Top 10 News Headlines: திமுகவில் வைத்திலிங்கம், NDA கூட்டணியில் அமமுக, தாறுமாறாக உயர்ந்த தங்கம், ஈரானை எச்சரித்த ட்ரம்ப் - 11 மணி செய்திகள்

Top 10 News Headlines Today Jan. 21st: இந்தியா முழுவதிலும் காலை முதல் 11 மணி வரை நடைபெற்ற முக்கிய நிகழ்வுகளை தலைப்புச் செய்திகளாக தற்போது பார்க்கலாம்.

11 மணி தலைப்புச் செய்திகள்

Source : ABP

• மறைந்த முன்னாள் சட்டமன்ற உறுப்பினர்கள் உள்ளிட்டோரின் மறைவுக்கு இரங்கல் தெரிவித்து பேரவை நிகழ்வுகள் ஒத்திவைப்பு. மீண்டும் நாளை காலை 9.30 மணிக்கு பேரவை கூடும் என அறிவிப்பு.
• அதிமுக தலைமையிலான தேசிய ஜனநாயக கூட்டணியில் இணைந்துள்ளத டிடிவி தினகரனின் அம்மா மக்கள் முன்னேற்றக் கழகம். அமமுக மாவட்ட செயலாளர்கள் கூட்டத்திற்குப் பின் இதனை அறிவித்தார் டிடிவி தினகரன்.
• ஓபிஎஸ் ஆதரவாளர் வைத்திலிங்கம் திமுக தலைவரும், முதலமைச்சருமான மு.க. ஸ்டாலினை சந்தித்து திமுகவில் தன்னை இணைத்துக் கொண்டார்.
• சென்னையில் ஜன.23 ஆம் தேதி பிரதமர் மோடி வருகையை ஒட்டி டிரோன்கள் பறக்கத் தடை
  பிரதமர் வருகையையொட்டி மீனம்பாக்கம், கிண்டி "சிவப்பு மண்டலமாக (RED ZONE)" அறிவிப்பு
• அதிமுக-பாஜக கூட்டணியில் தேமுதிக உள்ளிட்ட கட்சிகளை இணைக்கும் முயற்சியில் அந்தந்த கட்சிகளுடன் இன்று பியூஷ் கோயல் உள்பட பாஜக மேலிட பொறுப்பாளர்கள் பேச்சுவார்த்தை நடத்த இருப்பதாக தகவல்
• சென்னையில் ஆபரணத் தங்கம் நேற்று ரூ.3,600 கூடிய நிலையில், இன்று சவரனுக்கு ரூ.2,800 உயர்ந்தது. அதன்படி, ஒரு சவரன் ரூ.1,14,000-க்கும், ஒரு கிராம் ரூ.14,250-க்கும் விற்பனை.
• பூந்தமல்லி-வடபழனி இடையேயான மெட்ரோ ரயில் சேவைக்கு இறுதிகட்ட ஒப்புதல் வழங்கியது ரயில்வே வாரியம். விரைவில் பொதுமக்கள் பயன்பாட்டிற்கு திறக்கப்படும் என எதிர்பார்ப்பு.
• நாசாவில் 27 ஆண்டுகள் பணியாற்றிய இந்திய வம்சாவளியைச் சேர்ந்த மூத்த விண்வெளி வீராங்கனை சுனிதா வில்லியம்ஸ் ஓய்வுபெற்றார்.
• வங்கதேசத்தில் உள்ள இந்திய தூதரகங்களை 'Non Family Posting'ஆக வகைப்படுத்தியது இந்தியா.! அதிகாரிகளின் குடும்பங்களை திரும்ப அழைத்துவர இந்தியா முடிவு.
• இந்திய பெருங்கடலில் உள்ள சாகோஸ் தீவுகளை மொரீஷியஸ் நாட்டிடம் ஒப்படைக்கும் பிரிட்டனின் முடிவு முட்டாள்தனம் என கடும் எதிர்ப்பு தெரிவித்துள்ளார் அமெரிக்க அதிபர் ட்ரம்ப்.
• தான் கொல்லப்பட்டால் இந்த உலகத்திலிருந்து ஈரான் துடைத்து எறியப்படும் என அமெரிக்க அதிபர் ட்ரம்ப் எச்சரிக்கை விடுத்துள்ளார்.
• இந்தியாவன் புகழ்பெற்ற பேட்மிண்டன் வீராங்கனை சாய்னா நேவால் ஓய்வு பெறுவதை உறுதி செய்துள்ளார். மூட்டு வலி காரணமாக விளையாட முடியாது என அவர் கூறியுள்ளார்.
• ஐபிஎல் தொடரின் ஸ்பான்சர்களில் ஒன்றாக இணைந்தது கூகுள் ஜெமினி. ரூ.270 கோடிக்கு 3 ஆண்டுகளுக்கான ஒப்பந்தம் கையெழுத்தானதாக அதிகாரப்பூர்வ அறிவிப்பு.