Top 10 News Headlines: நாடாளுமன்றத்துக்கு வெடிகுண்டு மிரட்டல்.. அதிமுக பெயரை சொல்ல விஜய்க்கு பயம்.. 11 மணி வரை இன்று!

Top 10 News Headlines Today Februrary 9th: இந்தியா முழுவதிலும் காலை முதல் 11 மணி வரை நடைபெற்ற முக்கிய நிகழ்வுகளை தலைப்புச் செய்திகளாக தற்போது பார்க்கலாம்.

இந்தியா செய்திகள்

Source : ABPLIVE AI

• தமிழக வெற்றிக் கழகத்தலைவர் விஜய் பேசினால் எதிர்க்கட்சிகள் கதை முடிந்து விடும் என அக்கட்சி நிர்வாகி செங்கோட்டையன் தெரிவித்துள்ளார். விஜய் பேசினால் அது தமிழ்நாடு மட்டுமல்ல இந்தியாவே திரும்பி பார்க்கும் நாளாக அமையும் எனவும் அவர் கூறியுள்ளார். 
• தேர்வு மையம் குளறுபடி ஏற்பட்டதால் டிஎன்பிஎஸ்சி குரூப் 2 முதன்மை தேர்வுகள் தமிழ்நாடு முழுவதும் ஒத்திவைப்பு - தேர்வு கட்டுப்பாட்டு அலுவலர் சண்முக சுந்தரம் இடமாற்றம் செய்யப்பட்டு புதிய அதிகாரியாக வெங்கட பிரியா நியமிக்கப்பட்டுள்ளார்.
• மெர்சல் பட பிரச்னையில், இரவோடு இரவாக அதிமுக ஆட்சிக்காலத்தில் தீர்வு காணப்பட்டது. அதற்காக வாழ்நாள் முழுக்க நன்றிக் கடனோடு இருப்பேன் என்று அன்று கூறினார் விஜய். ஆனால் இன்று அதிமுக பெயரை சொல்லவே பயப்படுகிறார் என  அதிமுக முன்னாள் அமைச்சர் கடம்பூர் ராஜூ விமர்சனம் செய்துள்ளார்.
• மத்திய அரசு முறையான நிதி பகிர்வையும், மாநில அரசு திட்டத்திற்கு நிதியை வழங்கவில்லை. மத்திய அரசு செயற்கையாக நிதி பற்றாக்குறையை உருவாக்கப் பார்க்கிறது என முதலமைச்சர் ஸ்டாலின் தெரிவித்துள்ளார். 
• இந்தியாவில் உள்ள நம்மில் பலரைப் போலவே சிங்கப்பூர் பிரதமர் அன்வர் இப்ராஹிமும் எம்.ஜி.ஆரின் தீவிர ரசிகர். தமக்கு அன்வர் இப்ராஹிம் அளித்த மதிய விருந்தின்போது எம்ஜிஆர் நடித்த 'நாளை நமதே' படத்தின் பாடல்களும் இடம்பெற்றன என 2 நாட்கள் அரசுமுறை பயணமாக மலேசியா சென்றுள்ள பிரதமர் மோடி எக்ஸ் தளத்தில் பதிவிட்டுள்ளார். 
• வரும் தமிழக சட்டமன்ற தேர்தலில் தவெக தலைவர் விஜய் நிச்சயம் தாக்கத்தை ஏற்படுத்துவார் என மத்திய நிதியமைச்சர் நிர்மலா சீதாராமன் தெரிவித்துள்ளார். ஆனால் அவர் யார் வாக்குகளை பறிக்கப்போகிறார் என்பது தான் கேள்வியாக உள்ளது எனவும் அவர் கூறியுள்ளார். 
• நாடாளுமன்றத்துக்கு மின்னஞ்சல் மூலம் வெடிகுண்டு மிரட்டல் விடுக்கப்பட்டதால் பெரும் பரபரப்பு ஏற்பட்டுள்ளது. மோப்ப நாய்கள் உதவியுடன் வெடிகுண்டு நிபுணர்கள் தீவிர சோதனையிட்டு வருகின்றனர். காலிஸ்தான் தேசிய படை என்ற பெயரில் மிரட்டல் வந்துள்ளதாகத் தகவல் வெளியாகியுள்ளது. 
• PM CARES நிதி குறித்து நாடாளுமன்றத்தில் எம்.பி.க்கள் கேள்வி எழுப்ப அதிகாரமில்லை என பிரதமர் அலுவலகம் திட்டவட்டமாக தெரிவித்துள்ளது.  இந்திய அரசுக்கு சம்மந்தம் இல்லாத விஷயங்கள், அரசின் பொறுப்பின்கீழ் வராத அமைப்புகள், தனி நபர்கள் குறித்து கேள்வி எழுப்பக் கூடாது என்ற விதிகளை சுட்டிக் காட்டி விளக்கம் கொடுக்கப்பட்டுள்ளது.
• டி20 உலகக்கோப்பை தொடரில் இன்று நடக்கும் ஆட்டத்தில் ஸ்காட்லாந்து - இத்தாலி, ஜிம்பாப்வே - ஓமன், தென்னாப்பிரிக்கா - கனடா ஆகிய அணிகள் இடையே போட்டி நடைபெறுகிறது. இரண்டு போட்டிகள் இந்தியாவிலும், ஒரு போட்டி இலங்கையிலும் நடைபெறுகிறது.
• டி20 உலகக்கோப்பை தொடரில் இந்தியாவுக்கு எதிரான போட்டியில் பாகிஸ்தான் அணி விளையாடுமா இல்லையா என்பது 24 மணி நேரத்தில் பாகிஸ்தான் கிரிக்கெட் வாரியம் முடிவெடுக்கும் என தகவல் வெளியாகியுள்ளது.