Top 10 News Headlines: கூட்டணி ஆட்சி-இபிஎஸ் பதில், வந்தே பாரத் முன்பதிவில் புதிய வசதி, ட்ரம்ப்பிற்கு வந்த நோய் - 11 மணி செய்திகள்

Top 10 News Headlines Today July 18: இந்தியா முழுவதிலும் இன்று காலை முதல் 11 மணி வரை நடைபெற்ற முக்கிய நிகழ்வுகளை தலைப்புச் செய்திகளாக பார்க்கலாம்.

11 மணி தலைப்புச் செய்திகள்

Source : ABP

• வடகிழக்கு பருவமழை தொடங்கும்முன் மழைநீர் வடிகால் மற்றும் சாலைப் பணிகளை முடிக்க முதலமைச்சர் மு.க. ஸ்டாலின் ஆணை. மாநகராட்சிகள், நகராட்சிகளில் 8,200 புதிய பணிகளை விரைவில் தொடங்கவும் உத்தரவு.
• கூட்டணி ஆட்சி குறித்து நேற்று அண்ணாமலை தெரிவித்த கருத்துக்கு பதிலளித்துள்ள எடப்பாடி பழனிசாமி, வரும் சட்டமன்ற தேர்தலில் வென்றால் அதிமுக தனித்தே ஆட்சி அமைக்கும் என மீண்டும் திட்டவட்டமாக தெரிவித்துள்ளார்.
• சென்னை, செங்கல்பட்டு, திருவள்ளூர், ராணிப்பேட்டை, காஞ்சிபுரம் மாவட்டங்களில் ஓரிரு இடங்களிலும், தேனி, தென்காசி, விழுப்புரம், திருவண்ணாமலை மாவட்டங்களின் ஓரிரு இடங்களில் கனமழையும் பெய்ய வாய்ப்புள்ளதாக வானிலை மையம் தகவல்.
• கேரளாவில், கள்ளில் அனுமதிக்கப்பட்ட ஆல்கஹால் அளவை 8.1%-த்திலிருந்து 8.98%-ஆக மாற்றியுள்ளது அரசு. 16 ஆண்டுகால சட்டப்போராட்டத்திற்குப் பின் இந்த உச்ச வரம்பு மாற்றம் செய்யப்பட்டுள்ளது.
• பீகார் மற்றும் மேற்கு வங்கத்தில் இன்று ரூ.12,000 கோடி மதிப்பிலான வளர்ச்சித் திட்டங்களை தொடங்கி வைக்கிறார் பிரதமர் மோடி.
• அகமதாபாத் விமான விபத்திற்கு விமானி தான் காரணம் எனக் கூறி வெளியான பிரபல அமெரிக்க பத்திரிகையின் அறிக்கையை, அவ்விபத்தின் விசாரணையை மேற்கொண்டுள்ள ஏஏஐபி மறுத்துள்ளது.
• ரயில் பயணிகளின் வசதிக்காக, குறிப்பிட்ட சில வந்தே பாரத் ரயில்களில், கடைசி 15 நிமிடங்களுக்கு முன்பாக முன்பதிவு செய்யும் வசதி அறிமுகப்படுத்தப்பட்டுள்ளது.
• குறுகிய தூர பாலிஸ்டிக் ஏவுகணைகளான பிருத்வி-2 மற்றும் அக்னி-1 ஆகியவற்றை வெற்றிகரமாக சோதித்தது இந்தியா. ஒடிசாவின் சந்திப்பூர் பகுதியில் ஏவப்பட்ட சிறிது நேரத்தில் குறிப்பிட்ட இலக்கை 2 ஏவுகணைகளும் துல்லியமாக தாக்கியதாக பாதுகாப்பு அமைச்சகம் தகவல்.
• அமெரிக்க அதிபர் ட்ரம்ப்பிற்கு 'Chronic Venous Insufficiency' என்ற நோய் கண்டறியப்பட்டுள்ளதாக மருத்துவர்கள் தெரிவித்துள்ளனர். இந்த நோய், கால்களில் இருந்த இதயத்திற்கு ரத்தம் சரியாக திரும்பாததால் ஏற்படுவதாக தெரிவிக்கப்பட்டுள்ளது.
• இங்கிலாந்தில், வாக்களிக்கும் வயதை 16-ஆக குறைக்கு மசோதாவை விரைவில் சட்டமாக்க அந்நாட்டு அரசு திட்டம். வாக்களிக்க உரிமை இருந்தாலும், தேர்தலில் போட்டியிட, லாட்டரி வாங்க, மது அருந்த, திருமணம் செய்ய, போருக்கு செல்ல அனுமதி இல்லை என தெரிவிக்கப்பட்டுள்ளது.