தொகுதிப் பங்கீடு தொடர்பான பேச்சுவார்த்தைக்கு கூட்டணிக் கட்சிகளுக்கு அழைப்பு விடுத்தது திமுக. திமுக-வின் கூட்டணி பங்கீடு பெரும்பாலும் நிறைவடைந்த நிலையில், திமுக வேட்பாளர்கள் பட்டியல் நாளை வெளியாகும் என்று எதிர்பார்ப்பு.
- திமுக கூட்டணியில் 175 தொகுதிகளில் உதயசூரியன் போட்டியிடும் என அறிவிப்பு.
அதிமுக வேட்பாளர்கள் பட்டியல் இன்று வெளியாகியுள்ளது. முதற்கட்டமாக 23 பேர் கொண்ட பட்டியலை வெளியிட்டார் கட்சியின் பொதுச் செயலாளர் எடப்பாடி பழனிசாமி.
சட்டமன்ற தேர்தலுக்கான பரப்புரையை திருவாரூரில் நாளை தொடங்குகிறார் மு.க.ஸ்டாலின். மயிலாப்பூரில் எடப்பாடி பழனிசாமி இன்று பரப்புரையை தொடங்குகிறார்.
- சென்னையில் ஆபரணத் தங்கத்தின் விலை சவரனுக்கு ரூ.2,800 உயர்ந்து, ஒரு சவரன் ரூ.1,08,800-க்கு விற்பனை. ஒரு கிராம் ரூ.13,600-க்கு விற்பனை.
- ஈரானின் சபஹார் துறைமுக திட்டத்திற்கு இனி எந்த கூடுதல் நிதியுதவியும் வழங்கப்படாது என நாடாளுமன்றத்தில் மத்திய அரசு தெரிவித்துள்ளது.
- குஜராத் சட்டப்பேரவையில் பொது சிவில் சட்ட மசோதா நிறைவேற்றம். இதன்மூலம், திருமணம், விவாகரத்து, வாரிசு உரிமை மற்றும் லிவ்-இன் உறவுகள் ஆகியவற்றுக்கு மதம் கடந்து பொதுவான விதிகள் அமல்படுத்தப்பட உள்ளன.
- மத்திய கிழக்கு போரை முடிவுக்க கொண்டுவர மத்தியஸ்தம் செய்யும் முயற்சியில் ஈடுபட்டுள்ளது பாகிஸ்தான்.
- ஈரானுடன் பேச்சுவார்த்தை நடத்த, அமெரிக்க துணை அதிபர் ஜே.டி. வான்ஸ் தலைமையிலான குழு 15 அம்ச திட்டத்துடன் விரைவில் பாகிஸ்தான் செல்ல திட்டமிட்டுள்ளதாக தகவல்.
- ஈரானுடன் அமெரிக்கா நடத்தும் அமைதிப் பேச்சுவார்த்தையில், தங்களுக்கு எந்த தொடர்பும் இல்லை என இஸ்ரேல் அரசு அறிவிப்பு.
- எரிபொருள் தட்டுப்பாட்டால் உலகின் முதல் நாடாக அவசர நிலையை பிரகடனம் செய்துள்ளது பிலிப்பைன்ஸ் அரசு. மத்திய கிழக்கு போரால் பெட்ரேல், டீசலின் விலை அந்நாட்டில் இருமடங்கு அதிகரித்ததால் நடவடிக்கை.
- AI வீடியோ உருவாக்கும் செயலியான Sora-வை மூடுவதாக OpenAI அறிவிப்பு.