப்புகள் வழங்கப்பட்டு வருகின்றன. இத்திட்டத்தின் மூலம் கல்வியில் பெற்ற அறிவை நடைமுறை தொழில்சார் அனுபவத்துடன் இணைத்து, இளைஞர்களின் வேலைவாய்ப்புத் திறனை மேம்படுத்துவதே முக்கிய நோக்கமாகும். இத்திட்டத்தின் கீழ் மதுரை மாவட்டத்திலுள்ள நிறுவனங்களில் தற்போது 150 இடங்கள் Internship காக உள்ளன.

திட்ட விதிமுறைகளுக்கு உட்பட்டு விண்ணப்பிக்கலாம்.

இத்திட்டத்தில் விண்ணப்பிக்க விரும்பும் நபர்கள் இந்திய குடிமக்களாகவும், விண்ணப்பிக்கும் நாளில் 18 முதல் 25 வயதுக்குள் உள்ளவர்களாகவும் இருக்க வேண்டும். 10ஆம் வகுப்பு, 12ஆம் வகுப்பு, ITI, Polytechnic Diploma, பட்டப்படிப்பு மற்றும் முதுநிலைப் படிப்பு முடித்தவர்கள், திட்ட விதிமுறைகளுக்கு உட்பட்டு விண்ணப்பிக்கலாம். முழுநேர வேலை மற்றும் முழுநேர கல்வியில் இருப்பவர்களுக்கு பொதுவாக தகுதி இல்லை; இணைய வழி, தொலைதூர கல்வி பயில்பவர்கள் மற்றும் இறுதியாண்டு பட்டப்படிப்பு, முதுநிலை மாணவர்கள் விதிமுறைகளுக்கு உட்பட்டு விண்ணப்பிக்கலாம். தேர்வு செய்யப்படும் பயிற்சியாளர்களுக்கு பொதுவாக 6 அல்லது 9 மாதங்கள் Internship வாய்ப்பு வழங்கப்படும். Internship-ல் சேர்ந்து தகுதி பெற்றவர்களுக்கு மாதம் ரூ.9,000 வரை நிதியுதவியும், ஒருமுறை ரூ.6,000 உதவித்தொகையும், மேலும் ஆயுள் மற்றும் விபத்து காப்பீட்டு பாதுகாப்பும் வழங்கப்படுகிறது. Internship-ஐ வெற்றிகரமாக நிறைவு செய்பவர்களுக்கு அரசு சான்றிதழ் வழங்கப்படும்.

வாய்ப்புகளைப் பார்வையிட்டு விண்ணப்பிக்குமாறு கேட்டுக்கொள்ளப்படுகிறது

மேலும் தகவல்கள் பெற மாவட்ட திறன் பயிற்சி அலுவலகம், அரசினர் தொழிற்பயிற்சி நிலைய மாணவர்கள் விடுதி வளாகம், மூன்றுமாவடி, மதுரை-7 மற்றும் மாவட்ட திறன் அலுவலகம்(திறனகம்), மாவட்ட வேலைவாய்ப்பு மற்றும் தொழில்நெறி வழிகாட்டும் மையம், கே. புதூர், மதுரை ஆகிய அலுவலகங்களை நேரிலும், 8508200750/8807883843 தொலைபேசி எண்களிலும், 1800-11-6090 என்ற உதவி எண்ணிலும் தொடர்பு கொள்ளலாம். தகுதியுடைய இளைஞர்கள் www.pminternship.mca.gov.in என்ற இணையதளத்தில் இலவசமாக பதிவு செய்து, மதுரை மாவட்டத்தில் உள்ள வாய்ப்புகளைப் பார்வையிட்டு விண்ணப்பிக்குமாறு மாவட்ட ஆட்சித்தலைவர் திரு.நிஷாந்த் கிருஷ்ணா, தெரிவித்துள்ளார்.

மதுரை மாட்டுத்தாவணி பூ மார்கெட்டில் (06.10.2026) இன்று பூக்கள் விலை நிலவரம் என்ன?

