Top 10 News Headlines: முதல்வர் சுற்றுப்பயணத்தில் மாற்றம்.. பாகிஸ்தானுடன் மோதும் இந்தியா.. 11 மணி செய்திகள்!

Top 10 News Headlines Today Februrary 15th: இந்தியா முழுவதிலும் காலை முதல் 11 மணி வரை நடைபெற்ற முக்கிய நிகழ்வுகளை தலைப்புச் செய்திகளாக தற்போது பார்க்கலாம்.

இந்தியா செய்திகள்

Source : ABP

• சென்னை மத்திய கைலாஷ் பகுதியில் கட்டப்பட்ட எல் வடிவ மேம்பாலத்தை முதலமைச்சர் ஸ்டாலின் பொதுமக்கள் பயன்பாட்டுக்காக திறந்து வைத்தார். இதன்மூலம் ஓ.எம்.ஆர். சாலையில் போக்குவரத்து நெருக்கடி குறையும் என எதிர்பார்க்கப்படுகிறது. 
• சென்னையில் அறநிலையத் துறை சார்பில் வள்ளலார் மாநாட்டில் பங்கேற்று மூலிகை கண்காட்சியை முதலமைச்சர் ஸ்டாலின் பார்வையிட்டார்.
• கன்னியாகுமரி செல்லும் முதலமைச்சர் ஸ்டாலின் சுற்றுப்பயணத்தில் மாற்றம் செய்யப்பட்டுள்ளது. பிப்ரவரி 19, 20க்கு பதிலாக 24,25 ஆகிய தேதிகளில் வருகை தருவார் என தெரிவிக்கப்பட்டுள்ளது. 
• பசும்பொன்னில் பிப்ரவரி 24ல் ச‌சிகலா நடத்தும் பொதுக்கூட்டத்திற்கு பந்தல்கால் நடும் நிகழ்ச்சி நடைபெற்றது. புதிய கட்சி அறிவிப்பை வெளியிடவுள்ளதாக தகவல் வெளியாகியுள்ளது.
• சென்னை மெரினா கடற்கரையில் இன்று இந்தியா - பாகிஸ்தான் போட்டி நேரடி ஒளிபரப்பு செய்யப்படும் என சென்னை மாநகராட்சி அறிவித்துள்ளது. 
• தவெக தலைவர் விஜய்யுடன் நடிகை ஒருவரை நயினார் நாகேந்திரன் இணைத்து பேசிய விவகாரம் - தமிழக பெண் எம்.பி.,க்கள் கடுமையான கண்டனம் தெரிவித்துள்ளனர்.
• மறைந்த தயாரிப்பாளர் ஆர்.எம்.வீரப்பனின் மகன் தமிழழகன் மறைவுக்கு நடிகர் ரஜினிகாந்த் இரங்கல் தெரிவித்துள்ளார். அன்பு தம்பி தமிழழகன் மறைவு வேதனை அளிக்கிறது; அவரது ஆன்மா சாந்தியடையட்டும் என தெரிவித்துள்ளார்.
• காங்கிரஸ் கட்சி மிகவும் ஆபத்தானது. சட்டவிரோத ஊடுருவலுக்கு முற்றுப்புள்ளி வைக்க பாஜக உறுதி பூண்டுள்ளதாக பிரதமர் மோடி தெரிவித்துள்ளார். 
• நாடு முழுவதும் மகா சிவராத்திரி இன்று கோலாகல கொண்டாட்டம் - சிவ ஆலயங்களில் பக்தர்கள் கூட்டம் குவிந்து வரும் நிலையில் முன்னேற்பாடுகள் செய்யப்பட்டுள்ளது.  
• இந்திய தலைமை தேர்தல் ஆணையர் ஞானேஷ் குமாரை பதவி நீக்கம் செய்ய வேண்டும் என நோட்டீஸ் வழங்க எதிர்க்கட்சிகள் திட்டமிட்டுள்ளதாக தகவல் வெளியாகியுள்ளது.
• டி20 உலகக்கோப்பை போட்டியில் இன்று நடைபெறும் ஆட்டத்தில் இந்தியா பாகிஸ்தான் அணிகள் நேருக்கு நேர் மோதுகின்றது. இந்த போட்டி கொழும்புவில் நடைபெறுகிறது. 
• நடிகர் விஜய் நடித்துள்ள ஜனநாயகன் படம் ஏப்ரல் 30க்கு முன் வெளியாக வாய்ப்பில்லை என அப்படத்தின் கனடா நாட்டின் விநியோக நிறுவனமான யார்க் சினிமாஸ் தெரிவித்துள்ளது.