Top 10 News Headlines: சிலிண்டர் பிரச்னையில் தீர்வு.. பாஜகவுக்கு எச்சரிக்கை.. 11 மணி செய்திகள் இதோ!

Top 10 News Headlines Today March 13th: இந்தியா முழுவதிலும் காலை முதல் 11 மணி வரை நடைபெற்ற முக்கிய நிகழ்வுகளை தலைப்புச் செய்திகளாக தற்போது பார்க்கலாம்.

இந்தியா செய்திகள்

Source : ABPLIVE AI

• பொதுச்செயலாளர் எடப்பாடி பழனிசாமி முன்னிலையில் நாம் தமிழர் கட்சியின் முன்னாள் நிர்வாகி காளியம்மாள் அதிமுகவில் இணைந்தார். அதிமுகவில் இணைந்தது ஒருங்கிணைந்து எடுத்த முடிவு என தெரிவித்துள்ளார்.
• ஒகேனக்கல் கூட்டுக் குடிநீர் திட்டத்திற்கு ஒப்புதலையும், ஜல் ஜீவன் திட்டத்தின் கீழ் வழங்க வேண்டிய நிலுவை நிதியையும் அளிக்க வேண்டும் என முதலமைச்சர் ஸ்டாலின் பிரதமர் மோடிக்கு கடிதம் எழுதியுள்ளார். 
• அதிமுகவின் எடப்பாடி பழனிசாமியை எதிர்த்து புதிதாக கட்சி தொடங்கிய சசிகலா முன்னதாக கொடியை மட்டும் அறிமுகம் செய்திருந்தார். இன்று கட்சியின் பெயரை  நண்பகல் 12 மணிக்கு அறிவிக்கிறார்.
• வேளச்சேரி - பரங்கிமலை பாதையில் மார்ச் 14ம் தேதி முதல் ரயில்கள் இயக்கப்படுகிறது. சென்னை கடற்கரை - பரங்கிமலை இடையே  43 ஜோடி பறக்கும் ரயில்களும், சென்னை கடற்கரை - வேளச்சேரி இடையே 2 ஜோடி ரயில்களும்  பரங்கிமலை - வேளச்சேரி இடையே 3 ஜோடி ரயில்கள் இயக்கப்படும் என தெரிவிக்கப்பட்டுள்ளது. 
• திமுகவில் இணைந்த ஓ.பன்னீர்செல்வம் இன்று முதல் தொகுதி வாரியாக பிரசாரம் மேற்கொள்கிறார். தென்காசியில் இன்று தொடங்கி கடையநல்லூர், சங்கரன்கோவில், வாசுதேவநல்லூரில் பரப்புரை மேற்கொள்கிறார்.
• மதுரையில் 398 சிலிண்டர்களை கள்ளச்சந்தையில் விற்பனை செய்த இருவரை குண்டர் சட்டத்தின்கீழ் கைது செய்து போலீசார் விசாரணை நடத்தி வருகின்றனர். மேலும் சிலிண்டர் தட்டுப்பாடு குறித்து வதந்தி பரப்புவோர் மீது நடவடிக்கை எடுக்கப்படும் என தெரிவிக்கப்பட்டுள்ளது. 
• ஐ.நா. பாதுகாப்பு கவுன்சிலில் ஈரான் நாட்டைக் கண்டித்து தீர்மானத்தை முன்மொழிந்த இந்தியா, அமெரிக்க - இஸ்ரேல் போரை கண்டித்து ஒரு வார்த்தை கூட பேசவில்லை என ப.சிதம்பரம் கடுமையாக விமர்சித்துள்ளார். 
• போர் பதற்றத்தால் ஏற்பட்டுள்ள எரிபொருள் தட்டுப்பாடு காரணமாக இந்தியாவின் உதவியை அண்டை நாடுகள் நாடி வருகிறது. உற்பத்தி அளவை கணக்கிட்டே ஏற்றுமதி செய்ய முடியும் என மத்திய அரசு திட்டவட்டமாக கூறியுள்ளதாக தகவல் வெளியாகியுள்ளது.
• தலைமைத் தேர்தல் ஆணையர் ஞானேஷ் குமார் பதவி நீக்கத் தீர்மானத்தில் 193 எதிர்க்கட்சி எம்.பி.க்கள் கையெழுத்திட்டுள்ளதாக தகவல் வெளியாகியுள்ளது. இதனை இன்று மக்களவை அல்லது மாநிலங்களவையில் சமர்ப்பிக்கப்பட உள்ளது.
• புதுச்சேரிக்கு மாநில அந்தஸ்து வழங்குவது உள்ளிட்ட கோரிக்கைகளை நிறைவேற்றாவிட்டால் சட்டப் பேரவைத் தேர்தலில் கூட்டணி வைப்பது தொடர்பாக என பாஜகவுக்கு என்.ஆர்.காங்கிரஸ் எச்சரிக்கை விடுத்துள்ளதாக தகவல் வெளியாகியுள்ளது.
• தமிழ்நாடு உள்ளிட்ட 5 மாநில தேர்தல் தேதியை ஓரிரு நாட்களில் தேர்தல் ஆணையம் அறிவிக்க வாய்ப்புள்ளதாக சொல்லப்படுகிறது. கொல்கத்தாவில் பிரதமர் நிகழ்ச்சிகள் நடைபெற உள்ள நிலையில் மார்ச் 15 அல்லது 16ஆம் தேதி அறிவிப்பு வெளியாகலாம் என கூறப்படுகிறது. 
• இந்தியாவின் 33 கோடி குடும்பங்களின் வீடுகளுக்கும் தட்டுப்பாடின்றி கேஸ் சிலிண்டர்கள் கிடைக்க முன்னுரிமை அளிக்கப்படும் என மத்திய அமைச்சர் ஹர்தீப் சிங் புரி உறுதி அளித்துள்ளார்.