அருண் சின்னதுரை — Tue, 6 Oct 2026 12:44:20 +0530

மதுரை மாட்டுத்தாவணி பூ மார்கெட்டில் இன்று (06.10.2026) பூக்கள் விலை நிலவரம் குறித்து காணலாம்.

மணக்கும் மல்லிகைப் பூ

மதுரை மல்லி என்பது மதுரை, விருதுநகர், தேனி, சிவகங்கை, இராமநாதபுரம் மற்றும் திண்டுக்கல் ஆகிய மாவட்டங்களில் பயிரிடப்படும் சிறப்பு வாய்ந்த பூவாகும். மதுரை மையமாக உள்ளதால் மல்லிகைப் பூ மற்றும் பிற பூக்களுக்கு வணிகம் செய்ய ஏதுவாக உள்ளது. குறிப்பாக மல்லிகைப் பூ கி.மு 300-ஆம் ஆண்டிலிருந்து பயிரிடப்பட்டு வருகின்றன. இதற்கான குறிப்புகள் சங்க இலக்கியங்களில் மற்றும் கோயில் சிற்பங்களில் காணப்படுகின்றன. இப்பூக்கள் தங்களது தனித்துவமான மணம் மற்றும் நறுமணத்திற்காக பிரசித்தி பெற்றவை. இதனால் வெளியூர் பயணிகள் மதுரை வரும் போது மல்லிகைப் பூவை விரும்பி வாங்குகின்றனர். இதே போல் கோயில் நகரமான மதுரையில் பிற பூக்களின் விற்பனையும் எப்போது சூடுபறக்கும். இந்நிலையில் தீபாவளியை தொடர்ந்து மதுரையில் பூக்களின் விலை எப்படி உள்ளது என்பதை காணலாம்.

மதுரை மலர் சந்தையில் பூக்களின் (07.10.2026) இன்றைய விலை நிலவரம்:

* மதுரை மல்லி கிலோ ரூ.600,

* பிச்சி கிலோ ரூ.300,

* முல்லை கிலோ ரூ.300,

* செவ்வந்தி கிலோ ரூ.100,

* சம்பங்கி கிலோ ரூ.40,

* செண்டு மல்லி கிலோ ரூ.30,

* கனகாம்பரம் கிலோரூ.500 ,

* ரோஸ் கிலோ ரூ.100,

* பட்டன் ரோஸ் கிலோ ரூ.120,

* பன்னீர் ரோஸ் கிலோ ரூ.150,

* கோழிக்கொண்டை கிலோ ரூ.50,

* அரளி கிலோ ரூ.200,

* மரிக்கொழுந்து கிலோ ரூ.80,

* தாமரை (ஒன்றுக்கு) ரூ.8 என விற்பனை செய்யப்பட்டு வருகிறது

இதுகுறித்து மாட்டுத்தாவணி மீனாட்சி மொத்த பூ வியாபாரிகள் சங்கத்தின் பொருளாளர் முருகன் கூறுகையில்,

'புரட்டாசி மாதத்தில் பொதுவாக பூக்களின் விலை சற்று மந்தமாகவே காணப்படுவது வழக்கம். சரஸ்வதி பூஜை ஆயுத பூஜையை ஒட்டி பூக்களின் விலை சற்று கணிசமாக கூடுவதற்கு வாய்ப்பு உள்ளது. மழை குறைவு காரணத்தால் பூக்களின் விளைச்சலும் குறைவாகவே உள்ளது. தற்போதைய நிலையில் நாளொன்றுக்கு சராசரியாக இரண்டு டன் மல்லிகை பூக்கள் விற்பனைக்காக கொண்டுவரப்படுகின்றன' என்றார்

Madurai Power Shutdown ; மதுரையில் (07.10.2026) நாளை பல்வேறு இடங்களில் மின்தடை - முழு லிஸ்ட் !

