Top 10 News Headlines: இந்திய மாணவர்களுக்கு ஜாக்பாட்.. தவெக தொண்டர்களுக்கு பயிற்சி.. 11 மணி செய்திகள் இதோ!

Top 10 News Headlines Today Februrary 20th: இந்தியா முழுவதிலும் காலை முதல் 11 மணி வரை நடைபெற்ற முக்கிய நிகழ்வுகளை தலைப்புச் செய்திகளாக தற்போது பார்க்கலாம்.

இந்தியா செய்திகள்

Source : ABPLIVE AI

• காங்கிரஸ் கட்சியின் உட்கட்சி மோதலில் கதர் சட்டைகள் கிழிவது புதிதல்ல என வைகோ விமர்சனம் - கூட்டணி குறித்து பேச கூடாது என்று அகில இந்திய காங்கிரஸ் தலைமை சொன்ன ஒத்த வார்த்தைக்கு மரியாதை கொடுத்து இதை தாண்டி பொறுமையுடன் கடந்து போறேன்.  பயந்து அல்ல என மாணிக்கம் தாகூர் பதிலடி கொடுத்துள்ளார். 
• தாம்பரம் செங்கல்பட்டு இடையே மின்சார ரயில்கள் சேவை குறைப்பு காரணமாக தாம்பரம் ரயில் நிலையத்தில் பயணிகள் கூட்டம் அலைமோதியது. சிக்னல் கோளாறு காரணமாக ரயில்கள் நடுவழியில் நின்றதால் பயணிகள் அவதியடைந்தனர்.
• தென்கிழக்கு வங்கக்கடலில் உருவாகியுள்ள புதிய காற்றழுத்த தாழ்வுப்பகுதி காரணமாக குமரி, நெல்லை, தூத்துக்குடியில் பிப்ரவரி 21ம் தேதி இடி, மின்னலுடன் பலத்த மழை பெய்யும் என சென்னை வானிலை ஆய்வு மையம் தெரிவித்துள்ளது.  
• தமிழ்நாட்டு அரசியலை பொறுத்தவரை கூட்டணி ஆட்சி என்பது சாத்தியப்படாது என மதிமுக முதன்மை செயலாளர் வைகோ கூறியுள்ளார். கூட்டணி ஆட்சி என்ற கோரிக்கையை முன்வைக்க மாட்டோம் எனவும் தெரிவித்துள்ளார்.
• தமிழக சட்டப்பேரவை இடைக்கால பட்ஜெட் கூட்டத்தொடர் இன்றுடன் நிறைவடைகிறது. பட்ஜெட் குறித்த கேள்விகளுக்கு தங்கம் தென்னரசு இன்று பதிலுரை அளித்திருக்கிறார். 
• மார்ச் 1ம் தேதி ஒவ்வொரு தொகுதியிலும் செயல்வீரர்கள் ஆலோசனை கூட்டத்தை நடத்த வேண்டும். தேர்தல் பணிகளில் தீவிரம் காட்ட வேண்டும். தேர்தல் பணிகள் குறித்து அனைத்து நிர்வாகிகளுக்கும் மாவட்ட செயலாளர்கள் விளக்க வேண்டும் என தவெக மாவட்ட செயலாளர்களுக்கு விஜய் உத்தரவிட்டுள்ளார். 
• மத்திய பாஜக அரசு CBI உள்ளிட்டவை மூலம் இப்போதுதான் அழுத்தம் தர ஆரம்பித்துள்ளது. பாஜக கொள்கை எதிரி என துணிச்சலாக அறிவித்தவர் விஜய்.  பாஜகவைப் பற்றி விஜய் பேசவில்லை என்ற குற்றச்சாட்டை ஏற்கவே முடியாது என தவெக நிர்வாகி அருண்ராஜ் தெரிவித்துள்ளார். 
• சென்னையில் ஆபரணத் தங்கத்தின் விலை இன்று சவரனுக்கு ரூ.640 குறைந்து, ரூ. 1,15,360க்கும், கிராம் ரூ.14,420க்கும் விற்பனை செய்யப்படுகிறது.
• இந்திய கல்லூரி மாணவர்கள் அனைவருக்கும் Photoshop, Acrobat, Firefly Al, Premiere உள்ளிட்ட கிரியேட்டிவ் செயலிகளை இலவசமாக வழங்கப் போவதாக Adobe நிறுவனம் அறிவித்துள்ளது. 
• டி20 உலக கோப்பை தொடரில்  ஆஸ்திரேலியாவை தொடர்ந்து இலங்கையையும் வீழ்த்தி 'குரூப் பி' பிரிவில் முதலிடம் பிடித்து  அசத்தியுள்ளது. ஏற்கனவே அந்த அணி சூப்பர் 8 சுற்றுக்கு தகுதி பெற்றுவிட்டது.  வழக்கமாக லீக் தொடருடன் வெளியேறும் ஜிம்பாப்வே இம்முறை சிறப்பாக விளையாடி வருகிறது.