Top 10 News Headlines: “தெற்கை புயலாக மாற்றாதீர்கள்“, திமுக எம்பி சல்மா கருத்தால் சர்ச்சை, ஈரான்-ட்ரம்ப் புதிய பதிவு - 11 மணி செய்திகள்

Top 10 News Headlines Today Apr. 8th: இந்தியா முழுவதிலும் காலை முதல் 11 மணி வரை நடைபெற்ற முக்கிய நிகழ்வுகளை தலைப்புச் செய்திகளாக தற்போது பார்க்கலாம்.

11 மணி தலைப்புச் செய்திகள்

Source : ABPLIVE AI

1. தென்றலாக இருக்கும் தெற்கை புயலாக மாற்றாதீர்கள் என்று மத்திய அரசுக்கு எதிராக சீறியுள்ள முதலமைச்சர் மு.க. ஸ்டாலின் தொகுதி மறுவரையறையை எப்படி நடத்தப் போகிறார்கள் என்பதை அறிவிக்காமல், மத்திய அரசு இதுவரை ரகசியம் காப்பது ஏன் என கேள்வி எழுப்பியுள்ளார்.
2. தமிழ்நாடு சட்டப்பேரவை தேர்தலை ஒட்டி, 234 தொகுதிகளில் இருந்தும் சுமார் 4,994 வேட்புமனுக்கள் ஏற்கப்பட்டுள்ளதாக தகவல். நாளை (ஏப்.9) வெளியாகிறது இறுதி வேட்பாளர் பட்டியல் - ஏப்.23ம் தேதி வாக்குப்பதிவு நடைபெற உள்ளது.
3. திருவண்ணாமலையில் கருணாநிதி சிலைக்கு மாலை அணிவித்து முதலமைச்சர் மு.க. ஸ்டாலின் மரியாதை - தொடர்ந்து நடைபயிற்சி சென்றபடி வாக்கு சேகரித்தார்.
4. வெற்றிக்கு வாய்ப்பில்லை என்பதாலேயே அண்ணாமலை தேர்தலில் போட்டியிடவில்லை என கனிமொழி விமர்சனம்.
5. சட்டமன்றத் தேர்தலையொட்டி தூத்துக்குடியில் தவெக தலைவர் விஜய் இன்று(ஏப்.8) ரோடு ஷோ நடத்தவுள்ளார் - பிற்பகல் 3 மணி முதல் தூத்துக்குடி நகர உட்கோட்டம், மைல் பகுதியில் இருந்து VWD சிக்னல் வரை சாலை நிகழ்ச்சி ( Road Show) நடத்த தேர்தல் ஆணையம் அனுமதி
6. சென்னையில் ஆபரணத் தங்கத்தின் விலை சவரனுக்கு 2 ஆயிரத்து 720 ரூபாய் அதிகரித்து, ஒரு சவரன் ஒரு லட்சத்து 13 ஆயிரத்து 600 ரூபாய்க்கு விற்பனை. வெள்ளி விலை கிராமிற்கு 10 ரூபாய் உயர்ந்து, ஒரு கிராம் 265 ரூபாய்க்கு விற்பனை.
7. பாகிஸ்தானின் தலையீட்டால் அமெரிக்கா - ஈரான் போர் நிறுத்தம் ஏற்பட்டிருப்பதாக திமுகவின் மாநிலங்களவை எம்பி சல்மா தெரிவித்த கருத்தால் சர்ச்சை.
8. ஈரானுடன் 2 வார போர் நிறுத்தத்தை அமெரிக்க அதிபர் ட்ரம்ப் அறிவித்தார். அதனை ஏற்று ஹார்முஸ் ஜலசந்தியை திறக்க ஈரான் ஒப்புக்கொண்டுள்ளது.
9. ஹார்முஸ் ஜலசந்தி திறக்கப்படும் அறிவிப்பு வெளியான உடன், சர்வதேச சந்தையில் கச்சா எண்ணெயின் விலை 20 சதவீதம் வரை சரிந்தது.
10. போர்நிறுத்தம் அறிவிக்கப்பட்டுள்ள நிலையில், ஈரானுக்கு தேவையான அனைத்து உதவிகளையும் செய்ய இருப்பதாக பதிவிட்டுள்ள அமெரிக்க அதிபர் ட்ரம்ப் மத்திய கிழக்கிற்கு இது ஒரு பொற்காலமாக அமையும் என்று கூறியுள்ளார்.