அருண் சின்னதுரை — Tue, 6 Oct 2026 12:09:48 +0530

மதுரையில் நாளை (07.10.2026) பல்வேறு இடங்களில் மின்தடை ஏற்படவுள்ளது, இது குறித்த அறிவிப்பு வெளியாகியுள்ளது. இதனை முழுமையாகவும், கவனமாகவும் பார்க்கவும்.

நாளை (அக்டோபர் - 7) மின்தடை (காலை 9:00 - மதியம் 2:00 மணி)

வில்லாபுரம் ஹவுசிங் போர்டு, எப். எப்.ரோடு, வில்லாபுரம் கிழக்கு பகுதிகள், சின்னக்கண்மாய், தென்றல் நகர், மணிகண்டன் நகர், மயான ரோடு, அகஸ்தியர் தெரு, அன்புநகர் காளியம்மன் கோயில், அருப்புக் கோட்டைரோடு ஜெயவிலாஸ் முதல் வெற்றி தியேட்டர் வரை, வில்லாபு ரம் வீட்டுவசதி வாரிய குடியிருப்பு, புதுநகர், வெற்றி தியேட்டர் முதல் வாசுகி தெரு வரை, எல்.கே.துளசி ராம் தெரு, மீனாட்சிநகர், கணபதி நகர், நல்லதம்பி தோப்பு, காவேரி தெருக்கள், செந்தமிழ் தெருக்கள், செந்தமிழ் தெருக்கள், சவுடேஸ் வரி அம்மன் கோயில், தாமரை தெரு, வைகை தெரு, குருமஹால், ஓம் சக்தி நகர், பரமேஸ்வரி அம்மன் கோயில்தெரு, ஜெயபாரத் சிட்டி, வாசுகி தெரு, நந்தகோ பாலன் தெரு, நேதாஜி தெரு, டி.வி. எஸ்.நகர்.

மதுரை தெற்கு வெளிவீதி, பவர் ஹவுஸ் ரோடு, சப்பாணி கோயில் தெரு, தெற்கு கிருஷ்ணன் கோயில் தெரு, மேலப்பெருமாள் மேஸ்திரி வீதி, தெற்கு பெருமாள் மேஸ்திரி வீதி, தெற்கு மாரட் வீதி, ஜரிகைக் கார தெரு, பாவாஸா சந்து, நாடார் வித்யாசாலை, சின்னக்கடை தெரு, மஞ்சனக்கார தெரு, சிங்கார தோப்பு, முகையதீன் ஆண்டவர் சந்து, வைக்கோல்கார தெரு, பாப்பன் கிணற்று சந்து, தென்னோலக்கார சந்து, முகம்மதியர் சந்து, பெரியார் பஸ்ஸ்டாண்ட், திருப்பரங்குன்றம் ரோடு, திண்டுக்கல் ரோடு, நேதாஜி ரோடு, தெற்கு மாசிவீதி, மேலமா சிவீதி, இம்மையில் நன்மை தரு வார் கோயில், மேலவடம்போக்கித் தெரு, ஹயாத்கான் சாலை, மேலவா சல் ஹவுசிங் போர்டு, மரக்கடை, ஹீரா நகர், திடீர் நகர், சுப்ரமணியபு ரம், எம்.கே.புரம், நந்தவனம், ரத்தி னபுரம், சுந்தரராஜபுரம், சி.சி.ரோடு, காஜா தெரு, தெற்கு சண்முகபுரம், வி.வி.கிரி சாலை, தெற்கு ஆவணி மூலவீதி, ஒண்டிமுத்து மேஸ்திரி வீதி, பாண்டிய வேளாளர் தெரு, வீரராகவ பெருமாள் கோயில் தெரு, கான்சா மேட்டுத்தெரு, எழுத்தா ணிக்கார தெரு, பச்சரிசிக்கார தெரு, கிரைம் பிராஞ்ச், காஜிமார் தெரு, தெற்கு மாட வீதி, கட்ரா பாளையம், அமெரிக்கன் மிஷன் சர்ச், முகம்மதி யர் தெரு, கிளாஸ்கார தெரு, மகால் முதல் 7 தெருக்கள், பால்மால் குறுக்குத்தெரு, ராணி பொன்னம் மாள் ரோடு, ஆதிமூலம் பிள்ளை சந்து, லாடபிள்ளை சந்து, காளியம் மன் கோயில் தெரு, மேலத்தோப்பு, புதுமாகாளிபட்டி ரோடு மார்க்கெட், வடக்குப் பகுதி, கிருதுமால் நதி ரோடு, திரவுபதி அம்மன் கோயில், பிள்ளையார் பாளையம், செட்டியூ ரணி, எப்.எப்.ரோடு, பாம்பன்ரோடு, சண்முகமணி நாடார் சந்து, பேலஸ் ரோடு, விளக்குத்தூண் பகுதி, நவபக்கானா தெரு, பத்துாண் பகுதி, பந்தடி தெருக்கள், நல்லமுத்துப் பிள்ளை ரோடு, சிந்தாமணி ரோடு, மூலக்கரை, சூசையப்பர்புரம், அழகாபுரி, எம்.எம்.சி., காலனி, ஓட் டுக்காளவாசல், ல், ராஜமான்நகர், ஜெபஸ்டியர்புரம், கே.ஆர்.மில் ரேடு, கீழவாசல், கீரைத்துறை, நெல் பேட்டை முதல் யானைக்கல் வரை, கீழமாரட் வீதி, கீழவெளிவீதி மிஷன் வீமபிள்ளை மருத்துவமனை, வடக்கு சந்து, வாழைத்தோப்பு, என். எம்.ஆர்.ரோடு, சிந்தாமணி ரோடு, சி.எஸ்.ஐ., பல் மருத்துவ கல்லுாரி, நாகுபிள்ளை தோப்பு.

