என்னது 2 லட்சமா! ஐடி வேலையை விட அதிக சம்பளம்... ஷாக் தந்த இஸ்திரி கடை
தனது வீட்டிற்கு அருகிலுள்ள ஒரு சலவை கடைக்காரர்(Dry Cleaning Shop) உரிமையாளருடன் அவர் நடத்திய உரையாடலில், அந்தத் தம்பதியினர் மாதம் ₹2 லட்சத்திற்கும் மேல் லாபம் ஈட்டுவது தெரியவந்துள்ளது.
தனது வீட்டருகே உள்ள இஸ்திரி கடைக்காரர் மாதம் ரூ.2 லட்சத்துக்கு மேல் சம்பாதிப்பதாக கணக்கு போட்டு இளம்பெண் போட்ட பதிவு வைரலாகி வருகிறது, நளினி உனாகர் என்பவர் பகிர்ந்த அந்த பதிவு, தற்போதைய வேலைவாய்ப்பு மற்றும் வருமானம் குறித்த கேள்விகளை எழுப்பியுள்ளது.
தனது வீட்டிற்கு அருகிலுள்ள ஒரு இஸ்திரி கடைக்காரர்(Dry Cleaning Shop) உரிமையாளருடன் அவர் நடத்திய உரையாடலில், அந்தத் தம்பதியினர் மாதம் ₹2 லட்சத்திற்கும் மேல் லாபம் ஈட்டுவது தெரியவந்துள்ளது. இது இந்தியாவில் 10 ஆண்டுகளுக்கும் மேலான அனுபவம் கொண்ட ஒரு மென்பொருள் பொறியாளரின் ஊதியத்திற்கு இணையானது என்று அவர் தனது பதிவில் குறிப்பிட்டுள்ளார்,. அந்த கடையின் வருமானக் கணக்கீட்டைப் பார்க்கும்போது, ஒரு நாளைக்கு சுமார் 350 துணிகளை ₹10 வீதம் இஸ்திரி செய்வதன் மூலம் ₹3,500-ம், சுமார் 20 உயர்தர ஆடைகளை (சாரி, சூட் போன்றவை) ₹350 வீதம் டிரை க்ளீனிங் செய்வதன் மூலம் ₹7,000-ம் என மொத்தம் ஒரு நாளைக்கு ₹10,500 வருமானம் கிடைக்கிறது.
Yesterday, I was talking with the dry cleaning shop owner near my house, where I regularly go. He and his wife both work together, and they have two helpers on salary. I was shocked when they said they earn around ₹2,00,000 per month, which is equal to a 10+ years experienced… pic.twitter.com/BjPddpb9Me
— Nalini Unagar (@NalinisKitchen) February 9, 2026
மாதத்தில் மூன்று நாட்கள் விடுமுறை போக, மீதமுள்ள நாட்களில் சுமார் ₹2,83,500 மொத்த வருவாயாகக் கிடைக்கிறது. கடை தங்களுக்குச் சொந்தமானது என்பதால் வாடகை ஏதுமின்றி, மின்சாரக் கட்டணம் ₹6,000 மற்றும் இரண்டு உதவியாளர்களுக்கான ஊதியம் ₹40,000 ஆகிய செலவுகளைக் கழித்தால், அந்த தம்பதியினருக்கு நிகர லாபமாக ₹2,37,500 கிடைப்பதாக நளினி விவரித்துள்ளார். சராசரியாக மாதம் ₹2 லட்சத்திற்கு மேல் லாபம் ஈட்டும் இந்த எளிய தொழில், கார்ப்பரேட் வேலைகளை விட அதிக வருமானம் தரக்கூடியது என்பது பலரையும் ஆச்சரியத்தில் ஆழ்த்தியுள்ளது.
தலைப்பு செய்திகள்
ட்ரெண்டிங் செய்திகள்
