Top 10 News Headlines: நிர்வாகிகளுக்கு விஜய் போட்ட தடை.. பிரதமர் மோடியின் சாதனை.. 11 மணி செய்திகள் இதோ!

Top 10 News Headlines Today February 26th: இந்தியா முழுவதிலும் காலை முதல் 11 மணி வரை நடைபெற்ற முக்கிய நிகழ்வுகளை தலைப்புச் செய்திகளாக தற்போது பார்க்கலாம்.

இந்தியா செய்திகள்

Source : ABP

• தலைமைக் கழகத்தின் அனுமதியின்றி, கழக மாநில மற்றும் மாவட்டக் கழக நிர்வாகிகள், தோழர்கள் யாரும் எவ்வித ஊடக விவாதங்களிலும் பங்கேற்கக் கூடாது என தவெக தலைவர் விஜய் உத்தரவிட்டுள்ளார்.
• உடல்நலக்குறைவால் உயிரிழந்த இந்திய கம்யூனிஸ்ட் கட்சியின் மூத்த தலைவர் நல்லகண்ணு உடலுக்கு அரசியல், திரையுலக பிரமுகர்கள், பொதுமக்கள் என பலரும் அஞ்சலி செலுத்தினர்.இன்று அரசு மரியாதையுடன் அவரது உடல் மருத்துவகல்லூரி தானமாக வழங்கப்படுகிறது. 
• செங்கல்பட்டு மாவட்டம் திருவான்மியூர் முதல் உத்தண்டி வரை ரூ.2,100 கோடியில் அமைக்கப்படவுள்ள சாலை மேம்பாலம் அமைக்கும் பணிக்கு முதல்வர் ஸ்டாலின் அடிக்கல் நாட்டினார்.
• கோவையில் மூளைச்சாவு அடைந்த 8 வயது சிறுமியின் உடல் உறுப்புகள் தானம் அளிக்கப்பட்டது. மகளின் உடல்உறுப்புகளை தானம் செய்ய பெற்றோர் முன்வந்த நிலையில்  7 பேருக்கு அவர் மறுவாழ்வு கொடுத்துள்ளார்.
• கரூரில் 41 பேர் இறந்தபோது, அங்கே செல்லாமல் சென்னை போன விஜய் திரும்பி வரவே இல்லை.  தலைவன் என்று நீங்கள் சொல்லும்போது மக்கள் உயிரை காப்பாற்ற வேண்டும் என முன்னாள் அமைச்சர் எஸ்.பி.வேலுமணி தெரிவித்துள்ளார்.
• மடப்புரம் கோவில் காவலாளி அஜித் குமார் கொலை வழக்கில் வழக்கு தொடர்பாக மானாமதுரை டிஎஸ்பி சண்முகசுந்தரம் ஆஜராகாத நிலையில் பிடிவாரண்ட் பிறப்பிக்கப்பட்டது. 
• சென்னை வேளச்சேரி - பரங்கிமலை இடையே  மார்ச் 10ம் தேதி முதல் புறநகர் ரயில் சேவை தொடங்கப்படும் என தெற்கு ரயில்வே அறிவித்துள்ளது. ஏற்கனவே எழும்பூர் ரயில் நிலைய பணிகளால் அவதிப்படும் மக்களுக்கு இது வரப்பிரசாதமாக அமையும் என எதிர்பார்க்கப்படுகிறது.
• தமிழகத்தில் 6 மாநிலங்களவை உறுப்பினர் பதவிக்கு வேட்புமனு தாக்கல் இன்று தொடங்குகிறது. அடுத்த சில தினங்களில் வேட்பாளர்கள் பெயரை திமுக மற்றும் அதிமுக அறிவிக்கும் என எதிர்பார்க்கப்படுகிறது.
• தமிழக சட்டமன்ற தேர்தல் முன்னேற்பாடுகள் தொடர்பாக இந்திய தலைமை தேர்தல் ஆணையர் தலைமையில் சென்னையில் இன்றும், நாளையும் ஆலோசனை நடைபெறுகிறது. இன்று அங்கீகரிக்கப்பட்ட தேசிய மற்றும் மாநில கட்சிகள் ஆலோசனைக் கூட்டத்தில் பங்கேற்கின்றன. 
• நடிகர் விஜய் தேவரகொண்டா, நடிகை ராஷ்மிகா மந்தனா இருவரும் திருமணம் இன்று நடைபெறும் நிலையில் ரசிகர்கள் சமூக வலைத்தளங்களில் வாழ்த்துகளை தெரிவித்து வருகின்றனர்.
• இன்ஸ்டாகிராமில் பிரதமர் மோடியின் பக்கம் 100 மில்லியன் ஃபாலோயர்ஸ்களை கடந்த முதல் உலக தலைவர் என்ற பெருமையப் பெற்றார். இரண்டாமிடத்தில் 43 மில்லியன் ஃபாலோயர்ஸ்களுடன் அமெரிக்க அதிபர் டொனால்ட் ட்ரம்ப் உள்ளார். 
• டி20 உலகக்கோப்பை சூப்பர் 8 சுற்றில் இந்தியா, ஜிம்பாப்வே அணிகள் இன்று மோதுகின்றது. இந்த போட்டி இரவு 7 மணிக்கு சேப்பாக்கம் மைதானத்தில் தொடங்குகிறது.