பொய்கைக்கரைப் பட்டி, நாயக்கன்பட்டி, அழகர் கோவில், கள்ளந் திரி, அப்பன் திருப்பதி, பூண்டி, தூயநெறி, மாத் துார், வெள்ளியங்குன்றம் புதுார், கடவூர், தொண்ட மான் பட்டி, மஞ்சம்பட்டி, சத்திரப்பட்டி, ஆமந்துார் பட்டி, தொப்பலாம் பட்டி, கொடி மங்கலம், கருவனுார், தேத்தாம் பட்டி, மந்திகுளம்.

நாட்டார்மங்கலம், செங்கோட்டை, தச்சனேந்தல், இஸ்லானி, மீனாட் சிபுரம், செவல்பட்டி, சுப்பிரமணி யபுரம், கொட்டங்குளம், இடைய பட்டி.

(காலை 9:00 - மதியம் 5:00 மணி)

எழுமலை, சூலப்புரம், உலைப் பட்டி, மல்லப்புரம், அய்யம்பட்டி, எம்.கல்லுப்பட்டி, அதிகாரிபட்டி, துள்ளுக்குட்டிநாயக்கனுார், டி.இரா மநாதபுரம், டி.கிருஷ்ணாபுரம், உத் தபுரம், கோபாலபுரம், பள்ளபட்டி, இ. கோட்டைபட்டி, கோடநாயக் கன்பட்டி, ராஜக்காபட்டி, ஜோதில் நாயக்கனுார், எ.பெருமாள்பட்டி, மானுாத்து, தாடையம்பட்டி, பாறை பட்டி, பாப்பிநாயக்கன்பட்டி, அதி காரிபட்டி, திருமாணிக்கம், வண்டப் புலி சின்னக்கட்டளை, சேடபட்டி,

குப்பல்நத்தம், மங்கள்ரேவு, எஸ். கோட்டைப்பட்டி, கணவாய்பட்டி, சந்தைப்பட்டி, வகுரணி, அயோத் திப்பட்டி, அல்லிகுண்டம், பாம் மனம்பட்டி, கன்னியம்பட்டி, பெருங்காமநல்லுார், செம்பரணி, சென்னம்பட்டி, பரமன்பட்டி, பெரியகட்டளை, செட்டியபட்டி, ஆவல்சேரி, கே.ஆண்டிபட்டி, வீரா ளம்பட்டி, தொட்டணம்பட்டி, சலுப் பபட்டி, குடிசேரி, ஜம்பலபுரம், கேத் துவார்பட்டி, பேரையூர், சாப்டூர், அத்திபட்டி, அணைக்கரைப்பட்டி, மெய்நத்தம்பட்டி.

