Fuel Shortage: எரிபொருள் தட்டுப்பாடு இல்லை: பொதுமக்கள் பீதியடைய வேண்டாம் என மத்திய அரசு உறுதி
Fuel Shortage: நாட்டின் சுத்திகரிப்பு நிலையங்கள் முழுத் திறனுடன் இயங்கி வருவதோடு, கச்சா எண்ணெயும் போதிய அளவில் இருப்பு வைக்கப்பட்டுள்ளதாக அரசு உறுதி அளித்துள்ளது.
இந்தியாவின் எரிபொருள் விநியோகம் பாதுகாப்பாக இருப்பதாகவும், பொதுமக்கள் யாரும் பீதியடைய வேண்டாம் என்றும் மத்திய பெட்ரோலியம் மற்றும் இயற்கை எரிவாயு அமைச்சகம் தெரிவித்துள்ளது.
நாட்டின் சுத்திகரிப்பு நிலையங்கள் முழுத் திறனுடன் இயங்கி வருவதோடு, கச்சா எண்ணெயும் போதிய அளவில் இருப்பு வைக்கப்பட்டுள்ளதாக அரசு உறுதி அளித்துள்ளது.
டெல்லியில் நடைபெற்ற செய்தியாளர் சந்திப்பில் பேசிய பெட்ரோலியம் மற்றும் இயற்கை எரிவாயு அமைச்சகத்தின் இணைச் செயலாளர் (சந்தைப்படுத்தல் மற்றும் எண்ணெய் சுத்திகரிப்பு) சுஜாதா சர்மா, நாட்டின் சுத்திகரிப்பு உள்கட்டமைப்பு மற்றும் எரிபொருள் விநியோகச் சங்கிலி நிலையாக உள்ளதாகத் தெரிவித்தார்.
முழுத் திறனுடன் இயங்கும் சுத்திகரிப்பு நிலையங்கள்
"கச்சா எண்ணெயைப் பொறுத்தவரை, நம்மிடம் 258 மில்லியன் மெட்ரிக் டன் சுத்திகரிப்பு திறன் உள்ளது. பெட்ரோல் மற்றும் டீசல் உற்பத்தியில் நாம் சுயமாகப் போதுமான அளவில் (Self-sufficient) இருக்கிறோம்; எனவே, இந்த எரிபொருட்களை இந்தியாவுக்கு இறக்குமதி செய்ய வேண்டிய அவசியம் இல்லை," என்று சுஜாதா சர்மா கூறினார்.
மேலும் அவர் கூறுகையில், "நாட்டில் உள்ள அனைத்து சுத்திகரிப்பு நிலையங்களும் தற்போது 100% அல்லது அதற்கும் அதிகமான உற்பத்தித் திறனில் இயங்கி வருகின்றன. சுத்திகரிப்பு நிலையங்களில் போதிய கச்சா எண்ணெய் இருப்பு உள்ளது, மேலும் விநியோகம் சீராகப் பராமரிக்கப்பட்டு வருகிறது," என்றார்.
#WATCH | Delhi: Sujata Sharma, Joint Secretary (Marketing & Oil Refinery), Ministry of Petroleum & Natural Gas, says, "Petrol and diesel are available in adequate quantities at all petrol pumps... Regarding LPG, I would like to state that this remains a matter of concern for us.… pic.twitter.com/eThJxHWDir
— ANI (@ANI) March 13, 2026
PNG மற்றும் CNG விநியோகத்தில் தடையிருக்காது
வீட்டு உபயோகத்திற்கான குழாய் வழி இயற்கை எரிவாயு (PNG) மற்றும் போக்குவரத்துக்கான அழுத்தப்பட்ட இயற்கை எரிவாயு (CNG) விநியோகம் தடையின்றித் தொடரும் என்று அவர் உறுதியளித்தார். "இந்தச் சூழலில், பொதுமக்கள் எதற்கும் அஞ்சத் தேவையில்லை," என்றும் அவர் குறிப்பிட்டார்.
#WATCH | Delhi: Sujata Sharma, Joint Secretary (Marketing & Oil Refinery), Ministry of Petroleum & Natural Gas, says, "Petrol and diesel are available in adequate quantities at all petrol pumps... Regarding LPG, I would like to state that this remains a matter of concern for us.… pic.twitter.com/eThJxHWDir
— ANI (@ANI) March 13, 2026
LPG தொடர்பான கவலைகளுக்குத் தீர்வு
முக்கிய நகரங்களில் எல்பிஜி (LPG) விநியோகத்தைச் சார்ந்துள்ள சில வணிக ரீதியான நுகர்வோர் தற்போது சிரமங்களைச் சந்தித்து வருவதை அரசு அங்கீகரித்துள்ளது.
"முக்கிய நகரங்களில் உள்ள வணிக ரீதியான நுகர்வோரின் கவலைகளைத் தீர்க்க இந்திய அரசு அனைத்து முயற்சிகளையும் மேற்கொண்டு வருகிறது. அத்தகைய நுகர்வோர் மாற்று எரிவாயு விநியோக வாய்ப்புகளைப் பரிசீலிக்குமாறு கேட்டுக்கொள்கிறோம். உங்கள் பகுதியில் உள்ள உள்ளூர் சிட்டி கேஸ் விநியோக (CGD) நெட்வொர்க் அல்லது டீலர்களைத் தொடர்புகொண்டு PNG இணைப்பைப் பெற்றுக்கொள்ளுமாறு கேட்டுக்கொள்கிறோம்," என அவர் வேண்டுகோள் விடுத்தார்.
தலைப்பு செய்திகள்
ட்ரெண்டிங் செய்திகள்
