நீதித்துறையை மேம்படுத்த அரசு தன்னால் முடிந்த அனைத்தையும் செய்து வருவதாக பிரதமர் நரேந்திர மோடி இன்று தெரிவித்துள்ளார்.
நீதித்துறை உள்கட்டமைப்புகளை மேம்படுத்தவும் அரசு செயல்பட்டு வருகிறது என்றும், நீதிமன்றங்களில் உள்ளூர் மொழிகளை ஊக்குவிக்க வேண்டிய அவசியம் உள்ளது என்றும் இன்று நடைபெற்ற முதலமைச்சர்கள், உயர்நீதிமன்றங்களின் தலைமை நீதிபதிகள் மாநாட்டில் கலந்துகொண்டு பேசினார்.
இதுகுறித்து அவர் பேசுகையில், நீதிமன்றங்களில் உள்ளூர் மொழிகளை ஊக்குவிக்க வேண்டும். இது நாட்டின் சாமானிய குடிமக்களுக்கு நீதி அமைப்பில் நம்பிக்கையை அதிகரிக்கும். அவர்கள் அதனுடன் இணைந்திருப்பதை உணருவார்கள்" என்று மாநில முதல்வர்கள் மற்றும் தலைமை நீதிபதிகளின் கூட்டு மாநாட்டில் பிரதமர் மோடி பேசினார்.
இந்தியத் தலைமை நீதிபதி உள்ளூர் மொழிகளைப் பயன்படுத்தி உயர் நீதிமன்றங்கள் இருக்க வேண்டும் என்று குறிப்பிட்டது எனக்கு மகிழ்ச்சி அளிக்கிறது. ஆனால் அதற்கு நீண்ட காலம் எடுக்கும். ஆனால் அவ்வாறு நடந்தால் அது நீதிக்கான அணுகலை மேம்படுத்தும் என்று தெரிவித்தார்.
தொடர்ந்து, விசாரணைக் கைதிகளின் வழக்குகளை முன்னுரிமை அடிப்படையில் மறுபரிசீலனை செய்யுமாறு அனைத்து முதல்வர்கள் மற்றும் உயர் நீதிமன்ற தலைமை நீதிபதிகளுக்கும் பிரதமர் வேண்டுகோள் விடுத்தார். அதில், நாட்டில் சுமார் 3.5 லட்சம் கைதிகள் விசாரணைக்கு உட்பட்டு சிறையில் உள்ளனர், அவர்களில் பெரும்பாலோர் ஏழை அல்லது சாதாரண குடும்பங்களைச் சேர்ந்தவர்கள். ஒவ்வொரு மாவட்டத்திலும் இந்த வழக்குகளை மறுஆய்வு செய்ய மாவட்ட நீதிபதி தலைமையில் குழு உள்ளநிலையில் அவர்களை முடிந்தால் ஜாமீனில் விடுவிக்க முடியும் என்றார். மனிதாபிமான உணர்வு மற்றும் சட்டத்தின் அடிப்படையில் இந்த விஷயங்களுக்கு முன்னுரிமை அளிக்குமாறு அனைத்து முதலமைச்சர்கள், உயர் நீதிமன்ற தலைமை நீதிபதிகளிடம் நான் வேண்டுகோள் விடுப்பேன் என்றார்.
நீதிமன்றங்களில், குறிப்பாக உள்ளூர் அளவில் நிலுவையில் உள்ள வழக்குகளைத் தீர்ப்பதற்கு தியானம் ஒரு முக்கிய கருவியாகும் . நம் சமூகத்தில், தியானம் மூலம் பிரச்னைகளுக்கு தீர்வு காணும் ஆயிரம் ஆண்டு பாரம்பரியம் உள்ளது என்று குறிப்பிட்டுள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்