அலங்காநல்லுார் பகுதி முழுவதும், தேசிய கூட்டுறவு சர்க்கரை ஆலை, பி.மேட்டுப்பட்டி, பண்ணைக் குடி, அழகாபுரி, புதுப்பட்டி, செல் லக்கவுண்டம்பட்டி, சிறுவாலை, அம்பலத்தடி, பிள்ளையார்நத்தம், குறவன்குளம், மீனாட்சிபுரம், இடையப்பட்டி, அய்யூர், கோவில் பட்டி, வைகாசிப்பட்டி, கீழச்சின் னம்பட்டி.

இலங்கை சிறையில் தமிழக மீனவர்கள் விடுதலை: அடுத்த கட்ட நடவடிக்கை தீவிரம்!

அருண் சின்னதுரை — Mon, 5 Oct 2026 22:24:19 +0530

இலங்கை சிறையில் உள்ள தமிழக மீனவர்களை விடுவிக்க கோரியமனுவை முடித்து வைத்து உயர் நீதிமன்ற மதுரை கிளை உத்தரவு. இதில் மனுதாரர் குறிப்பிட்டுள்ள தமிழக மீனவர்கள் உள்பட 12 இந்திய மீனவர்கள் விடுவிக்கப்பட்டனர். அடுத்த கட்டமாக, 16 மீனவர்கள் விரைவில் விடுவிக்கப்பட உள்ளனர். -வெளியுறவு துறை சார்பில் பதில் மனு தாக்கல்

பொதுநல வழக்கினைத் தாக்கல்

ராமநாதபுரத்தைச் சேர்ந்த‌ நாம் தமிழர் கட்சியின் மீனவர் பாசறை நிர்வாகி தீரன் திருமுருகன் உயர் நீதிமன்ற மதுரை அமர்வில், பொதுநல வழக்கினைத் தாக்கல் செய்திருந்தார். அதில், " இலங்கை கடற்படையினரால் தமிழக மீனவர்கள் தொடர்ச்சியாக கைது செய்யப்படும் சூழலில் நீதிமன்றம் விடுதலை செய்தும், அவர்கள் தொடர்ந்து இலங்கையில் காவலில் இருக்கும் நிலை உள்ளது. 24 பேர் அவ்வாறு இருப்பதாக கூறப்படும் நிலையில் 5 பேர் குறித்த விபரங்கள் மட்டுமே தெரிய வந்துள்ளது. எனவே விடுவிக்கப்பட்டும், மீள்குடியேற்ற நடவடிக்கை எடுக்கப்படாததால் இலங்கை காவலில் இருக்கும், தமிழக மீனவர்கள் தொடர்பான விபரங்களை நீதிமன்றத்தில் தாக்கல் செய்யவும், மீள்குடியேற்றத்திற்கு 7 நாட்களுக்குள்ளாக உரிய நடவடிக்கை எடுக்கும் வகையில் செயல்முறையை உருவாக்கவும், உத்தரவிட வேண்டும்"என கூறியிருந்தார்.

