43 வருட திருமண வாழ்க்கைக்குப் பின் விவாகரத்து: நீதிமன்றம் அளித்த பரபரப்பு தீர்ப்பு! கணவரின் வேதனை என்ன?

இந்த பிரச்சினைகளால் மன உளைச்சலுக்கு ஆளான கணவர், 2021-ம் ஆண்டு ஜேப்பூர் குடும்ப நல நீதிமன்றத்தில் விவாகரத்துக் கோரி மனுத் தாக்கல் செய்தார்.

ஏஐ புகைப்படம்

Source : Pixabay

சுமார் 43 ஆண்டுகள் நீண்ட திருமண வாழ்க்கைக்குப் பிறகு, 67 வயதான கணவர் ஒருவர் தனது மனைவியிடம் இருந்து விவாகரத்து பெற்றுள்ளார். ராஜஸ்தான் உயர் நீதிமன்றம் வழங்கிய இந்தத் தீர்ப்பு, நீண்டகால திருமண உறவுகளில் ஏற்படும் சிக்கல்கள் பற்றி ஒரு முக்கிய விவாதத்தைத் தூண்டியுள்ளது.

ராஜஸ்தானைச் சேர்ந்த ஒரு தம்பதிக்கு 1982ஆம் ஆண்டு திருமணம் நடைபெற்று உள்ளது. இவர்களுக்கு குழந்தைகள் இல்லை. கடந்த பல ஆண்டுகளாகவே கணவன் மனைவி இடையே பல்வேறு பிரச்சினைகள் ஏற்பட்டுள்ளன.

இந்த நிலையில், கணவர் தனது மனைவி மீது ஒரு முக்கிய குற்றச்சாட்டை முன்வைத்தார். தனது மனைவி தன் மீது தொடர்ச்சியாக சந்தேகப்படுவதாகவும், அவதூறாக பேசுவதாகவும், அது தனது மன அமைதியை வெகுவாக பாதித்ததாகவும் அவர் நீதிமன்றத்தில் தெரிவித்தார். இந்த பிரச்சினைகளால் மன உளைச்சலுக்கு ஆளான கணவர், 2021-ம் ஆண்டு ஜேப்பூர் குடும்ப நல நீதிமன்றத்தில் விவாகரத்துக் கோரி மனுத் தாக்கல் செய்தார்.

குடும்ப நீதிமன்றம் அளித்த தீர்ப்பு

நீதிமன்றத்தில் நடந்த விசாரணையின்போது, கணவர் தனது குற்றச்சாட்டுகளுக்கு ஆதாரங்களை சமர்ப்பித்தார். மனைவியின் சந்தேகப்படும் குணமும், அவதூறான பேச்சும் தனது வாழ்க்கையை எப்படி பாதிக்கிறது என்பதையும் விளக்கினார். இந்த ஆதாரங்களை பரிசீலித்த குடும்ப நீதிமன்றம், கணவருக்கு விவாகரத்து வழங்கியது.

மேல் முறையீடு

குடும்ப நீதிமன்றத்தின் தீர்ப்பை எதிர்த்து மனைவி ராஜஸ்தான் உயர் நீதிமன்றத்தில் மேல்முறையீடு செய்தார். ஆனால், உயர் நீதிமன்றமும் குடும்ப நீதிமன்றத்தின் தீர்ப்பை உறுதி செய்தது. நீதிபதிகள் மகேந்திர குமார் கோயல் மற்றும் இந்திரேஷ் குமார் அடங்கிய அமர்வு கூறும்போது, "மனைவி தன் கணவனை சந்தேகப்படுவது, அவதூறாகப் பேசுவது போன்ற செயல்கள் கணவருக்கு மன ரீதியான கொடுமையாகும். இது போன்ற சூழலில், தொடர்ந்து திருமண உறவில் நீடிக்க கணவரை வற்புறுத்துவது நியாயமற்றது" என்று கருத்து தெரிவித்தனர்.

தொடர்ந்து சம்பந்தப்பட்ட கணவருக்கு விவாகரத்து வழங்கி உத்தரவிட்டனர்.