விரைவில் இந்தியா திரும்புவர்

இந்த இந்த வழக்கு நீதிபதிகள் வேல்முருகன், ராமகிருஷ்ணன் அமர்வில் விசாரணைக்கு வந்தது. கடந்த சில மாதங்களுக்கு முன், இலங்கை சிறையில் நடந்த கலவரத்தில் தமிழர்கள் யாரும் பாதிக்கப்படவில்லை. தமிழக மீனவர்கள் அத்துமீறிஎல்லை தாண்டி நுழைந்து மீன்பிடித்தது உள்ளிட்ட காரணங்களால் கைது செய்யப்படுகின்றனர். எல்லை தாண்டி மீன்பிடித்ததாகவும் இன்னும் பல குற்றச்சாட்டுகளில் தமிழக மீனவர்கள் உட்பட 39 இந்திய மீனவர்கள் இலங்கையில் உள்ள சிறைகளில் உள்ளனர். இதில் மனுதாரர் குறிப்பிட்டுள்ள தமிழக மீனவர்கள் உள்பட 12 இந்திய மீனவர்கள் விடுவிக்கப்பட்டனர். அடுத்த கட்டமாக, 16 மீனவர்கள் விரைவில் விடுவிக்கப்பட உள்ளனர். மீதமுள்ள 11 மீனவர்கள், மூன்று மாதம் முதல் ஆறு மாதம் வரை சிறை தண்டனை பெற்று உள்ளனர். இந்தியா- இலங்கை ஒப்பந்தப்படி தூதரக அதிகாரிகள் பேச்சுவார்த்தை நடத்தி, அவர்களின் தண்டனை குறைக்கப்பட்டு, விரைவில் இந்தியா திரும்புவர் என வெளியுறவுத் துறை சார்பில் தாக்கல் செய்யப்பட்டுள்ள பதில் மனுவில் தெரிவிக்கப்பட்டுள்ளது. இதை பதிவு செய்து கொண்ட நீதிபதிகள், மனுவை முடித்து வைத்து உத்தரவிட்டனர்.

நெல்லை கூத்தன்குளம் பறவைகள் சரணாலயம்: கல்குவாரிக்கு தடை கோரிய வழக்கில் நீதிமன்றம் அதிரடி!

அருண் சின்னதுரை — Mon, 5 Oct 2026 21:24:30 +0530

நெல்லை கூத்தன்குளம் பறவை சரணாலயத்திற்கு அருகில் கல்குவாரி நடவடிக்கைகளுக்கு தடை கோரிய வழக்கு

பொதுநல வழக்கு தாக்கல்

நெல்லை பாப்பன்குளத்தை சேர்ந்த நிக்சன் ஞானசிங் உயர்நீதிமன்ற மதுரை அமர்வில் பொதுநல வழக்கினைத் தாக்கல் செய்திருந்தார். அதில், "நெல்லை பாப்பன்குளம் கிராமத்தில் கூத்தன்குளம் பறவைகள் சரணாலயம் மற்றும் ஈர நிலங்கள் உள்ளன. இந்த பகுதியில் ஆண்டுதோறும் ஒரு லட்சத்திற்கும் அதிகமான பறவைகள் வலசை வருகின்றன. இதன் காரணமாக பாப்பன்குளம் கிராம பொதுமக்கள் தீபாவளியின் போது கூட பட்டாசுகள் வெடிக்காமல் உள்ளனர். இந்நிலையில் சரணாலயத்தில் இருந்து ஒரு கிலோமீட்டர் தொலைவிற்குள் 4.37 ஹெக்டேர் பரப்பளவில் கல் மற்றும் சரளைக்கான குவாரி நடத்த அனுமதி வழங்கப்பட்டுள்ளது. நெல்லை கூத்தன்குளம் பறவை சரணாலயத்திற்கு அருகில் கல்குவாரி நடத்த வழங்கப்பட்ட சுற்றுச்சூழல் ஒப்புதலை ரத்து செய்வதோடு, அப்பகுதியில் குவாரி தொடர்புடைய நடவடிக்கைகளுக்கு தடை விதித்து உத்தரவிட வேண்டும்" என கூறியிருந்தார். இந்த வழக்கை விசாரித்த நீதிபதிகள் வேல்முருகன், கே.கே.ராமகிருஷ்ணன் அமர்வு, "வழக்கு தொடர்பாக தமிழக முதன்மை தலைமை வன பாதுகாவலர் நெல்லை மாவட்ட ஆட்சியர் பதில் மனு தாக்கல் செய்ய உத்தரவிட்டு வழக்கை ஒத்திவைத்தனர்.